&nbsp;Кыргыз Республикасынын Энергетика министрлигинин тармактын ишенимдүүлүгүн жогорулатуу жана калкты сапаттуу электр энергиясы менен камсыз кылуу тапшырмасына ылайык, быйыл Жалал-Абад облусу боюнча жалпы 6-10/0,4 кВ 555 даана трансформатор оңдоодон өткөрүлүп, кошумча 6-10/0,4 кВ 14 даана жаңы трансформатор орнотулат. Аталган иш аракеттер 2026-жылдын март айынан ноябрь айына чейин жүргүзүлөт. Аталган жабдууларды жаңылоо &ldquo;КУЭТ&rdquo; ААК тарабынан каржыланып, Жалал-Абад электр тармактар ишканасы тарабынан ишке ашырылат. 
 
&nbsp;Оңдоо иштеринин алкагында трансформаторлордун техникалык абалы текшерилип, эскирген тетиктер алмаштырылат жана керектүү техникалык тейлөө жүргүзүлөт. Жаңы трансформаторлорду орнотуу электр энергиясын берүү сапатын жакшыртып, жүктөмдү тең салмактоого жана керектөөчүлөрдү туруктуу камсыздоого шарт түзөт. 
 
&nbsp;Трансформаторлор облустун төмөнкү аймактарында жаңыланат: 
 
- Аксы району&ndash; 55 даана оңдоо, 1 даана жаңы курулат; 
 
- Ала-Бука району &ndash; 67 даана оңдоо, 1 даана жаңы курулат; 
 
- Базар-Коргон району&ndash; 41 даана оңдоо, 2 даана жаңы курулат; 
 
- Манас шаары &ndash; 24 даана оңдоо, 2 даана жаңы курулат; 
 
- Кара-Көл шаары&ndash; 19 даана оңдоо, 1 даана жаңы курулат; 
 
- Көк-Арт өрөөнү &ndash; 53 даана оңдоо, 1 даана жаңы курулат; 
 
- Майлуу-Суу шаары&ndash; 10 даана оңдоо, 1 даана жаңы курулат; 
 
- Ноокен району&ndash; 71 даана оңдоо, 2 даана жаңы курулат; 
 
- Сузак району &ndash; 81 даана оңдоо, 2 даана жаңы курулат; 
 
- Токтогул району&ndash; 92 даана оңдоо, 1 даана жаңы курулат; 
 
- Таш-Көмүр шаары &ndash; 28 даана оңдоо; 
 
- Чаткал &ndash; 14 даана оңдоо. 
 
&nbsp;Эске салсак, Жалал-Абад электр тармактар ишканасынын карамагында облус боюнча жалпы 4348 даана трансформатор бар. Алар жыл аягына чейин техникалык тейлөөдөн жана оңдоп-түзөөдөн толук өткөрүлөт. 
 
&nbsp;Керектөөчүлөр үчүн байланыш: 
105 
0772 00 12 09 
0556 00 12 09 
WhatsApp: 0702 00 12 09

Жалал-Абад облусунда 555 трансформатор оңдоодон өтүп, 14 жаңы трансформатор орнотулат

Энергетика министрлиги жүргүзүп жаткан реформанын алкагында өлкөнүн энергетикалык инфраструктурасын жаңылоо иштери ырааттуу уланууда. 
 
Бул ири жаңылануунун негизги бөлүгү катары узундугу 80 чакырымды түзгөн 110 кВ &laquo;Тамга&ndash;Пржевальск&raquo; аба чубалгысы толугу менен реконструкцияланат. Аталган аба чубалгы Каракол шаарын, ошондой эле Жети-Өгүз жана Ак-Суу райондорун электр энергиясы менен камсыз кылып келет. Долбоордун ишке ашырылышы аймактагы калкты, социалдык объектилерди жана өндүрүш ишканаларын туруктуу жана сапаттуу электр энергиясы менен камсыздайт. 
 
Тамга&ndash;Пржевальск аба чубалгысын реконструкциялоо иштерин 2026-жылдын аягына чейин толук бүтүрүү пландалууда. Бул мөөнөттө аба чубалгы толугу менен жаңыланып, заманбап техникалык талаптарга жооп берген абалга келтирилет. 
 
Мындан тышкары, 2026-жылы 35&ndash;110&ndash;220 кВ чыңалуудагы 1411 чакырым аба чубалгылары техникалык тейлөөдөн өткөрүлөт. 1964-жылдары орнотулуп, эскилиги жеткен 5495 фарфор изолятор заманбап айнек изоляторлорго алмаштырылат. Бул чаралар электр энергиясын жеткирүүнүн ишенимдүүлүгүн жогорулатып, авариялык өчүрүүлөрдүн санын кыскартууга багытталган. 
 
Ошондой эле жогорку чыңалуудагы аба чубалгылар кызматы 13 тирөөчтө суу ташкынына каршы алдын алуу иштерин жүргүзөт. Комплекстүү коргонуу чаралары өзгөчө кырдаалдардын тобокелдигин азайтып, керектөөчүлөрдү үзгүлтүксүз электр энергиясы менен камсыздоону камсыздайт. Суу ташкынына даярдык иштери жергиликтүү бийлик органдары, ошондой эле өзгөчө кырдаалдар жана өрт коопсуздугу кызматтары менен тыгыз кызматташтыкта жүргүзүлөт. 
 
Энергетика тармагындагы бул кеңири масштабдагы иштер &mdash; өлкөнүн энергетикалык коопсуздугун чыңдоого, инфраструктураны заманбап деңгээлге чыгарууга жана калктын жашоо сапатын жогорулатууга багытталган ырааттуу реформалардын маанилүү бөлүгү болуп саналат. 
 
<img alt="📞" src="https://web.telegram.org/a/img-apple-64/1f4de.png" />&nbsp;Электр энергиясына байланыштуу суроолор үчүн төмөнкү номерлерге кайрылыңыздар: 
105; <img alt="📱" src="https://web.telegram.org/a/img-apple-64/1f4f1.png" />&nbsp;+996 772 001209; +996 556 001209&nbsp; <img alt="📲" src="https://web.telegram.org/a/img-apple-64/1f4f2.png" />&nbsp;WhatsApp: +996 702 001209 
_ 
&nbsp;

Ысык-Көлдө ири энергетикалык аба чубалгылар жаңыланат

&nbsp;

Кыргыз Республикасынын Энергетика министрлиги тарабынан жүргүзүлүп жаткан реформалардын алкагында, ошондой эле энергетиктердин иши үчүн оптималдуу шарттарды түзүү, керектөөчүлөрдү үзгүлтүксүз электр энергиясы менен камсыздоо жана тейлөө сапатын жогорулатуу максатында, &nbsp;&ldquo;КУЭТ&rdquo; ААК тарабынан 2026-жылы энергетика тармагы активдүү технологиялык жаңылануу фазасына кирет.

Эл аралык финансы институттарынын (ӨӨРБ, ИӨБ, Дүйнөлүк банк, JICA) колдоосу менен &laquo;Кыргызстан улуттук электр тармагы&raquo; ААК бир катар стратегиялык долбоорлорду ишке ашырууга киришет:

1. Ысык-Көл облусунун тармактарын модернизациялоо:

&laquo;Долинка &mdash; Речная&raquo; долбоору (ӨӨРБ): 110/10 кВ &laquo;Долинка&raquo; көмөк чордонун модернизациялоо жана 35/10 кВ &laquo;Речная&raquo; көмөк чордонун 110 кВ чыңалууга өткөрүү менен реконструкциялоо каралган. Бул долбоор Кара-Ой айылындагы жаңы 5 жылдыздуу мейманканаларды жана эл аралык маанидеги объекттерди энергия менен камсыз кылат.

220 кВ &laquo;Тамга-Каракол&raquo; аба чубалгысы (ИӨБ): 220 кВ аба чубалгысын жана жаңы &laquo;Тамга&raquo; жана &laquo;Каракол&raquo; көмөк чордондорун курууну камтыйт, бул аймактын энергетикалык шакекчесинин ишенимдүүлүгүн кыйла бекемдейт.

2. 500 кВ &laquo;Кемин-Балыкчы&raquo; магистралдык линиясы (ӨӨРБ)

Өлкөнүн түндүгүндөгү кубаттуулуктун тартыштыгын жоюу үчүн узундугу 52,7 км болгон 500 кВ аба чубалгысын жана жаңы 500 кВ &laquo;Балыкчы&raquo; көмөк чордонун куруу боюнча долбоор ишке ашырылууда. Долбоор республиканын энергия коопсуздугун чыңдоого багытталган.

3. Өлкөнүн түштүгүндө энергиянын кайра жаралуучу булактарын өнүктүрүү жана инновациялар:

220 кВ &laquo;Исанова&raquo; көмөк чордону (Дүйнөлүк банк): Кайра жаралуучу энергетиканы өнүктүрүү алкагында Ош облусунда жаңы кубаттуулуктарды тармакка интеграциялоо үчүн 220 кВ &laquo;Исанова&raquo; (2х200 МВА) көмөк чордону курулууда.

Санариптештирүү жана туруктуулук (Дүйнөлүк банк/SECO): &laquo;Акылдуу&raquo; эсептегичтерди (ЭККӨАЖ/АСКУЭ) орнотуу, трансформаторлорду алмаштыруу жана тармактарды жаңылоо (ӨЗО/СИП зымдары) боюнча масштабдуу долбоор. SCADA башкаруу тутумун жигердүү киргизүү улантылууда.

4. Жаңы муундагы окуу борбору (JICA)

&laquo;Кыргызстан улуттук электр тармагы&raquo; ААКтын ZEB концепциясы боюнча уникалдуу Окуу борборунун курулушу башталууда.

Объект өздүк күн генерациясы жана энергияны сактоо тутумдары менен жабдылат.

Кадрларды дүйнөлүк стандарттар боюнча даярдоо үчүн релелик коргоо жана энергия тутумун мониторинг кылуу боюнча заманбап симуляторлор орнотулат.

Бул долбоорлорду ишке ашыруу физикалык инфраструктураны жаңыртууга гана эмес, жаңы өнөр-жай жана туристтик объекттерди туташтыруу үчүн ишенимдүү база түзүүгө, техникалык жоготууларды азайтууга жана энергетик-адистердин жаңы муунун даярдоого мүмкүндүк берет.

Электр менен камсыздоо маселелери боюнча кошумча маалымат алуу үчүн &laquo;Кыргызстан улуттук электр тармагы&raquo; ААКтын күнү-түнү иштеген колл-борборуна кайрылсаңыздар болот:

📞 105 (чалуу акысыз) 📞 +996 772 001209, 0556 001209 📲 WhatsApp: +996 702 001209

Энергетикалык көз карандысыздык жана модернизация: 2026-жылдын негизги долбоорлору

&nbsp;

Кыргыз Республикасынын Энергетика министрлиги тарабынан генерацияны көтөрүү багытында коюлган тапшырмага ылайык, эскилиги жеткен ири ГЭСтердин гидроагрегаттарын реконструкциялоо иштери жургүзүлүүдө. 

Учурда &laquo;Электр станциялар&raquo; ААКна караштуу Үч-Коргон ГЭСинде эки гидроагрегатка бир учурда&nbsp; модернизация&nbsp; иштери жүргүзүлүүдө. Азыркы тапта&nbsp; №2 гидроагрегатты демонтаждоо иштери 90%га аткарылды. Ал эми гидроагрегат №1 демонтаждоо жумуштары башталды. Учурда адистер эски жабдууларды толугу менен сыртка&nbsp; алып чыгып, заманбап гидроагрегатты орнотууга даярдык көрүүдө. 

ГЭС төрт гидроагрегаттан турат, ар биринин баштапкы кубаттуулугу болжол менен 45 МВт. Жылына 800 миллиондон ашык кВт&middot;саат электр энергиясын өндүрчү.

Ал эми УКГЭСине реконструкция бүткөндөн кийин гидроагрегаттын кубаттуулугу жогорулап, жалпы өндүрүш 180 МВттан 216 МВтка чейин&nbsp; өсүп, жылына 984 Миллиондон ашык кВт&middot;саат электр энергиясын өндүрот. Бул&nbsp; Кыргызстандагы энергетикалык коопсуздукту бекемдөөгө чоң салым кошот.

Үч-Коргон ГЭСинде реконструкцияланып жаткан гидроагрегаттар 2026-жылдын соңуна чейин ишке киргизилет.

Маалымат катары: Үч-Коргон ГЭСи &mdash; өлкөнүн эң эски жана стратегиялык мааниге ээ гидроэлектростанциялардын бири. Ал Нарын дарыясынын боюнда жайгашып, 1962-жылы ишке берилген. Станция 60 жылдан ашык убакыттан бери үзгүлтүксүз иштеп, түштүк аймакты электр энергиясы менен камсыз кылып келүүдө.

Эски жабдуулар 30&ndash;35 жылдык эсептик мөөнөттөн эки эсе узак кызмат өтөгөн. Узак жылдар бою капиталдык реконструкция болбогондуктан, агрегаттар эскирген. Азыркы модернизация иштеринин жүрүшү станцияга &ldquo;экинчи өмүрдү&rdquo; берип, ишенимдүүлүгүн, коопсуздугун жана натыйжалуулугун жогорулатат. Муну менен Үч-Коргон ГЭСи тарыхый мурас катары гана эмес, заманбап энергетикалык объект катары да өлкөнүн өнүгүшүнө кызмат кылууну улантат

Үч-Коргон ГЭСинде реконструкцияланып жаткан №1 жана №2 гидроагрегаттарды реконструкциялоо иштери улантылууда

&nbsp;

Кыргыз Республикасынын Энергетика министрлиги тарабынан Нарын облусунда жаңы инвестициялык долбоорлорду ишке ашыруу боюнча иштер улантылууда.

Нарын районунун Кур-Терек аймагында жайгашкан &laquo;ЭЭА Нарын &mdash; ЭЭА Кашкар&raquo; индустриалдык паркында &laquo;Эки өлкө &mdash; эки парк&raquo; долбоору ишке ашырылып, анын алкагында төрт өнөр жай ишканасынын курулушу башталды. Алардын туруктуу иштеши үчүн кошумча электр кубаттуулугу талап кылынат.

Курулуп жаткан өнөр жай, турак жай жана социалдык объектилерди ишенимдүү жана үзгүлтүксүз электр энергиясы менен камсыз кылуу максатында &laquo;КУЭТ&raquo; ААКнын филиалы &mdash; Нарын электр тармактар ишканасы пландалган иштердин параметрлерин кайра карап чыкты. Мурда каралган 35 кВ &laquo;Кур-Терек&raquo; көмөк чордонунун ордуна 2025-жылга карата капиталдык курулуш планына 110/35/10 кВ &laquo;Кур-Терек&raquo; көмөк чордонун жана узундугу 10,42 чакырымды түзгөн 110 кВ аба чубалгысын куруу киргизилди.

Долбоорду ишке ашыруу менен 110/35/10 кВ &laquo;Нарын-1&raquo; көмөк чордонундагы жүктөм азайтылып, аймактын энергосистемасынын келечектеги өнүгүүсүнө шарт түзүлөт. Мындан тышкары, МИК тарабынан курулуучу турак жай комплекстерин жана реконструкцияланып жаткан &laquo;Нарын&raquo; аэропортун кошкондо, жаңы объектилерди электр тармагына кошууга мүмкүнчүлүк ачылат.

Курулуш иштери 2025-жылдын апрелинде башталып, учурда жигердүү ишке ашыруу баскычында Учурда &laquo;Кур-Терек&raquo; тилкесиндеги курулуш аянтчасын убактылуу электр энергиясы менен камсыз кылуу үчүн кубаттуулугу 400 кВА болгон трансформатордук көмөк чордон орнотулган.

Көмөк чордонду куруу &laquo;Кыргызстан УЭТ&raquo; ААК тарабынан өз каражаттарынын эсебинен каржыланууда. Долбоорду ишке ашыруу үчүн бардык зарыл материалдар жана жабдуулар менен толук камсыздалган. Объектти пайдаланууга берүү 2026-жылдын аягына пландалууда.

Электр энергиясы боюнча кошумча маалымат алуу үчүн &ldquo;КУЭТ&rdquo; ААКнын күнү-түнү иштөөчү чалуу борборунун төмөнкү телефондоруна кайрылсаңыздар болот:

<img alt="📞" src="https://static.xx.fbcdn.net/images/emoji.php/v9/t4d/1/16/1f4de.png" style="height:16px; width:16px" />105 (акысыз чалуу),

<img alt="📞" src="https://static.xx.fbcdn.net/images/emoji.php/v9/t4d/1/16/1f4de.png" style="height:16px; width:16px" />+996 772 001209, 0556 001209

<img alt="📲" src="https://static.xx.fbcdn.net/images/emoji.php/v9/td8/1/16/1f4f2.png" style="height:16px; width:16px" /> WhatsApp: +996 702 001209

Нарын облусунда 110/35/10 кВ «Кур-Терек» көмөк чордонунун курулушу башталды

&nbsp;

Кыргыз Республикасынын Президенти С.Н.Жапаровдун энергетика тармагындагы долбоорлорду ишке ашыруу жана өнүктүрүү боюнча койгон тапшырмасына ылайык, 2026-жылдын 2-мартында Кыргыз Республикасынын энергетика министри Т.Ибраев Ысык-Көл облусуна болгон иш сапарынын алкагында аймактагы энергетикалык объектилердин абалы жана 2026-жылга пландалган ири долбоорлор менен таанышты.

Алгач министр &ldquo;КУЭТ&rdquo; ААКнын филиалы &mdash; Ысык-Көл электр тармактар ишканасынын жамааты менен жыйын өткөрдү. Жыйындын жүрүшүндө тармактагы орчундуу маселелер талкууланып, кызматкерлердин суроолоруна жооп берилди. Министр акылдуу эсептегичтерди 100 пайыз орнотууну ыкчамдатуу жана электр энергиясынын жоготууларын азайтуу боюнча конкреттүү тапшырмаларды берди.

Ошондой эле Кара-Сай өрөөнүндөгү Бедел өткөрмө пунктун жана жакынкы айылдарды ыкчам тейлөө максатында Жети-Өгүз РЭТине караштуу Кара-Сай электр тармактар бөлүмүн жана Түп РЭТине караштуу Ой-Тал электр тармактар бөлүмүн куруу милдети коюлду. Мындан тышкары Жети-Өгүз, Түп РЭТтерине жана байланыш кызматын атайын техникалар менен камсыздоо маселеси белгиленди.

Андан кийин министр Каракол шаарында курула турган жылуулук-энергетикалык борбордун долбоору менен жеринен таанышты. Долбоордун алкагында кубаттуулугу 120 МВт болгон жаңы объектти 110/35/10 кВ &ldquo;Пржевальск&rdquo; көмөк чордону аркылуу электр тармагына кошуу маселеси каралды. Бул борбор ишке киргенден кийин өндүрүлгөн электр энергиясы Каракол шаарынын керектөөсүн толук камсыздоого мүмкүндүк берет.

Иш сапарынын жүрүшүндө министр Бактуу-Долоноту айылындагы ипподромго барып, быйыл өткөрүлө турган ШКУ саммити жана III Дүйнөлүк көчмөндөр оюндары маалында сапаттуу жана үзгүлтүксүз электр менен камсыздоо, кубаттуулукту көтөрүү боюнча&nbsp;&nbsp; маселелерин карады.

Мындан тышкары ал Чолпон-Ата РЭТине барып, капиталдык ремонттон өткөн административдик имарат менен таанышты. Кызматкерлердин сунуш-пикирлерин угуп, аталган РЭТти атайын техникалар&nbsp; менен камсыздоону убадалады.

Иш сапардын алкагында модернизациядан өтө турган &quot;Долинка&quot; көмөк чордону да каралды. Долбоор боюнча АТ1-10 жана АТ2-16 МВА кубаттуулуктагы трансформаторлор 40 МВА болгон эки жаңы трансформаторго алмаштырылып, жаңы 80 МВА көмөк чордон орнотулат.

Ошондой эле министр энергетиктердин &ldquo;Эл-Нуру&rdquo; пансионатына барып, ал жерде&nbsp; жүргүзүлүп жаткан курулуш иштеринин, жайкы сезонго даярдыгын текшерди. Учурда пансионаттын аймагында жаңы 50 орундуу коттедждер курулууда: эки кабаттуу 5 коттедж жана бир кабаттуу 5 коттедж салынып жатат. Мындан тышкары пансионаттын таза суу менен камсыздоо системасы толук модернизацияланууда. Министр курулуш иштерин сапаттуу жүргүзүп, 2026-жылдын 10-июнуна чейин аяктоону тапшырды.

Министр иш сапардын жыйынтыгында аймактагы энергетикалык инфраструктураны өнүктүрүү жана электр менен камсыздоонун ишенимдүүлүгүн жогорулатуу артыкчылыктуу багыт бойдон каларын белгиледи. Ал коюлган тапшырмалардын өз убагында жана сапаттуу аткарылышы тармактын туруктуу иштешин камсыздоого өбөлгө түзөрүн айтты.

Энергетика министри Ысык-Көл облусунда ишке ашырыла турган долбоорлор менен таанышты

&nbsp;

2026-жылдын 3-мартында Кыргыз Республикасынын энергетика министри Т.Ибраев менен &laquo;Blue Networks&raquo; компаниясынын башкы директору Но Cун Ён мырзанын эки тараптуу жолугушуусу болуп отту.

Жолугушуунун жүрүшүндө тараптар электр кубаттоочу станциялардын инфраструктурасын өнүктүрүү жана Кыргыз Республикасында заманбап энергетикалык технологияларды киргизүү жаатындагы эки тараптуу кызматташуунун учурдагы абалын жана келечегин талкуулады.

Белгиленгендей, 2026-жылдын июль айына чейин компания тарабынан Кыргыз Республикасынын аймагында Автоунаалар үчүн 300 электр кубаттоочу станцияларды даярдоо пландалууда. Өз кезегинде компаниянын өкүлдөрү Корея Республикасында 3500 кубаттоочу станция ийгиликтүү орнотулгандыгын маалымдашты, бул компаниянын бул чөйрөдөгү олуттуу практикалык тажрыйбасын жана технологиялык компетенциясын тастыктайт.

Тараптар ошондой эле кызматташууну кеңейтүүгө, анын ичинде күн электр станцияларын куруу жана энергиянын кайра жаралуучу булактарын өнүктүрүү боюнча долбоорлорду ишке ашырууга өз ара кызыкдар экендигин билдиришти.

Тармакты санариптештирүү маселелерине өзгөчө көңүл бурулду. Компания кубаттоочу инфраструктураны башкаруу үчүн атайын программалык камсыздоону иштеп чыккандыгын билдирди. Жолугушуунун жыйынтыгы боюнча системанын ачык-айкындуулугун, мониторингин жана натыйжалуу башкарууну камсыздоо үчүн Кыргыз Республикасынын Энергетика министрлигине тийиштүү кирүү ачкычтарын жана логиндерди өткөрүп берүү жөнүндө макулдашуу ырасталды.

Кыргыз Республикасынын Энергетика министрлиги өлкөнүн жашыл экономикасын өнүктүрүү, инвестициялык жагымдуулугун жогорулатуу жана Кыргыз-корей өнөктөштүгүн бекемдөө үчүн ишке ашырылып жаткан долбоорлордун стратегиялык маанисин баса белгиледи.

Маалымат катары: &quot;Blue Networks Co., Ltd.&quot; менен кызматташуу 2024-жылдан бери уланып келет. 2024-жылдын август айында &laquo;Чакан ГЭС&raquo; ААК менен компаниянын ортосунда электр заряддоо станцияларын чогу даярдап иштетүү жана пайдалануу боюнча өз ара түшүнүшүү Меморандумуна кол коюлган.

2025-жылы Кыргыз Республикасында электр заряддоочу станцияларды чогултуу, өндүрүү жана орнотуу боюнча өндүрүштүк ишкана ачуу долбоорун ишке ашыруу боюнча алкактык Макулдашууга кол коюлган. Макулдашуунун алкагында &quot;Рево Кей Джи&quot; ЖЧК биргелешкен ишканасы түзүлгөн, электр кубаттоочу станцияларды чогултуу боюнча заводду ишке киргизүү 2026-жылдын апрель айына пландаштырылган.

Энергетика министри Т.Ибраев «Blue Networks» компаниясынын башкы директору Но Cун Ён менен жолукту

&nbsp;

Кыргыз Республикасынын энергетика министри Т. Ибраев Ысык-Көл облусуна иш сапары менен келип, аймактагы энергетикалык объектилердин абалы жана ишмердүүлүгү менен жеринен таанышты.

Иш сапардын алкагында энергетика министри 220/110/24 кВ &laquo;Тамга&raquo; көмөк чордонунда болуп, жогорку чыңалуудагы аба чубалгылар, автоматика жана релелик коргоо, ошондой эле көмөк чордон кызматтарынын иши менен таанышып, кызматкерлерлин көйгөй-талаптарын жана сунуштарын укту.

Жолугушуунун жыйынтыгында министр көтөрүлгөн маселелерди чечүүгө колдоо көрсөтөрүн белгилеп, бир катар тапшырмаларды берди. Анын ичинде жогорку чыңалуудагы аба чубалгылар тобун жана релелик коргоо тобун кызматтык автоунаалар менен камсыздоо маселеси тиешелүү жетекчилерге тапшырылды.

Мындан тышкары, кызматкерлер жайгашкан административдик имаратты реконструкциялоо тапшырмасы коюлду.

Ошондой эле 220 кВ Тамга&ndash;Каракол жогорку чыңалуудагы аба чубалгысын куруу долбоору талкууланып, тиешелүү сунуштар каралды. Долбоордун алкагында &laquo;Тамга&raquo; көмөк чордонун кеңейтүү, кызматкерлер үчүн атайын техникаларды алуу жана административдик имараттын чатырына күн панелдерин орнотуу маселелери каралууда.

Иш сапардын жүрүшүндө министр Жыргалаң аймагына да барып, &laquo;Ала-Тоо Резорт&raquo; тоо-лыжа комплексинин курулуш иштеринин электрлештирүү жумуштарынын аткарылышы жеринен текшерди. Ал 35/10 кВ &laquo;Үч чоку&raquo; көмөк чордонун жана 35/6 кВ &laquo;Жыргалаң&raquo; көмөк чордонун, аймактагы электр тармактарынын абалын көрдү.

Мындан тышкары, Ак-Суу РЭТине караштуу жаңы ачыла турган Жыргалаң электр тармактар бөлүмүнүн имараты текшерип, ал бөлүмдүн штат бирдигин карап чыгуу боюнча тиешелүү жетекчиликке тапшырма берди. Ошондой эле Ак-Суу РЭТин тиешелүү кызматтык автоунаа менен камсыздоого убадалады.

Ошону менен катар энергетика министри курулуп жаткан Жыргалаң ГЭСинин курулушу менен да таанышып, долбоордун жүрүшү боюнча маалымат алды.

Кыргыз Республикасынын Президенти С.Н.Жапаровдун энергетика тармагын өнүктүрүү жана таңкыстыктан чыгуу үчүн Энергетика министрлигине койгон тапшырмасына ылайык, министр Т.Ибраевдин көзөмөлү алдында жогоруда аталган долбоорлорду ишке ашыруу үчүн атайын техникалар, керектүү каражаттар менен камсыздоо иштери жүрүп жатат.Ал долбоорлордун катарында 110 кВ &ldquo;Пржевальск&rdquo; көмөк чордонунан жаңы курула турган 110 кВ &ldquo;Ала-Тоо резорт&rdquo; көмөк чордонуна чейин узундугу 47 км болгон аба чубалгынын курулушу пландалууда. Долбоорлоо иштери жүргүзүлүп, тиешелүү келишим түзүлгөн, учурда зым тиректердин чекиттерин тактоо жана макулдашуу иштери жүрүп жатат. Аба чубалгы үч айыл өкмөтүнүн аймагынан өтүп, керектүү токтомдор алынган, токой чарба жана жер ээлери менен макулдашуу процесси уланууда. Ошондой эле 110/35/10 кВ көмөк чордондун орду аныкталып, тиешелүү документтер даярдалып, макулдашуу этаптары жүрүүдө.Ар бир долбоор графикке ылайык өз убагында ишке киргизилет.

Бул иш сапар энергетикалык инфраструктураны өнүктүрүүгө, кызматкерлердин эмгек шарттарын жакшыртууга жана Ысык-Көл облусунда электр энергиясы менен камсыздоонун ишенимдүүлүгүн арттырууга багытталган маанилүү кадам болду.

&mdash;&mdash;&mdash;&mdash;&mdash;&mdash;&mdash;&mdash;&mdash;-

Энергетика министри Ысык-Көл облусундагы энергообьектилердин иши менен таанышты

&nbsp;

&nbsp;

Кыргыз Республикасынын Президенти С.Н.Жапаровдун энергетика тармагына инвестиция тартуу, ири долбоорлорду ишке ашыруу боюнча койгон тапшырмасына ылайык, 2026-жылдын 25-26-февралында Кыргыз Республикасынын энергетика министри Таалайбек Ибраев Нарын облусуна эки күндүк иш сапар менен барып, бир катар энергетикалык обьектилердин иши менен таанышты.

Алгач министр Т.Ибраев Нарын облусунда курулуп жаткан кубаттуулугу 100 МВт болгон Куланак ГЭСинин курулуш аянтчасында жүргүзүлүп жаткан иштер менен таанышып, долбоордун мөөнөттөрү жана техникалык чечимдери талкууланды. ГЭСтин башку инженери Сариев Асылбек куруу иштеринин азыркы этабы, аткарылган иштер, алдыдагы пландары тууралуу маалымат берди. Куланак ГЭСин ишке киргизүү 2027-жылга пландалып жатканын билдирди. 

Энергетика министри долбоордо белгиленген графикке ылайык, куруу иштерин өз убагында жана сапаттуу ишке ашырууну тийиштүү жетекчиге тапшырды.

Учурда аткарылган иштер:

Бүгүнкү күндө аткарылып жаткан жумуштар:

Таш-топурактан плотина, суу өткөрүүчү бетон конструкциялар, суу кирүүчү каналдын алгычы жана каналдын бетондон дубалы курулууда. Гидроагрегаттын темирден суу түтүктөрү (турбинный водовод) жана турбиналык участогуна темир шаймандары монтаждалып жана орнотулууп жатат. Станциянын курулгандан кийин сууну буруучу каналы жана жээкти коргоочу дубалдарды, станциянын имаратынын төмөнкү катмарындагы темир-бетон конструкцияларын бөлүүчү бетондон конструктивтүү элементтери тургузулуп жатат.

Иш сапардын жүрүшүндө министр Т.Ибраев убагында куруу иштери башталып, бирок айрым бир себептерден улам ишке ашырылбай калган &ldquo;Жогорку Нарын каскад&rdquo; долбоорунун алкагында салынган обьектилердин учурдагы абалын жеринен көрүп чыкты. 

Аталган долбоорду кайрадан жандандырууга, алдыга жылдырууга, инвестиция тартуу, жана аны ишке киргизүү боюнча энергеокомпаниялардын тийиштүү жетекчилери менен талкуу жүргүздү. 

Мындан тышкары министр Т.Ибраевдин жана &ldquo;КУЭТ&rdquo; ААКнын башкы директору И.Сыдыгалиевдин катышуусунда Нарын электр тармактар ишканасынын кызматкерлери менен жыйын болуп отту. 

Жыйында тармактын негизги өндүрүштүк-каржылык жана техникалык маселелери каралды.

Атап айтканда:

&bull; дебитордук карыздардын абалы жана аны кыскартуу боюнча чаралар;

&bull; АСКУЭ системасын өнүктүрүү жана кеңейтүү;

&bull; темир-бетон продукцияларын өндүрүү көрсөткүчтөрү;

&bull; авариялык өчүрүүлөрдү азайтуу боюнча иш алып баруу;

&bull; оңдоо иштеринде коопсуздук талаптарын күчөтүү;

&bull; коррупциянын алдын алуу боюнча жүргүзүлүп жаткан иштер;

&bull; SCADA системасын киргизүү &mdash; ыкчам диспетчердик ишти санариптештирүү;

&bull; өндүрүштүк инфраструктураны жаңылоо жана жаңы курулуш иштеринин жүрүшү;

* 35/10 кВ Дөдөмөл көмөк чордонуна кызматкерлер үчүн имарат куруу, Кочкор районунун Мантыш электр тармактар барчасына склад жана гараж куруу маселелери.

Мындан тышкары, ишкананын базасында эскилиги жеткен жыйындар залдын ордуна 1-кабатына жаңы жумуш кеңсесин, 2-кабатына жыйындар залын, эски гараждардын ордуна жаңыларын курууну ишкана жетекчисине тапшырды.

Жыйындын жыйынтыгында министр тармактын ишенимдүүлүгүн жогорулатуу, санариптештирүүнү тездетүү, дебитордук карыздарды кыскартуу жана өндүрүштүк коопсуздукту күчөтүү боюнча тиешелүү тапшырмаларды берди.

Энергетика министри Нарындагы энергетикалык обьектилерди текшерди

&nbsp;

&nbsp;

Кыргыз Республикасынын Энергетика министрлиги жүргүзүп жаткан реформалардын жана электр энергиясын жеткирүү системасын автоматташтыруу саясатынын алкагында, 2026-жылы Баткен облусунун аймагында 54 587 даана&nbsp; (АСКУЭ) акылдуу эсептегич орнотуу пландалууда.

Акылдуу эсептегичти ортонотуу иштери Баткен электр тармактары тарабынан жүргүзүлөт.

&nbsp;

Облус ичиндеги райондорго төмөнкүдөй көрсөткүчтө орнотуу иштери жүргүзүлөт:

&bull;&nbsp;&nbsp;&nbsp;&nbsp;&nbsp;&nbsp;&nbsp; Кызыл-Кыя райондук электр тармагы- 10 150 даана

&bull;&nbsp;&nbsp;&nbsp;&nbsp;&nbsp;&nbsp;&nbsp; Кадамжай райондук электр тармагы &ndash; 14 530 даана

&bull;&nbsp;&nbsp;&nbsp;&nbsp;&nbsp;&nbsp;&nbsp; Лейлек райондук электр тармагы &ndash; 14 105 даана

&bull;&nbsp;&nbsp;&nbsp;&nbsp;&nbsp;&nbsp;&nbsp; Сүлүктү райондук электр тармагы &ndash; 15 193 даана

&nbsp;

Учурда Баткен электр тармактар ишканасында 130 668 абонент катталган. Анын ичинен:

&bull;&nbsp;&nbsp;&nbsp;&nbsp;&nbsp;&nbsp;&nbsp; 121 149 &mdash; калк абоненттери,

&bull;&nbsp;&nbsp;&nbsp;&nbsp;&nbsp;&nbsp;&nbsp; 9 519 &mdash; калк эмес абоненттер.

&nbsp;

Белгилей кетсек, 2024-2025-жылга карата облус боюнча жалпы 62 085 даана акылдуу эсептегичтер орнотулду. Тактап айтканда облустун Баткен району, Баткен шаары толугу менен жана Кызыл-Кыя шаары акылдуу эсептегичтер менен камсыздалды. 

&nbsp;

Бул ири масштабдуу долбоор Дүйнөлүк банктын колдоосу менен &ldquo;Кыргызстан УЭТ&rdquo; ААК тарабынан ишке ашырылууда. Негизги максаты &mdash; өлкөнүн энергетикалык тармагын модернизациялоо, санариптик башкаруу системасын өркүндөтүү жана электр энергиясын натыйжалуу пайдаланууну камсыз кылуу болуп саналат.

&nbsp;

Эгерде сизде электр энергиясына байланыштуу суроолор болсо, күнү-түнү иштөөчү колл-борборго кайрылыңыздар: 

Колл-борбору : 105; 1209; 

&nbsp;

0221 33-36-02- Баткен РЭТ

&nbsp;0772 46-04-01- Сүлүктү РЭТ

0221 55-54-78 -Лейлек РЭТ

0221 55-54-68 -Кадамжай РЭТ

0773 94-07-07- Кызыл-Кыя РЭТ

Баткен облусунда 54 587 даана акылдуу эсептегич орнотулат

Энергетика тармагында &nbsp;жаңы стандарттар менен инновациялык изилдөөлөр башталды

Ош облусуна долбоорлонуп жаткан&nbsp;жаңы 220кВ &laquo;Исанов&raquo; көмөкчордонун&nbsp;куруунун алкагында,&nbsp;дрондордун жардамы менен маршруттук изилдөө иштери жүргүзүлүүдө. Бул ыкма&nbsp;электр чубалгылары&nbsp;өтүүчү трассаны абадан жогорку тактыкта сүрөткө жана видеого тартууга мүмкүндүк берет. Жыйналган маалыматтар 3D форматта иштелип чыгып, жер кыртышынын рельефи, техникалык өзгөчөлүктөр жана мүмкүн болгон курулуш кыйынчылыктары так аныкталат.

Консультациялык кызматтарды көрсөтүү боюнча Ирандык Monenco Iran компаниясы менен келишим түзүлгөн, ал эми экологиялык жана социалдык маселелер боюнча консультант MERCADOS ARIES INTERNATIONAL, S.A. менен биргеликте изилдөө жана долбоорлоо иштерин 2026-жылдын 27-февралынан 31-мартына чейин жүргүзөт.

Дрондордун колдонулушу маршрутту так пландоого, айлана-чөйрөгө тийгизе турган таасирин алдын ала баалоого жана коопсуздук стандарттарын так сактоого шарт түзөт. Бул ыкма заманбап технологияларды колдонуу менен ишке ашырылып жатканКыргызстандагы&nbsp;алгачкы тажрыйба болуп саналат жана өлкөдөгү энергетикалык долбоорлор үчүн жаңы стандарттарды&nbsp;камтыйт.&nbsp;Ошол эле учурда&nbsp;аймактагы электр менен камсыздоонун туруктуулугун арттырып, кайра жаралуучу энергия булактарын натыйжалуу интеграциялоого шарт түзөт.

Айта кетсек,&nbsp;Өзгөн, Кара-Кулжа жана Кара-Суурайондорунда&nbsp;курулушу пландалып жаткан&nbsp;жаңы 110 кВ&nbsp;аба чубалгыларынын&nbsp;ишке кириши менен &laquo;Кара-Шоро&raquo;, &laquo;Кара-Кулжа&raquo; жана &laquo;Каратай&raquo;&nbsp;110 кВ көмөкчордондору негизги&nbsp;&laquo;Исанов&raquo;&nbsp;көмөкчордонуна&nbsp;кошулат.

Жаңы курула турган аба чубалгыларынын узундугу:

110 кВ &laquo;Исанов &ndash; Кара-Кулжа&raquo; &ndash; 40 чакырым

110 кВ &laquo;Исанов &ndash; Каратай&raquo; &ndash; 60 чакырым

Эки чынжырлуу 110 кВ &laquo;Исанов &ndash; Кара-Шоро&raquo; &ndash; 3 чакырым

Иш-чаралар Кыргыз Республикасынын &laquo;Кайра жаралуучу энергетиканы өнүктүрүү-&nbsp;I фаза&raquo; (KRED) долбоорунун алкагында&nbsp;жүргүзүлүүдө.Энергетикалык инфраструктураны чыңдоого багытталган маанилүү долбоор&nbsp;- өлкөнүнтармактагы&nbsp;коопсуздугун бекемдеп, &laquo;жашыл&raquo; энергетиканы өнүктүрүүгө олуттуу салым кошот.

Энергетика тармагында  жаңы стандарттар менен инновациялык изилдөөлөр башталды

&nbsp;

Энергетика министрлиги 2026-жылы тармакты өнүктүрүүгө, эскирген жабдууларды жаңылоого, кубаттуулукту көтөрүүгө карата бир катар пландарды койду. Анын алкагында, Ошто быйыл капиталдык курулуш, реконструкция, техникалык оңдоп-түзөө жана модернизациялоо боюнча кеңири масштабдагы иштер аткарылат.

Жалпы пландык иштердин суммасы 527 065,2 миң сомду түзүп, &ldquo;КУЭТ&rdquo; ААК тарабынан каржыланат.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" /> Жаңы курулуш багыты боюнча жалпы 180 788,8 миң сомдук иштер аткарылат. Анын алкагында:

&bull; 110/35/10 кВ &laquo;Мырза-Аке&raquo; көмөк чордонунун курулушу;

&bull; 110 кВ &laquo;Беш-Мойнок&raquo; көмөк чордонунун экинчи кезектеги курулушу;

&bull; 35/10 кВ &laquo;Жаны-Арык&raquo; көмөкчү чордонунун аймагына энергетиктер үчүн кызматтык үй (СБП) куруу;

&bull; Ош ЭТИнин борбордук кампасынын аймагында навес куруу;

&bull; Ноокат РЭТинин аймагында трансформаторлорду оңдоо цехин (ЦРТ) куруу;

&bull; Ош-2 жана Ош-5 көмөк чордондорунда май кабылдагыч жана май чогулткучтарды орнотуу -5 даана;

&bull; Таширов, Кыргыз-Ата, Төбө-Коргон, Көк-Жар аймактарында УЭСтердин (участкалардын) курулушу;

&bull; Ноокат РЭТинин имаратына жылытуу системасын монтаждоо;

&bull; Кошумча КТП орнотуу - 11 даана;

&bull; Кошумча ГКТП орнотуу -19 даана;

&bull; 10 кВ аба чубалгыларын (СИП-3) куруу -16,33 км;

&bull; 0,4 кВ аба чубалгыларын (СИП-2) куруу - 15,31 км;

&bull; 10 кВ кабелдик линияларды куруу - 0,71 км;

&bull; 0,4 кВ кабелдик линияларды куруу - 0,40 км.

Бул иштер аймактардагы электр энергиясы менен камсыздоонун ишенимдүүлүгүн жогорулатууга жана жаңы керектөөчүлөрдү кошууга шарт түзөт.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" /> Реконструкция жана кеңейтүү багытында 103 239,3 миң сомдук иштер жүргүзүлөт:

&bull; 35 кВ &laquo;Ош-5 &ndash; Ош-1&raquo; кабелдик линиясынын реконструкциясы - 6,41 км;

&bull; 6-10 кВ аба чубалгыларын (СИП-3) реконструкциялоо - 50,67 км;

&bull; 0,4 кВ аба чубалгыларын (СИП-2) реконструкциялоо - 52,34 км;

&bull; 0,4 кВ кабелдик линияларды жаңылоо - 0,48 км.

Бул иштер электр тармактарынын техникалык абалын жакшыртып, авариялык өчүүлөрдү кыскартууга багытталат.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" /> Техникалык оңдоп-түзөө жана модернизация боюнча жумуштардын жалпы суммасы 243 037,1 миң сомду түзөт.

Пландын алкагында:

&bull; 110 кВ өчүргүчтөрдү алмаштыруу - 4 комплект;

&bull; 35 кВ өчүргүчтөрдү алмаштыруу - 4 комплект;

&bull; 10 кВ КРУН ячейкаларын орнотуу жана алмаштыруу - 44 ячейка;

&bull; 35 кВ аба чубалгыларындагы зымдарды кубаттуулугу жогору зымдарга алмаштыруу - 27,9 км;

&bull; Байланыш конденсаторлорун орнотуу - 2 комплект;

&bull; Комплекттүү трансформатордук көмөк чордон(КТП) шкафтарын ГКТПга алмаштыруу (ТМ менен) - 14 даана;

&bull; КТП шкафтарын ГКТПга алмаштыруу - 27 даана;

&bull; Шаар тибиндеги комплекттүү трансформатордук көмөк чордон(ГКТП) шкафтарын алмаштыруу (ТМ менен) - 2 даана;

&bull; ГКТП шкафтарын алмаштыруу - 6 даана;

&bull; Өз керектөөлөр үчүн трансформатор(ТСН) орнотуу жана алмаштыруу - 4 даана;

&bull; Объекттерге инженердик-техникалык коргоо системаларын орнотуу - 3 объект;

2026-2027-жылдардагы күз-кыш мезгилдерине даярдык катары каралган бул ири масштабдагы иштер - Ош облусундагы электр тармактарынын өткөрүмдүүлүгүн жогорулатууга, жабдуулардын эскиришин азайтууга жана керектөөчүлөрдү сапаттуу, туруктуу электр энергиясы менен камсыздоого багытталган.

Ошто ири энергетикалык курулуш жана модернизация иштери аткарылат

&nbsp;

&nbsp;

Өлкөнү өнүктүрүү, модернизациялоо жана санариптештирүү максатында Кыргыз Республикасынын Энергетика министрлиги жүргүзүп жаткан реформалардын алкагында Нарын облусу боюнча 2026-жылы 66,36 чакырым 10/0,4 кВ СИП-2, СИП-3 кабелдерин тартуу жана реконструкциялоо пландаштырылды.

СИП кабелдерин реконструкциялоо жана жаңы куруу: 
&nbsp;&bull; Ат-Башы району &mdash; &nbsp;14 км 
&nbsp;&bull; Ак-Талаа району &mdash; &nbsp;6,8 км 
&nbsp;&bull; Кочкор району &mdash; &nbsp;14,5 км 
&nbsp;&bull; Жумгал району &mdash; &nbsp;6,5км 
&nbsp;&bull; Тогуз-Торо району &mdash; 7,6 км 
&nbsp;&bull; Нарын району - 16,9 км

Бул иштер &ldquo;Кыргызстан улуттук электр тармагы&rdquo; ААК тарабынан каржыланып, Нарын облусунун аймагында апрель айынан тартып, октябрь айынын аягына чейин толук аткарылары мерчемделүүдө.

СИП кабелдерин колдонуу электр тармактарынын ишенимдүүлүгүн жогорулатууга мүмкүндүк берет. Бул кабелдер аба ырайынын таасирине туруктуу болуп, электр энергиясынын жоготууларын азайтат, авариялык өчүрүүлөрдүн санын кыскартат жана тейлөө чыгымдарын төмөндөтөт. Мындан тышкары, СИП кабели коопсуздукту арттырып, калктуу конуштарда электр тармактарын пайдаланууну ыңгайлуу жана туруктуу кылат.

Алдыдагы иштер Нарын электр тармактар ишканасынын күз-кыш мезгилине сапаттуу даярдыгын камсыздоого, электр тармактарынын ишенимдүүлүгүн бекемдөөгө жана калкты туруктуу электр энергиясы менен камсыз кылууга багытталган. &nbsp;

Электр энергиясы боюнча кошумча маалымат алуу үчүн &ldquo;КУЭТ&rdquo; ААКнын күнү-түнү иштөөчү чалуу борборунун төмөнкү телефондоруна кайрылсаңыздар болот: 
📞105 (акысыз чалуу),&nbsp; 
📞+996 772 001209, 0556 001209 
📲 WhatsApp: +996 702 001209

Нарын облусунда 66,36 чакырым СИП кабель тартуу жана реконструкциялоо пландалууда

Кыргыз Республикасынын Энергетика министрлиги электроэнергиянын тартыштыгын жоюу максатында энергетика тармагындагы ГЭСтерди жана жабдууларды жаңылоо, реконструкциялоо иштерин улантууда. Анын алкагында &laquo;Чакан ГЭС&raquo; ААК Лебединовка ГЭСин реконструкциялоо боюнча башкы подрядчы компания &ndash;China National Heavy Machinery Corporation (СНМС) менен келишим түздү. Учурда подрядчы компания долборлоо-сметалык документациясын даярдоого киришти.&nbsp; 
Реконструкциялоо долбоору жабдууларды жаңылоого, өндүрүмдүүлүктү жогорулатууга жана станциянын кызмат мөөнөтүн узартууга багытталган. Бул иштер Лебединовка ГЭСинин ишинин натыйжалуулугун жана ишенимдүүлүгүн бир кыйла жогорулатат: 
&bull;&nbsp;&nbsp; &nbsp;орнотулган кубаттуулукту 7,6 МВттан 10,0 МВтка чейин көбөйтүү; 
&bull;&nbsp;&nbsp; &nbsp;электр энергиясын жылдык өндүрүүнү 37,2 млн кВт∙с сааттан 53,5 млн кВт∙с саатка чейин жогорулатуу;&nbsp; 
&bull;&nbsp;&nbsp; &nbsp;гидроэлектростанциянын ишенимдүүлүгүн жакшыртуу. 
Эске салсак, Лебединовка ГЭСи Чүй облусундагы иштеп жаткан эң эски гидроэлектростанциялардын бири. Анын курулушу 1942-жылдын май айында &mdash; Улуу Ата Мекендик согуштун эң кызуу мезгилинде башталган. Негизги иштер катаал кыш мезгилине туура келген. Жети миңден ашуун аялдар жана балдар өз колдору менен тоңгон жерди казып, кайра муздун үстүнөн ташып, тизеден муздак сууда туруп, күн сайын 200 кубометрге чейин жер алдындагы сууну сордуруп, пайдубал бузулбашы үчүн жан үрөп эмгектенишкен. Курулуш болгону бир жыл эки жумага созулган. Ал эми 1943-жылы Фрунзе шаары (азыркы Бишкек) жашоо үчүн өтө маанилүү болгон электр энергиясын алып, фронтту камсыздаган эвакуацияланган заводдор иштей баштаган.

Лебединовка ГЭСин реконструкциялоо боюнча башкы подрядчы компания менен кол коюлду

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 
Өлкөдө Энергетика министрлиги тарабынан тармактагы жүргүзүлүп жаткан кеңири масштабдагы реформалардын, модернизациялоонун жана инфраструктураны системдүү жаңылоонун алкагында &ldquo;КУЭТ&rdquo; ААКнын филиалы &mdash; Жалал-Абад электр тармактар ишканасы тарабынан 2026- жылдын март айынан тартып ноябрь айына чейин Жалал-Абад облусунда 3534 даана мамыча орнотулат. 
 
Бул иштер энергетикалык коопсуздукту чыңдоого, электр менен камсыздоонун ишенимдүүлүгүн арттырууга жана тармактын техникалык базасын заманбап талаптарга шайкеш келтирүүгө багытталган. 
 
2026-жылы облус аймагында 10-0,4 кВ аба чубалгылары боюнча 380 даана жаңы мамыча орнотулат. Алар төмөнкү райондордо жайгашат: 
 
&bull; Аксы району &mdash; 78 даана; 
&bull; Ала-Бука району &mdash; 29 даана; 
&bull; Базар-Коргон району &mdash; 20 даана; 
&bull; Манас району &mdash; 93 даана; 
&bull; Кара-Көл шаары &mdash; 25 даана; 
&bull; Майлуу-Суу шаары &mdash; 18 даана; 
&bull; Ноокен району &mdash; 26 даана; 
&bull; Сузак району &mdash; 27 даана; 
&bull; Таш-Көмүр шаары &mdash; 64 даана; 
 
Мындан тышкары, тармакты комплекстүү жаңылоо максатында 3154 даана эскирген жыгач мамычалар заманбап темир-бетон мамычаларга алмаштырылат. Бул иштер төмөнкү аймактарда жүргүзүлөт: 
 
&bull; Аксы району &mdash; 240 даана; 
&bull; Ала-Бука району &mdash; 326 даана; 
&bull; Базар-Коргон району &mdash; 558 даана; 
&bull; Манас району &mdash; 226 даана; 
&bull; Кара-Көл шаары &mdash; 89 даана; 
&bull; Көк-Арт аймагы &mdash; 414 даана; 
&bull; Майлуу-Суу шаары &mdash; 122 даана; 
&bull; Ноокен району &mdash; 433 даана; 
&bull; Сузак району &mdash; 415 даана; 
&bull; Таш-Көмүр шаары &mdash; 77 даана; 
&bull; Токтогул району &mdash; 169 даана; 
&bull; Чаткал району &mdash; 85 даана; 
 
Жүргүзүлүп жаткан модернизация иштери авариялык өчүүлөрдү азайтып, жүктөмдөрдү туруктуу көтөрүүгө шарт түзөт жана керектөөчүлөргө сапаттуу, үзгүлтүксүз электр энергиясын жеткирүүгө өбөлгө болот. 
 
Жогоруда аталган иштерди аткаруу үчүн пайдаланылуучу мамычалар Базар-Коргон шаарында жайгашкан Жалал-Абад электр тармактар ишканасынын темир-бетон буюмдарын чыгаруу цехинде даярдалат. 
 
Энергетика тармагындагы бул системдүү өзгөрүүлөр &mdash; өлкөнүн туруктуу өнүгүүсүнүн жана калктын жашоо сапатын жогорулатуунун негизги багыттарынын бири. 
 
Керектөөчүлөр үчүн байланыш: 
105 
0772 00 12 09 
0556 00 12 09 
WhatsApp: 0702 00 12 09

Жалал-Абад облусунда 3534 даана мамыча орнотулат

&nbsp;

 
Бул объект келечектеги ири энергетикалык долбоордун негизги транспорттук түйүндөрүнүн бири болуп эсептелет жана ГЭС курула турган аянтка түз жетүүнү камсыздайт. Көпүрө Нарын дарыясы аркылуу салынып, станциянын оң жээгине туруктуу транспорттук байланыш түзөт. Ал ГЭСтин курулушуна керектүү материалдарды, оор техникаларды жана жумушчуларды өткөрүү үчүн маанилүү логистикалык объект болуп саналат. Жалпы жол инфраструктурасын өнүктүрүүнүн алкагында бул көпүрө өзгөчө орунду ээлейт. 
Көпүрөнүн техникалык өзгөчөлүктөрү: 
көтөрүмдүүлүгү &mdash; 400 тонна; 
узундугу &mdash; 200 метрге жакын; 
туурасы &mdash; 11 метр; 
оор жүк жүктөлгөн атайын техникаларды жана автоунааларды өткөрүүгө ылайыкташкан. 
Учурда көпүрөнүн темир-бетон тирөөчү мамычалары толугу менен куюлуп бүттү. Темир конструкциялар жээкте чогултулуп, андан соң аркы жээкти көздөй этап-этабы менен жылдырылууда. Азыркы тапта 40 метрге жакын металл конструкция жээкте чогултулуп, анын 26 метри атайын мамычалар аркылуу суунун үстүнө жылдырылды. Темир конструкциялар Кытайдан атайын буйрутма менен алынып келинип, тиешелүү органдардын текшерүүсүнөн кийин сапаты жогору деп табылган. Объектте учурда 24 жумушчу эмгектенүүдө. 
Курулуш иштери кышкы шартка карабастан туруктуу уланууда. Негизги темир-бетон тирөөчтөр толук бүткөрүлүп, металл конструкцияларды орнотуу активдүү фазада жүрүп жатат. Материалдык камсыздоо жана кошумча инфраструктуралык иштер да кошо жүргүзүлүүдө. 
Камбар-Ата-1 ГЭСи &mdash; Кыргызстандын Нарын дарыясынын жогорку агымында курулуп жаткан ири гидроэнергетикалык долбоор. Анын кубаттуулугу болжол менен 1 860 МВт түзөт деп күтүлүүдө жана Борбор Азиядагы эң ири ГЭСтердин бири болот. 
Көпүрө толук бүткөрүлгөндөн кийин ГЭСтин негизги курулуш иштерин кеңири масштабда баштоого толук шарт түзүлөт. Ошентип, бул объект өлкөнүн энергетикалык коопсуздугун камсыздоого багытталган стратегиялык долбоордун маанилүү бөлүгү болуп эсептелет.

Камбар-Ата-1 ГЭСине өтүүчү стратегиялык маанидеги көпүрөнүн курулушу кыш мезгилине карабастан үзгүлтүксүз жүрүгүзүлүүдө.

&nbsp;&nbsp;&nbsp;&nbsp;&nbsp;&nbsp;

Кыргыз Республикасынын Энергетика министрлиги Дүйнөлүк банктын колдоосу менен ишке ашырылып жаткан долбоорлор үчүн эколог (табиятты коргоо боюнча адис) чакырат:

🔹 Долбоорлор:

&laquo;Электроэнергетика секторун модернизациялоо жана туруктуу өнүктүрүү&raquo; (МУРЭС)

&laquo;Кыргыз Республикасында кайра жаралуучу энергетиканы өнүктүрүү&raquo; (KRED Фаза-I)

🔹 Талаптар:

Билими: Экологиялык инженер / Пландоо / Илим же ушул багыттагы башка кесиптер

Тажрыйбасы: 

Энергетика тармагында кеминде 10 жыл

ОВОСС даярдоо жана ПЭСУ киргизүү 

ГЭС тармагында жана эл аралык долбоорлордо иштеген тажрыйбага артыкчылык берилет

Кыргыз Республикасынын экология, турмуш коопсуздугу жана жер ресурстарын башкаруу мыйзамдарын билүүсү керек.

Табигатты коргоо боюнча документтерди түзүү 

Кыргыз жана орус тилдеринде эркин баарлашуу, англис тили болсо артыкчылык берилет.

Компьютердик көндүмдөр: MS Office жана Интернетти мыкты билүү

📩 Резюме жөнөтүү:

Эгер ушул багытта жумуш издеп жүрсөңүз, документтерди орус жана англис тилинде төмөнкү электрондук почталарга жөнөтүү керек.

<a href="mailto:kred.pmo@gmail.com" style="color:#0563c1; text-decoration:underline">kred.pmo@gmail.com</a>

<a href="mailto:kems.procur@gmail.com" style="color:#0563c1; text-decoration:underline">kems.procur@gmail.com</a>

⏰ Мөөнөт: 2026-жылдын 9-март күнү саат 18:00 чейин.

⚠️ Эскертүү: Вакансиянын аталышын көрсөтпөгөн, документтери толук эмес же кеч келген арыздар каралбайт.

📍 Дарек: Бишкек шаары, Жибек-Жолу көч., 326, кабинет №117

Энергетика министрлиги жумуш сунуштайт!

&nbsp;

Кыргыз Республикасынын Энергетика министрлигинин энергетика тармагын жаңылоо жана модернизациялоо боюнча иш-пландарынын алкагында &laquo;Кыргызстан УЭТ&raquo; ААКнын филиалы &mdash;Баткен электр тармактар ишканасынын жогорку чыңалуудагы аба тармактар кызматы тарабынан 220/110/35 кВ аба чубалгыларында жалпысынан 8 772 даана эскирген изоляторду жаңысына алмаштыруу пландалып жатат.

2026-жылга каралган план-графикке ылайык:

4 200 даана изолятор &mdash; Кызыл-Кыя бөлүмү

1 572 даана изолятор &mdash; Сүлүктү бөлүмү

3 000 даана изялятор &mdash; Баткен бөлүмү тарабынан эскирген изоляторлор жаңы айнек изоляторлого алмаштырылат.

Аталган иштер Баткен электр тармактар ишканасынын 2026&ndash;2027-жылдардын күз-кыш мезгилине даярдык көрүү максатында уюштурулуп, март айынан тарта ноябрь айына чейин этап-этабы менен ишке ашырылат. Бул иштердин жыйынтыгында жогорку чыңалуудагы аба чубалгыларынын техникалык абалы жакшыртылып, керектөөчүлөргө электр энергиясын сапаттуу жана туруктуу жеткирүү мүмкүнчүлүгү кеңейет.

Белгилей кетсек, 2025-жылда Баткен электр тармктар ишканасынын жогорку чыңалуудагы аба тармактар кызматынын 220/110/35 кВ аба чубалгыларында 7200 даана эскирген изолятор толугу менен жаңысына алмаштырылып, 7513 даана жаңы айнек изоляторлор койулду.

Эгерде сизде электр энергиясына байланыштуу суроолор болсо, күнү-түнү иштөөчү колл-борборго кайрылыңыздар:

Колл-борбору : 105;

0221 33-36-02- Баткен РЭТ

0772 46-04-01- Сүлүктү РЭТ

0221 55-54-78 -Лейлек РЭТ

0221 55-54-68 -Кадамжай РЭТ

0773 94-07-07- Кызыл-Кыя РЭТ

Быйыл Баткенде 8772 даана изолятор жаңыланат

&nbsp;

&nbsp;

&nbsp;&nbsp;&nbsp; 2026-жылдын 19-февралына карата &laquo;Уч-Коргон ГЭСин модернизациялоо&raquo; долбоорунун алкагында №2 гидроагрегатта демонтаж иштери жигердүү фазасына өттүүдө. Долбоордун жүрүшүн Энергетика министри Таалайбек Ибраев түздөн-түз көзөмөлгө алган.

Долбоордун башкы аткаруучусу &mdash; China National Electric Engineering Company (CNEEC) &mdash; 2026-жылдын 1-февралына чейин демонтаж иштерине толук даярдыктар көрүлгөн. Иштерди жүргүзүү үчүн 65 адистен турган топ түзүлүп, керектүү курулуш жана көтөрүүчү техникалар мобилизацияланды.

&nbsp;

Демонтаж иштери күчөтүлгөн тартипте жүргүзүлүүдө

10-февралда №2 агрегат кабыл алынары менен адистер дароо демонтаж иштерине кирише башташты. Иштер күн сайын саат 7:30дан 21:00гө чейин тынымсыз жүргүзүлүүдө.

16&ndash;17-февралдагы Кытай жаңы жылы майрамына карабастан, куруучулар ишти токтотпой, кошумча убакытта иш алып барышууда.

16-февралда генератордун роторун демонтаждоо жана көтөрүү иштери ийгиликтүү аяктады. Учурда генератордун ротору жана статорун ажыратуу иштери жүргүзүлүп жатат. Мындан аркы бекитилген иш графигине ылайык:

22-февралда генераторду демонтаждоо иштерин аяктоо пландалууда;

февралдын аягы &ndash; марттын башында турбинаны демонтаждоо этабына өтүү каралган;

март айынын башында №2 гидроагрегаттагы бардык демонтаж иштерин толук бүтүрүү пландалууда.

Азыркы Учурда N2 нидроагреттын баардык демонтаждоо жумуштары бекитилген графиктин негизинде аткарылууда, графиктен артта калуу жок.

Ошол эле учурда жаңы жабдууларды даярдоо иштери кошо жүрүүдө.

№2 агрегат үчүн жаңы генератордун статору монтаждык аянтта толук жыйналып, электрдик сыноолордон ийгиликтүү өтүп,генератордун жаңы ротору 50% чогултулду.

&nbsp;

Энергетика &mdash; мамлекеттик приоритет

Өлкө жетекчилиги энергетика тармагын стратегиялык багыт катары карап келет. Садыр Жапаров энергетика &mdash; бүтүндөй өлкөнүн туруктуу өнүгүүсүнүн негизи экенин бир нече ирет белгилеп, бул тармакты улуттук приоритет катары аныктаган.

Уч-Коргон ГЭСиндеги модернизация долбоору &mdash; дал ушул мамлекеттик саясаттын алкагында ишке ашырылып жаткан маанилүү инфраструктуралык кадамдардын бири. Долбоор ийгиликтүү аяктагандан кийин станциянын ишенимдүүлүгү, өндүрүш кубаттуулугу жана энергетикалык коопсуздук көрсөткүчтөрү жогорулайт.

&nbsp;

&nbsp;

Уч-Коргон ГЭСинде модернизация иштери активдүү уланууда

&nbsp;

Кыргыз Республикасынын Энергетика министрлиги тапшырмасы боюнча Камбар-Ата-2 ГЭСинин экинчи гидроагрегатын ишке киргизүү долбоору баскычтап ишке ашырылып жатат. Бул демилге өлкөнүн генерациялоо кубаттуулугун кеңейтүүгө жана Кыргыз Республикасында электр энергиясы менен туруктуу камсыздоо системасын бекемдөөгө багытталган.

Долбоор улуттук энергетикалык системанын стратегиялык маанисине ээ болуп, электр энергиясын өндүрүүнү көбөйтүүгө, энергетикалык тармактагы туруктуулукту жогорулатууга жана тармакты узак мөөнөттүү өнүктүрүүгө негиз түзүүгө багытталган.

Долбоор Евразиянын Стабилизация жана Өнүктүрүү фондунун колдоосу менен каржыланууда. Долбоорду техникалык жактан коштоо жана инженердик көзөмөлдү дүйнөлүк деңгээлдеги Fichtner GmbH &amp; Co. KG компаниясы жүргүзөт.

Иштөө эффективдүүлүгүн камсыздоо үчүн долбоор үч лотко бөлүнүп, профильдүү тажрыйбасы бар эл аралык подрядчылар тартылды. Эл аралык тендерлердин жыйынтыгы боюнча бардык жумуштар боюнча иш жүргүзүүчүлөр аныкталды:

<ul>
	<li>1 жана 2-лотор боюнча &mdash; DEC&ndash;SM консорциуму;</li>
	<li>3-лотор боюнча &mdash; Sinohydro Bureau 16 компаниясы.</li>
</ul>

Долбоорду ишке ашыруунун учурдагы абалы

Азыркы этапта уюштуруу, курулуш жана техникалык иштердин комплекси аткарылды:

<ul>
	<li>Технологиялык жабдууларды жайгаштырууга, административдик объекттерге жана убактылуу турак жай инфратүзүмүнө арналган негизги курулуш аянтчалары даярдалды жана пландалды;</li>
	<li>Подрядчылардын кызмат жана турак жай имараттарынын фундаменттери куйулду;</li>
	<li>Имараттардын металл конструкцияларын монтаждоо башталды, анын ичинде жүк каркастары жана чатыр элементтери;</li>
	<li>2-гидроагрегаттын суу түтүгү жана 1-гидроагрегаттын компенсациялык элементтери долбоордук уюмдардын катышуусу менен техникалык текшерүүдөн өттү;</li>
	<li>Экинчи гидроагрегатты ишке киргизүүгө даярдык иштерине старт берилди, ал курулуш-монтаждык негизги этапка өтүүнү камсыздайт.</li>
</ul>

Долбоор бекитилген графикке ылайык ишке ашырылып, өлкөнүн энергетикалык кубаттуулугун поэтаптуу түрдө жогорулатууга, ошондой эле улуттук энергетикалык системанын туруктуулугун жана ишенимдүүлүгүн бекемдөөгө багытталган.

&nbsp;

&nbsp;

Камбар-Ата-2 ГЭСинин экинчи гидроагрегатын ишке киргизүү долбоору боюнча иштер уланууда

Кыргыз Республикасынын Энергетика министрлигинин реформасынын, Чүй электр тармактар ишканасы электр жабдууларынын ишенимдүүлүгүн жогорулатуу боюнча комплекстүү иш-чаралардын алкагында, 2026-жылы Чүй облусунда 119,34 чакырымдан ашуун СИП кабелдери тартуу жана реконструкциялоо иштери пландаштырылган. 
&nbsp;Аталган иштер 2026-2027-жылдардагы күз-кыш мезгилине даярдык иштеринин негизинде март айынан ноябрь айына чейин аткарылат 
Анын ичинде: 
- Аламүдүн району &ndash; 20,45 чакырым; 
- Кемин району &ndash; 6,840 чакырым; 
- Москва району &ndash; 11,100 чакырым; 
- Жайыл району &ndash; 9,429 чакырым; 
- Сокулук району - 33,583 чакырым; 
- Чүй району &ndash; 15,899 чакырым; 
- Ысык-Ата району &ndash; 5,68 чакырым; 
- Панфилов району - 8 чакырым. 
СИП кабелдин өзгөчөлүгү: Изоляцияланган зымдар кардын топтолушуна жана муздун тоңуп калышына аз дуушар болуп, электр тармагынын ишенимдүүлүгүн бир топ жогорулатат. Катуу шамалда электр энергиясынын кыска туташуусуна жана үзгүлтүккө учурашына жол бербейт. Табигый терс факторлорго туруктуу келет. 
Бул иштер керектөөчүлөрдү күз-кыш мезгилинде туруктуу электр энергиясы менен камсыз кылуу жана мүмкүн болгон авариялык абалдарды алдын алуу максатында жүргүзүлүүдө. 
&nbsp;&nbsp;Электр энергиясы боюнча кошумча маалымат алуу үчүн сиздер күнү-түнү төмөнкү телефондорго кайрылсаңыздар болот: 
105 (акысыз чалуу) 
+996 772 001209 
+996 556 001209 
&nbsp;&nbsp;WhatsApp: +996 702 001209

Чүй облусунда 120 чакырым СИП кабель тартуу пландаштырылууда

&nbsp;

Кыргыз Республикасынын Энергетика министрлигинин 2025&ndash;2026-жылдардын күз-кыш мезгилине даярдык көрүү жана керектөөчүлөрдү сапаттуу, үзгүлтүксүз электр энергиясы менен камсыз кылуу боюнча тапшырмасына ылайык, &laquo;КУЭТ&raquo; ААКтын филиалы &mdash; Бишкек электр тармактар ишканасы &mdash; бир катар ири иштерди жүргүздү.

2025-жылы Бишкек шаарында калк жыш жайгашкан жана керектөөчүлөрдүн саны өсүп жаткан аймактардагы 7 көмөк чордондун кубаттуулугу жогорулатылды:

&bull; 110/10 кВ &laquo;Көк-Жар&raquo; көмөк чордонунда 25 МВА трансформатор 40 МВАга алмаштырылды;

&bull; 110/10 кВ &laquo;Орто-Алыш&raquo; көмөк чордонунда 25 МВА трансформатор 40 МВАга алмаштырылды;

&bull; 110/10 кВ &laquo;Алтын-Казык&raquo; көмөк чордонунда 16 МВА трансформатор 25 МВАга алмаштырылды;

&bull; 110/10 кВ &laquo;Берлик&raquo; көмөк чордонунда 16 МВА трансформатор 25 МВАга алмаштырылды;

&bull; 110/10 кВ &laquo;Водоканал&raquo; көмөк чордонунда 6,3 МВА трансформатор 16 МВАга алмаштырылды;

&bull; 110/10 кВ &laquo;Карагачевая&raquo; көмөк чордонунда 4 МВА трансформатор 6,3 МВАга алмаштырылды;

&bull; 110/10 кВ &laquo;Төмөнкү Ала-Арча&raquo; көмөк чордонунда 4 МВА трансформатор 6,3 МВАга алмаштырылды.

Жүргүзүлгөн иштер электр тармактарынын өткөрүү мүмкүнчүлүгүн жогорулатып, керектөөчүлөрдү туруктуу жана сапаттуу электр энергиясы менен камсыз кылууга шарт түздү.

Мындан тышкары, 2026-жылга карата дагы эки көмөкчү чордондун кубаттуулугун жогорулатуу пландалууда:

&bull; 110/10 кВ &laquo;Кызыл-Аскер&raquo; көмөк чордонунда 25 МВА трансформатор 40 МВАга алмаштырылат;

&bull; 35/6-10 кВ &laquo;Центральная-3&raquo; көмөк чордонунда 6,3 МВА трансформатор 16 МВАга алмаштырылат.

Иштер каскаддык ыкма менен аткарылып, электр тармактарынын ишенимдүүлүгүн жогорулатууга жана калкты туруктуу электр энергиясы менен камсыз кылууга багытталган.

Акыркы жылдары Бишкек шаарында жаңы турак жай конуштары, өндүрүштүк жана социалдык объекттер көбөйүп, электр тармактарына түшкөн жүктөм артты. Ушуга байланыштуу күч трансформаторлорунун кубаттуулугун жогорулатуу зарылчылыгы жаралууда.

Жүргүзүлгөн иштердин натыйжасында электр тармагынын туруктуулугу жогорулап, калк жана мекемелер сапаттуу жана үзгүлтүксүз электр энергиясы менен камсыз болууда.

<img alt="☎" src="https://static.xx.fbcdn.net/images/emoji.php/v9/t22/1/16/260e.png" style="height:16px; width:16px" /> Электр менен камсыздоо боюнча суроолор жаралган учурда төмөнкү номерлерге күнү-түнү кайрылсаңыздар болот:

105

+996 772 001 209

+996 556 001 209

Бишкек шаарында 7 көмөк чордондун кубаттуулугу жогорулатылды

&nbsp;

2026-жылдын 13-февралында Ташкентте Өзбекстан, Кыргызстан, Казакстан жана Тажикстандын энергетика жана суу ресурстары министрлеринин кезектеги жумушчу жыйыны өттү.

Иш-чарага Өзбекстан Республикасынын энергетика министри Ж.Мирзамахмудов, Өзбекстан Республикасынын суу чарба министри Ш.Хамраев, Кыргыз Республикасынын энергетика министри Т.Ибраев, Казакстан Республикасынын энергетика министри Е.Аккенженов жана Тажикстан Республикасынын энергетика жана суу ресурстары министри Д.Жума катыштыты. Ошондой эле аталган өлкөлөрдүн энергетикалык компаниялардын жетекчилери жана жетектөөчү адистери да катышты.

Сүйлөшүүлөрдүн жүрүшүндө акыркы жылдары дос жана боордош мамлекеттердин президенттери тарабынан демилгеленген көп тараптуу кызматташтык бардык тармактарда, өзгөчө отун-энергетика тармагында ырааттуу жана натыйжалуу өнүгүп жатканы өзгөчө белгиленди.

Жолугушууда учурдагы күз-кыш мезгилин коопсуз өткөрүү, вегетация мезгилинде суу-энергетикалык системалардын туруктуу жана үзгүлтүксүз иштешин камсыз кылуу, өз ара кызматташууну мындан ары тереңдетүү маселелери кеңири талкууланды. Тараптар тармактын иштөө графиктерин макулдашышты.

Өзбекстан, Кыргызстан, Казакстан жана Тажикстандын энергетика жана суу ресурстары министрлеринин кезектеги жолугушуусу болуп өттү

2026-жылы Ысык-Көл облусунда электр тармагын жаңылоо иштери улантылып, 2000ден ашык эскирген жыгач мамылар жаңы темир-бетон мамыларга алмаштырылат. Бул иштер Кыргыз Республикасынын Энергетика министрлиги жүргүзүп жаткан реформалардын алкагында &laquo;КУЭТ&raquo; ААКнын Ысык-Көл электр тармактар ишканасы тарабынан ишке ашырылат. 
 
Алмаштырылуучу жыгач мамылар 1960&ndash;70-жылдары орнотулуп, эксплуатациялык мөөнөтүн эки эсе өтөп, бүгүнкү күндө авариялык абалга келген. Жаңы темир-бетон мамылар электр энергиясын үзгүлтүксүз жана коопсуз жеткирүүгө шарт түзүп, тармактын ишенимдүүлүгүн арттырат. 
 
2026-жылга карата мамылар төмөнкү райондор боюнча орнотулат: 
 
Ак-Суу РЭТ &ndash; 258 даана 
Каракол РЭТ &ndash; 260 даана 
Жети-Өгүз РЭТ &ndash; 263 даана 
Тоң РЭТ &ndash; 543 даана 
Чолпон-Ата РЭТ &ndash; 314 даана 
Түп РЭТ &ndash; 229 даана 
Балыкчы РЭТ &ndash; 282 даана 
 
Планга ылайык темир-бетон мамылар 2026-жылдын ноябрь айынын аягына чейин орнотулуп бүтөт. 
 
Белгилей кетсек, 2025-жылы ишкана 1500дөн ашык темир-бетон мамыларын ийгиликтүү орнотуп, бир катар аймактардагы эски инфраструктура жаңыланган. 
 
2026-жылы орнотулуучу мамылар Ысык-Көл электр тармактар ишканасынын өзүнүн темир-бетон чыгаруучу цехинде даярдалат. Бул цех 2017-жылдан бери Балыкчы райондук электр тармагынын аймагында ийгиликтүү иштеп келет. Бул жерде СВ-110 жана СВ-95 маркасындагы сапаттуу темир-бетон мамылар чыгарылат. 
 
Жүргүзүлүп жаткан жаңылоо иштери &mdash; аймактагы электр камсыздоонун туруктуулугун жогорулатууга, авариялардын санын азайтууга жана керектөөчүлөргө сапаттуу кызмат көрсөтүүгө багытталган маанилүү кадам. Ысык-Көлдө энергетикалык инфраструктураны модернизациялоо иштери мындан ары да ырааттуу улантылат. 
 
&nbsp;Электр энергиясына байланыштуу суроолор үчүн төмөнкү номерлерге кайрылыңыздар: 
105; 1209 
&nbsp;+996 772 001209; +996 556 001209 
&nbsp;WhatsApp: +996 702 001209 
______________ 
&nbsp;

Ысык-Көлдө 2000 жаңы темир-бетон мамы орнотулат

&nbsp;

2026-жылдын 12-февраль күнү Кыргыз Республикасынын энергетика министри Таалайбек Ибраев &ldquo;Коомдук кабылдама&rdquo; аркылуу кабыл алууга жазылган жарандарды кабыл алды.

Министр кайрылган жарандардын энергетика тармагы боюнча чечилбей жаткан маселесин кунт кою менен угуп, тиешелүү жоопторду жана түшүндүрмөлөрдү берди.

Кайрылган жарандардардын суроолорунун негизгилери эскирген жабдуларды жаңылоо, Чакан ГЭС куруу, кошумча трансформатор орнотуу, жумуш менен камсыздоо маселелери болду.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" /> Шаар тургуну Кочкорбай Чотбаев жубайы экөө үйүндөгү электр эсептегичтин эскилиги жетип, жараксыз абалга келгендиктен, аны алмаштырып берүүсүн өтүндү. Министр тиешелүү адистерди жиберип маселени чечип берүүнү тапшырды.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" /> Арашан айылындагы дача тибиндеги конуштун тургуну Тилешов Исламбек ар бир дачага өзүнчө электр эсептегич коюп берүү маселесин көтөрдү. Дачаларга айыл макамын берүү иштери жүрүп жаткандыктан, бул иштер аяктаары менен, Энергетика министрлиги эсептегич коюп берүүгө даяр экендиги айтылды.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" /> Жалгыз бой эне Гүланда Жамалдинова Кемин РЭСинде 23 жылдан бери иштеп келе жаткан кызматкер. Ал ден-соолугуна байланыштуу ээлеген кызмат ордунан мыйзамсыз бошотулуп жатканын билдирди. Министр бул маселени өз көзөмөлүнө алып, тийиштүү жетекчиге мыйзам чегинде аны жумуш ордунда калтырууга тапшырма берди.

Бул &mdash; ачыктык, ыкчам чечим жана калк менен түз байланыштын далили.

Энергетика министри ар бир абоненттин маселеси көзөмөлгө алынарын баса белгиледи. Аны менен катар тийиштүү жетекчилерге кайрылгандардын баарынын маселесин чечип берүүнү тапшырды.

Энергетикага байланыштуу суроо же көйгөй барбы? Министрликтин эшиги ар дайым ачык.

Ар бир үйдө жарык болсун! <img alt="✨" src="https://static.xx.fbcdn.net/images/emoji.php/v9/tf4/1/16/2728.png" style="height:16px; width:16px" />

Министрдин жарандарды кабыл алуусу ар аптанын бейшемби күнү, саат 16:00-18:00 чейин жүргүзүлөт. Алдын ала каттоо: (0312) 67 01 77 номери аркылуу болот.

Министр Таалайбек Ибраев жарандарды кабыл алды

&nbsp; &nbsp;Энергетика министрлиги тарабынан жүргүзүлүп жаткан реформалардын алкагында жана калкты үзгүлтүксүз электр энергиясы менен камсыз кылуу максатында, &laquo;Кыргызстан улуттук электр тармагы&raquo; ААК 2026-жылы 268 даана трансформатор сатып алат. 
&nbsp; 2026&ndash;2027-жылдардын күз-кыш мезгилине даярдыкты күчөтүү планына ылайык республика боюнча жогорку жана төмөнкү чыңалуудагы көмөк чордондордо кубаттуулуктарды жогорулатуу боюнча төмөндөгүдөй иштер жүргүзүлөт: 
Жогорку чыңалуудагы 35-110 кВ тармактарында 20 көмөк чордондо күч трансформаторлорунун кубаттуулугу кошумча 256 МВАга көбөйтүлөт.&nbsp; 
Анын ичинде: 
&bull;&nbsp;&nbsp; &nbsp;Бишкек шаары &mdash; 2 даана; 
&bull;&nbsp;&nbsp; &nbsp;Жалал-Абад облусу&mdash; 5 даана; 
&bull;&nbsp;&nbsp; &nbsp;Ысык-Көл облусу &mdash; 5 даана; 
&bull;&nbsp;&nbsp; &nbsp;Нарын облусу &mdash; 2 даана; 
&bull;&nbsp;&nbsp; &nbsp;Талас облусу &mdash; 2 даана; 
&bull;&nbsp;&nbsp; &nbsp;Чүй облусу &mdash; 4 даана. 
Керектөөчүлөрдү тейлеген 10/0,4 кВ тармактарында тейлөө сапаттын жакшыртуу &nbsp;үзгүлтүксүз электр энергиясы менен камсыздоо үчүн жалпы 248 даана трансформатор орнотулат жана кубаттуулугу жогорулатылат. Мунун натыйжасында кубаттуулук кошумча 107 МВАга жогорулайт. 
Трансформаторлор төмөндөгүдөй бөлүштүрүлөт: 
&bull;&nbsp;&nbsp; &nbsp;Бишкек шаары &mdash; 46 даана; 
&bull;&nbsp;&nbsp; &nbsp;Баткен облусу &mdash; 22 даана; 
&bull;&nbsp;&nbsp; &nbsp;Жалал-Абад облусу &mdash; 29 даана; 
&bull;&nbsp;&nbsp; &nbsp;Ысык-Көл облусу &mdash; 28 даана; 
&bull;&nbsp;&nbsp; &nbsp;Нарын облусу &mdash; 27 даана; 
&bull;&nbsp;&nbsp; &nbsp;Ош облусу &mdash; 46 даана; 
&bull;&nbsp;&nbsp; &nbsp;Талас облусу &mdash; 42 даана; 
&bull;&nbsp;&nbsp; &nbsp;Чүй облусу &mdash; 8 даана. 
Бул иштер тармактагы жабдууларды жаңылап, жүктөмдү азайтууга шарт түзөт. &laquo;Кыргызстан УЭТ&raquo; ААКсы энергосистеманы заманбап талаптарга ылайык модернизациялоо иштерин улантат. 
Электр энергиясы менен камсыздоо боюнча суроолор жаралса, &laquo;Кыргызстан УЭТ&raquo; ААКнын күнү-түнү иштеген чалуу борборуна кайрылсаңыздар болот: 
&bull;&nbsp;&nbsp; &nbsp;Кыска номер: 105 (чалуу акысыз) 
&bull;&nbsp;&nbsp; &nbsp;Тел: +996 772 001209, +996 556 001209 
&bull;&nbsp;&nbsp; &nbsp;WhatsApp: +996 702 001209

«КУЭТ» ААК 2026-жылы 268 даана трансформатор сатып алат

Жаңы долбоорлор жана негизги иштер.

Кыргыз Республикасынын Энергетика министрлиги өлкөдөгү гидроэлектростанциялардын натыйжалуулугун жана ишенимдүүлүгүн жогорулатууга багытталган бир катар долбоорлорду ишке ашырууда. Бул демилгелердин алкагында &laquo;Электр станциялар&raquo; ААКы быйыл бир катар маанилүү энергетикалык объектилерде пландалган иштерди баштоого даярдык көрүүдө.

Учурда Камбар-Ата ГЭС-2де экинчи гидроагрегатты эксплуатацияга берүү иши жазында башталат деп пландалууда. Бул этап министрликтин программаларынын алкагында жүргүзүлүп, станциянын генерациялык кубаттуулугун этап-этабы менен өнүктүрүүгө багытталган.

Ошондой эле жазында Үч-Коргон ГЭСинде эки гидроагрегатты реконструкциялоо иштери башталаары күтүлүүдө Планга ылайык, № 2 гидроагрегат боюнча иштер февраль айында, ал эми № 1 гидроагрегат боюнча иштер 1-марттан тарта башталат. Реконструкция иштери параллель жүргүзүлөт, бул станциядагы жабдууларды комплекстүү жаңылоону жана иштерди координациялоо мүмкүнчүлүгүн камсыз кылат.

Аны менен катар Камбар-Ата ГЭС-1де курулуш жана инфраструктуралык иштер улантылууда. Тактап айтканда, административдик-тиричилик комплексинде ички жасалгалоо иштери жүргүзүлүүдө. Курулуп жаткан жатаканада инженердик-коммуникациялык иштер, анын ичинде канализация жана суу түтүктөрүн тартуу, ошондой эле ички дубал тосмолорун монтаждоо иштери аткарылууда.

Курп-Сай ГЭСинин АБТ&ndash;220 кВ бөлүгүндө станциянын кубаттуулугун жогорулатуу максатында эки автотрансформаторду (АТ-1 жана АТ-2) алмаштыруу иштери башталды. Биринчи автотрансформаторду жеткирүү 2026-жылдын январь айына, ал эми экинчисин 2026-жылдын март айына пландалган. Монтаждоо иштери 2026-жылдын 1-апрелинен тартып башталып, күз айларына чейин аяктайт. Бул иштер Курп-Сай ГЭСинин иштөө мүмкүнчүлүктөрүн олуттуу кеңейтүүгө шарт түзөт.

Мындан тышкары, &laquo;Электр станциялары&raquo; ААКнын кызматкерлери үчүн заманбап стандарттарга жооп берген жаңы административдик имарат курулуп, пайдаланууга берилди. Жаңы имаратта кызматкерлердин натыйжалуу иштөөсү үчүн бардык зарыл шарттар түзүлгөн. Ошого жараша, 2026-жылы &laquo;Электр станциялары&raquo; ААКтын филиалдарынын административдик имараттары этап-этабы менен оңдоо иштерине берилери пландалууда.

Көрүлгөн иш-чаралар Кыргыз Республикасынын Энергетика министрлигинин координациясында ишке ашырылып, гидроэнергетиканы туруктуу өнүктүрүүгө жана өлкөнүн энергетикалык системасынын ишенимдүүлүгүн жогорулатууга багытталган.

"Электр станциялары" ААК 2026-жылы кандай иштерди аткарат?

&nbsp;

Кыргыз Республикасынын Энергетика министрлиги тарабынан тармакты өнүктүрүү жана жаңылоо багытында 2026-жылга бир катар пландарды койду.&nbsp;

Алардын катарында Нарын облусу боюнча 2026-жылы 21 даана трансформатор алмаштыруу төмөнкүдөй пландалууда: 
- Ак-Талаа району - 1 даана, 
- Ат-Башы району - 3 даана, 
- Кочкор району - 7 даана, 
- Нарын району - 7 даана, 
- Тогуз-Торо району - 3 даана. 
Ал эми кошумча 6 даана трансформатор орнотуу иштери:&nbsp; 
- Ат-Башы районуна - 1 даана, 
- Жумгал районуна - 2 даана, 
- Нарын районуна - 3 даана.&nbsp;

Мындан тышкары капиталдык жана утурумдук оңдоодон өткөрүү үчүн 2105 даана &nbsp;трансформатор планга коюлду.&nbsp;

Эске салсак, &laquo;КУЭТ&raquo; ААКнын филиалы &mdash; Нарын электр тармактар ишканасы тарабынан 2025-жылы облус боюнча жалпы 83 даана трансформатор алмаштырылып жана кошумча орнотулду. Анын ичинде: 
&nbsp;&bull; 10/0,4 кВ кубаттуулуктагы 61 даана трансформатор алмаштырылды; 
&nbsp;&bull; 10/0,4 кВ кубаттуулуктагы 22 даана трансформатор кошумча орнотулду. 
Аталган иштердин натыйжасында өткөн жылга салыштырмалуу жалпы 39 217 кВА электр кубаттуулугу жогорулатылды. 
Ошондой эле, 121 даана трансформатор Нарын электр тармактар ишканасынын балансына өткөрүлдү.

Аткарылып жаткан бардык иштер калкты сапаттуу жана үзгүлтүксүз электр энергиясы менен камсыз кылууга багытталган.

Электр энергиясы боюнча кошумча маалымат алуу үчүн сиздер күнү-түнү төмөнкү телефондорго кайрылсаңыздар болот: 
📞105 (акысыз чалуу),&nbsp; 
📞+996 772 001209, 0556 001209 
📲 WhatsApp: +996 702 001209

Нарын облусунда 2026-жылы 21 трансформатор алмаштырылып,  кошумча 6 даана орнотулат

Кыргыз Республикасынын Энергетика министрлиги электр энергиясынын тартыштыгын жоюуга жана өлкөнүн гидроэнергетикалык потенциалын өнүктүрүүгө багытталган бир катар долбоорлорду ишке ашырууда. Ошондой долбоорлордун бири &mdash; Ылдыйкы Тар ГЭСин курууну жана Быстровка ГЭСин реконструкциялоону камтыган KRED долбоору болуп саналат. 
2025-жылдын декабрь айында Ылдыйкы Тар ГЭСин куруу жана Быстровка ГЭСин реконструкциялоо боюнча техникалык-экономикалык негиздемени (ТЭН) иштеп чыгуу үчүн QingYuan Engineering Consultants Ltd. компаниясы менен консультациялык кызмат көрсөтүү боюнча келишимге кол коюлган.

Иштердин уландысы катары, 2026-жылдын январь айында &laquo;Чакан ГЭС&raquo; ААКнын кызматкерлери аталган компаниянын консультанттары менен биргеликте Ылдыйкы Тар ГЭСинин курулуш аянтчасына жана Быстровка ГЭСине барып жеринде таанышышкан.

Сапардын жүрүшүндө консультанттар тарабынан аймактар кылдат текшерилип, жердин табигый, инженердик-геологиялык жана гидрологиялык шарттары, рельефтин өзгөчөлүктөрү жана курулуш аянтчаларынын учурдагы абалы изилденди. Алынган маалыматтар долбоордук чечимдерди ишке ашыруунун шарттарын баалоо үчүн пайдаланылды.

Эске салсак, Дүйнөлүк банк Кыргыз Республикасына Ылдыйкы Тар ГЭСин куруу жана Быстровка ГЭСин реконструкциялоо үчүн 43,2 млн АКШ доллары өлчөмүндө, 50 жылдык мөөнөткө, анын ичинде 10 жыл жеңилдетилген мөөнөт менен үстөк пайызсыз кредит бөлгөн

Ылдыйкы Тар ГЭСин куруу жана Быстровка ГЭСин реконструкциялоо боюнча ТЭН иштелип чыгууда

&nbsp;

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Кыргыз Республикасынын Энергетика министрлиги тарабынан энергетика тармагын туруктуу өнүктүрүү жана электр энергиясы менен камсыздоонун ишенимдүүлүгүн жогорулатуу боюнча ырааттуу иштер жүргүзүлүүдө. Министрлик бекиткен программалардын алкагында өлкөнүн аймактарында электр тармактары жаңыланып, жаңы энергетикалык объектилер пайдаланууга берилүүдө.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Аталган иштердин алкагында &quot;Кыргызстан УЭТ&quot; ААКнын филиалы Жалал-Абад электр тармактар ишканасында модернизациялоо жумуштары улантылат.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />2026-жылы Манас шаарынын электр энергиясына болгон өсүп жаткан муктаждыгын камсыздоо максатында 110/10 кВ &ldquo;Бакай&rdquo; көмөк чордону курулат. Жаңы объект калкты, социалдык объектилерди жана курулуп жаткан көп кабаттуу турак жайларды туруктуу электр энергиясы менен камсыздоого шарт түзөт.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Ошондой эле эскирген 3 энергетикалык объект жаңыланат:

- Кара-Көл РЭТинин имараты, Аксы РЭТине караштуу Кербен УЭТинин имараты жана Токтогул РЭТине караштуу Үч-Терек УЭТинин имараты.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Мындан тышкары, облус боюнча 5000 темир-бетон мамыча алмаштырылып, 270 чакырым аба чубалгысы заманбап СИП электр өткөргүчтөрүнө өткөрүлөт жана 50 даана жаңы трансформатор орнотулат.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Аткарылып жаткан иштер электр энергиясынын туруктуулугун камсыздоого жана калкка көрсөтүлүп жаткан кызматтын сапатын жогорулатууга жана энергетика тармагындагы ачык-айкындуулукту камсыздоого багытталат.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" /> Керектөөчүлөр үчүн байланышы

<img alt="📞" src="https://static.xx.fbcdn.net/images/emoji.php/v9/t4d/1/16/1f4de.png" style="height:16px; width:16px" /> 105,

<img alt="📱" src="https://static.xx.fbcdn.net/images/emoji.php/v9/t57/1/16/1f4f1.png" style="height:16px; width:16px" /> 0772 00 12 09

<img alt="📱" src="https://static.xx.fbcdn.net/images/emoji.php/v9/t57/1/16/1f4f1.png" style="height:16px; width:16px" /> 0556 00 12 09

WhatsApp: 0702 00 12 09

Манас шаарына 110/10 кВ “Бакай” көмөк чордону курулат

&nbsp;

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" />Кыргыз Республикасынын энергетика министри Таалайбек Ибраев Ош электр тармактар ишканасынын Ноокат районунун Кулатов айыл өкмөтүнө караштуу Кожо-Арык айылында 35/10 кВ &ldquo;Т. Кулатова&rdquo; көмөк чордонунун жана 35 кВ &ldquo;Абшыр -Т. Кулатов&rdquo; аба чубалгысын ишке киргизди.

Долбоордун негизги максаты - 110/35/10 кВ &ldquo;Көк-Жар&rdquo; көмөк чордонунан чыккан узундугу 55 км болгон 10 кВ &ldquo;Абшыр&rdquo; фидериндеги 97 трансформаторго туташкан 3626 абоненттин ичинен 1820 абонентти жаңы курулган 35/10 кВ &ldquo;Т. Кулатов&rdquo; көмөк чордонунан электр энергиясы менен камсыз кылуу. Ошондой эле Т. Кулатов айыл өкмөтүнө караштуу Абшыр, Кожо-Арык, Кош-Добо жана Баглан айылдарынын тургундарын сапаттуу жана туруктуу электр энергиясы менен камсыздоо болуп саналат.

Мындан тышкары, 35/10 кВ &ldquo;Абшыр&rdquo; жана 110/35/10 кВ &ldquo;Көк-Жар&rdquo; көмөк чордондору ашыкча жүктөмдөн арылып, техникалык жоготуулар азаят. Узундугу 5,6 км болгон 35 кВ &ldquo;Т. Кулатова&rdquo; аба чубалгысы СИП тибиндеги өзүн өзү көтөрүүчү изоляцияланган өткөргүчтөр менен курулуп, 35 кВ &ldquo;Көк-Жар &ndash; Абшыр&rdquo; аба чубалгысына кошулду.

Пландалган нарк боюнча көмөк чордон курууга 15 млн сом, 35 кВ аба чубалгысын курууга 10 млн сом каралган. Ал эми аткарылган иштердин жыйынтыгында көмөк чордон 8 млн 218,45 миң сомго, аба чубалгысы 7 млн 197,28 миң сомго курулду.

Ачылыш аземинде министр Таалайбек Ибраев аймактарда электр энергетика инфраструктурасын өнүктүрүү калкты сапаттуу жана үзгүлтүксүз электр энергиясы менен камсыздоонун негизги багыттарынын бири экенин белгилеп, мындай объекттердин ишке кириши энергетикалык тутумдун ишенимдүүлүгүн жогорулатарын айттып өттү.

Техникалык жактан алганда, көмөк чордондо кубаттуулугу 2,5 МВА болгон 35/10 кВ трансформатор, 35 кВ өчүргүч жана КРУН-10 кВ жабдуулары орнотулуп, Кош-Добо, Кожо-Арык жана Баглан багыттары боюнча 10 кВ чыңалуудагы үч фидер чыгарылды.

Белгилей кетсек, 35/10 кВ &ldquo;Т. Кулатов&rdquo; көмөк чордонун куруу маселеси II Элдик Курултайда жергиликтүү калк тарабынан көтөрүлүп, бүгүнкү күндө толук ишке ашырылып, объект пайдаланууга берилди.

Ош облусундагы энергетикалык абалды чындоого, жакшыртууга кошкон салымын баса белгилеп, жергиликтүү тургандардын атынан Ноокат райондук акимчилиги министр Т.Ибраевге &ldquo;Ыраазычылык кат&rdquo; тапшырды.

Аталган иш-чарага энергетика министри Т.Ибраев, &ldquo;КУЭТ&rdquo; ААКтын башкы директору И.Сыдыгалиев, Ноокат районунун акими Данияр Шейшеканов, Ош ЭТИнин энергетиктери жана жергиликтүү бийлик өкүлдөрү, айыл тургундары катышышты.

35/10 кВ “Т. Кулатов” жаңы көмөк чордонуну ишке кирди

&nbsp;

Бүгүн, 2026-жылдын 27-январында Кыргыз Республикасынын энергетика министри Таалайбек Ибраев Ош облусуна болгон иш сапарынын алкагында 5 обьектини ишке киргизди. Анын ичинен 3 обьект Өзгөн районунда курулган.

Аталган жаңы имараттардын курулушу жана пайдалнууга берилиши энергетика тармагындагы жүргүзүлүп жаткан реформанын көрсөткөн жыйынтыктары.

1- обьект.

Куршаб айыл аймагында жайгашкан &ldquo;Куршаб&rdquo; участкасы кызматкерлердин иш шарттарын жакшыртуу жана заманбап талаптарга жооп берген ыңгайлуу жумуш ордун камсыз кылуу максатында курулду. Долбоор Кыргыз Республикасынын Энергетика министрлигине караштуу &ldquo;Кыргызстан улуттук электр тармагы&rdquo; ААК тарабынан каржыланып, жалпы сметалык баасы 9 млн 670,03 миң сомду түзөт.

Курулуш иштерин &ldquo;Азия Вей Групп&rdquo; жоопкерчилиги чектелген коому жүргүзүп, аткарылган иштердин баасы 7 млн 325,69 миң сомду түздү.

2- обьект.

110/35/10 кВ &ldquo;Кара-Шоро&rdquo; көмөк чордонунун 2-этаптагы курулуш иштери ийгиликтүү аяктап, объект пайдаланууга берилди. Долбоордун жалпы сметалык баасы 13 млн 500 миң сомду түзөт. Курулуш иштери чарбалык ыкма менен жүргүзүлүп, аткарылган иштердин наркы 13 млн 462,95 миң сомду түздү.

Курулуштун негизги максаты - 110/35/10 кВ &ldquo;Өзгөн&rdquo;, 110/35/10 кВ &ldquo;Кара-Кулжа&rdquo;, 35/10 кВ &ldquo;Западная&rdquo;, 35/10 кВ &ldquo;Новая&rdquo; көмөк чордондорун жана 35 кВ &ldquo;Өзгөн&ndash;Новая&rdquo;, &ldquo;Кара-Суу&ndash;Отуз-Адыр&rdquo;, &ldquo;Отуз-Адыр&ndash;Кызыл-Абад&rdquo; аба чубалгыларын ашыкча жүктөөдөн түшүрүү, ошондой эле калкты сапаттуу жана үзгүлтүксүз электр энергиясы менен камсыз кылуу болуп саналат.

Көмөк чордондо заманбап электр жабдуулар орнотулду, анын ичинде кубаттуулугу 25 МВА болгон трансформатор, 110 кВ жана 35 кВ элегаздык өчүргүчтөр, ажыраткычтар (разъединитель), ошондой эле ОПН-110 кВ жана ОПН-35 кВ коргоо түзүлүштөрү бар.

3-обьект.

&ldquo;Салам-Алик&rdquo; участкасы кызматкерлердин эмгек шарттарын жакшыртуу жана ыңгайлуу жумуш ордун камсыз кылуу максатында курулуп, долбоордун жалпы сметалык баасы 9 млн 752,27 миң сомду түзөт.

Курулуш иштерин &ldquo;Вкрет-Мет&rdquo; жоопкерчилиги чектелген коому жүргүзүп, аткарылган иштер &ldquo;КУЭТ&rdquo; ААК тарабынан каржыланып, наркы 8 млн 286,3 миң сомду түздү.

Бул долбоордун ишке ашырылышы кызматкерлер үчүн коопсуз жана ыңгайлуу иш чөйрөсүн түзүп, алардын эмгек өндүрүмдүүлүгүн жана коюлган милдеттерди сапаттуу аткаруусун камсыздайт.

Министр өз сөзүндө Ош облусундагы жаңы ачылган обьектилер бир гана энергетиктерге эмес, калкка да кызмат кылаарын баса белгиледи.

&ldquo;Бүгүн биз Ош облусу боюнча жалпы 5 жаңы обьектини пайдаланууга бердик. Бул биз үчүн чоң жетишкендик. Энергетика тармагы акыркы 5 жылда бир топ жаңыланууга жетишти. Бирок, бул дагы аздык кылат. Өнүгүүгө карай алган багытыбыздан тайбашыбыз керек. Өлкөдө электр энергиясы жетиштүү болсо, экономикасы да өнүгөт. Өнүккөн өлкө эч кимге көз каранды болбойт. Бүгүнкү ачылган обьектилер энергетиктер үчүн гана эмес, эл үчүн дагы кызмат кылат. Себеби, элди үзгүлтүксүз электр энергиясы менен камсыз кылуу үчүн салынды. Андыктан жаңы обьектилер кут болсун. Элибиздин жарыгы өчпөсүн!&rdquo;- деди министр Т.Ибраев.

Мындан тышкары энергетика министри Өзгөн РЭТинин капиталдык ремонттон өткөрүлгөн имараты менен таанышып, жумушчуларга түзүлгөн шарт тууралуу маалымат алды.

Салтанаттуу ачылыш маарекелерге Энергетика министри Т.Ибраев, &ldquo;КУЭТ&rdquo; ААКнын башкы директору И.Сыдыгалиев, Өзгөн районунун акими Каныбек Апбасов, энергетиктер, жергиликтүү бийлик өкүлдөрү жана тургундары катышышты. Айыл аксакалдары ыраазылыктарын айтышып, ак баталарын беришти.

Энергетика министри Өзгөндө энергетикалык үч обьектини ишке киргизди

&nbsp;

Бүгүн, 2026-жылдын 28-январында Кыргыз Республикасынын энергетика министри Таалайбек Ибраев Жалал-Абад облусуна иш сапары менен барып, &ldquo;КУЭТ&rdquo; ААКнын филиалы Жалал-Абад электр тармактар ишканасынын Көк-Арт РЭТинин жаңыланган имаратынын ачылыш аземине катышты.

Аталган имараттын капиталдык оңдоп-түзөө иштери 2025-жылы март айында башталып, ошол эле жылдын ноябрь айында толугу менен жаңыланып бүткөн. Жаңыланган имарат 112 кызматкерге ылайыкташылган.

Долбоордун жалпы наркы 5,7 млн сомду түзүп, &ldquo;КУЭТ&rdquo;ААКнын өздүк каражатынын эсебинен каржыланды. Ал эми курулуш иштерин &laquo;Өмүр-Курулуш&raquo; ЖЧКсы ишке ашырды.

Салтанаттуу ачылышта энергетика министри Т.Ибраев Кыргызстандагы энергетика тармагындагы өнүгүүлөргө токтолуп, алдыда дагы бир топ алгылыктуу иштер аткарылып жатканын айтып өттү. Ал тармакты өнүктүрүү, ири долбоорлорлу ишке ашыруу үчүн жасалып жаткан кадамдар энергетикалык таңкыстыктан чыгуунун багыты экенин баса белгиледи. Биздин бир гана максатыбыз генерацияны көтөрү дейт өз сөзүндө. Тармактын ийгиликтүү өнүгүшү үчүн энергетиктерге шарт түзүү биринчи орунда эске алынаарын баса белгилеп, жаңы имарат кызматкерлерге түзүлгөн шарт экендигин жана керектөөчүлөрдү сапаттуу тейлөө үчүн жасалгандыгын билдирди.

Аны менен катар энергетика жетекчиси калкты үзгүлтүксүз электр энергиясы менен камсыз кылуунун сапатын мындан ары дагы жогорулатуу жана ыкчам тейлөө максатында Жалал-Абад ЭТинин кызматкерлери үчүн бии атайын техниканын ачкычын тапшырды.

Эске салсак, Көк-Арт РЭТинин имараты 1984-жылы 2 кабат болуп курулган. Буга чейин санитардык нормаларга жооп бербей калгандыктан, кызматкерлер үчүн да керектөөчүлөр үчүн да ынгайсыздык жаралып келген. Бүгүнкү күн толугу менен жаңыланып, заманбап имаратка айланды.

Иш-чарага КРнын энергетика министри Таалайбек Ибраев, &ldquo;КУЭТ&rdquo; ААКнын башкы директору Илгиз Сыдыгалиев, Сузак районунун акиминин орун басары Азамат Маматжанов жана энергетиктер, жергиликтүү тургундар катышты.

Көк-Арт район электр тармактарынын имараты оңдоп-түзөөдөн кийин ишке берилди

&nbsp;

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" />Кыргыз Республикасынын энергетика министри Жалал-Абадка болгон иш-сапарынын алкагында эки имаратты ишке киргизди.

Анын бири Ноокен райондук электр тармагы ишканасынын имараты капиталдык ремонттон кийин пайдаланууга берилди.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Өткөн жылы энергетика министри ишкананын тийиштүү жетекчилине эски имаратты оңдоп-түзөөдөн өткөрүп, жумушчуларга шарт түзүү тапшырмасын койгон.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" />Берилген тапшырмага ылайык, Ноокен райондук электр тармагынын эски имараты 2025-жылдын март айында оңдоого берилип, 8 айдын ичинде толугу менен заманбап имаратка айланды. Ишкана жалпы 130 орунга ылайыкташылган. Капиталдык ремонт &ldquo;КУЭТ&rdquo; АККнын өздүк каражаты тарабынан каржыланып, жалпы сметалык баасы 4.1 млн сомду түздү. Аталган имаратты оңдоп-түзөө иштерин түзүлгөн келишимге ылайык, &quot;Көк-Таш&rdquo; жоопкерчилиги чектелген коому ишке ашырды.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Маалыматка ылайык, Ноокен районун эски имараты 1960- жылы курулуп, жалпы 65 жыл колдонулуп, жараксыз абалга келген.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" />Жаңыланган имараттын ачылыш аземинде энергетика министри сөз сүйлөп, кесиптештерин заманбап талапка жооп берген имараттуу болушу менен куттуктап, эгерде энергетиктердин ишинде жетиштүү шарт түзүлсө, анда ар бир үйдө жарыктын туруктуулугу орун алаарын баса белгиледи.

&ldquo;Бүгүн Жалал-Абаддын энергетиктери үчүн эки имаратты жаңылап, пайдаланууга берип жатабыз. Заманбап имаратта жумуш ордун түзүп, жеткиликтүү жабдуулар, атайын техникалар менен камсыздоо жетекчинин милдети. Энергетиктерде шарт болсо, анда ар бир үйдүн жылуулугу менен жарыгы өчпөй туруктуу болот. Андыктан акыркы 5 жылда энергетика тармагын өнүктүрүү, жаңылоо боюнча баардык аракеттерди көрүп жатабыз. Мындан ары дагы көп ийгиликтерди баарыбыз биргеликте багындырабыз. Ал үчүн эл алдында жоопкерчилик менен иш алып баралы. Элдин жарыгы өчпөсө, экономика өнүксө демек биздин жетишкендик деп билебиз&rdquo;- деди министр.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Сөзүн улай министр калкты үзгүлтүксүз электр энергиясы менен камсыз кылууда, авариялык учурларда ыкчам калыбына келтирүүдө энергетиктер үчүн &ldquo;JAG&rdquo; үлгүсүндөгү атайын техниканын ачкычын тапшырды.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" />Ал эми иш-чаранын жүрүшүндө Ноокен районун акими энергетиктердин эмгегин, калк үчүн кылган кызматын баалап, жергиликтүү тургундардын атынан ыраазычылын билдирди. Аны менен катар аким Таалайбек Ишенбеков райондук энергетика тармагынын өнүгүшүнө кошкон салымы үчүн министрге &quot;Ак ниет эмгеги үчүн&quot; төш белгисин ыйгарды.

<img alt="♦️" src="https://static.xx.fbcdn.net/images/emoji.php/v9/t2d/1/16/2666.png" style="height:16px; width:16px" />Мындан тышкары энергетика министри Таалайбек Ибраев Жалал-Абад электр тармактар ишканасынын кызматкерлери менен жолугушуу өткөрдү. Жыйында ишкана жетекчиси 2025-жылы аткарылган иштер, 2026-жылга коюлган пландар тууралуу маалымат берди. Кызматкерлер тарабынан сунушталган айрым маселелерди министр жеринде чечип, кээ бирин тийиштүү жетекчилерге тапшырды.

<img alt="🔹" src="https://static.xx.fbcdn.net/images/emoji.php/v9/tf3/1/16/1f539.png" style="height:16px; width:16px" />Жаңыланган имараттын ачылыш аземине КРнын энергетика министри Т.Ибраев, &ldquo;КУЭТ&rdquo; ААКнын башкы директору И. Сыдыгалиев, Райондун акими Таалайбек Ишенбеков, жергиликтүү тургундар жана энергетиктер катышты.

Энергетика министри Ноокен райондук электр тармагынын имаратын ишке киргизди

&nbsp;

Бүгүн, 2026-жылдын 29-январында Кыргыз Республикасынын энергетика министри Таалайбек Ибраевдин Баткен облусуна болгон жумушчу сапарынын алкагында Баткен шаарындагы жогорку чыңалуудагы жаңы курулган 110/35/10 кВ &ldquo;Суу-Башы&rdquo; көмөк чордону расмий түрдө пайдаланууга берилди.

Министр Т.Ибраев жаңы көмөк чордонду ишке киргизип жатып, жыл сайын керектөөчүлөрдүн саны өсүп жатканын, буга ылайык кубаттуулукту жогорулатуу, генерацияны көбөйтүү бүгүнкү күндүн талабы экенин баса белгиледи.

&ldquo;Урматтуу бүгүнкү иш-чаранын катышуучулары! Өзүңүздөр билгендей 2025-жылы бир катар көмөк чордондорду куруп, ири ГЭСтердин гидроагрегаттарын реконструкциялап, чакан ГЭСтерди, күн электр станцияларын ишке киргиздик. Жыл сайын электр энергиясын керектөөчүлөрдүн саны дагы өсүп жатат. Ири турак-жайлар, заводдор курулуууда. Буга байланыштуу генерацияны жогорулатуу бүгүнкү күндүн талабы. Андыктан ар бир ишке кирген көмөк чордон калкты электр энергиясы менен камсыз кылууда чоң өбөлгө түзөт. Бул көмөк чордон дагы эл үчүн кызмат кылат. Биз муну менен токтоп калбашыбыз керек. Биздин милдет элди жарык жага жылуулук менен камсыз кылуу&rdquo; - деди министр.

110/35/10 кВ &ldquo;Суу-Башы&rdquo; көмөк чордонунун тейлөө аянты 500 чарчы метрди түзөт. Долбоор &ldquo;КУЭТ&rdquo; ААК менен Баткен шаардык мэриясынын биргелешкен аракетинде ишке ашырылды. Долбоорду ишке ашырууга 55 758 миң сом акча каражаты жумшалды. Анын ичинен:

&bull; Баткен электр тармактары 19 958 миң сомдук кошумча материалдар сатып алды.

&bull; Баткен шаардык мэриясы тарабынан 35 800 миң сомдук жабдуулар сатып алынды.

&bull; Курулуш иштерин Баткен электр тармактар ишканасынын өз күчү жана чарбалык ыкма аркылуу толук кандуу аткарылды.

Жаңы 110/35/10 кВ &ldquo;Суу-Башы&rdquo; көмөк чордону ишке кирүүсү менен Баткен шаарындагы &ldquo;Жаңы-Достук&rdquo; айылы, өнөр жай аймагы, &ldquo;Баткен Сити&rdquo; конушу, 10 миң көрүүчүгө ылайыкташкан жаңы стадион, Чет-Булак кварталындагы турак жайлар , Бужум айылы, РФ тарабынан курулуучу орус мектеп жана 2224 турак үй туруктуу жана сапаттуу электр энергиясы менен камсыз болот.

Мындан тышкары бул маанилүү энергетикалык объект төмөнкү станцияларды электр энергиясы менен камсыздайт:

&bull; Кара Булак 35/10 кВ

&bull; Кара Токой 1 &ndash; 35/10кВ

&bull; Кара Токой 2 &ndash;35/10кВ

&bull; Ширечь &ndash; 35/10 кВ

Көмөк чордон 150 метр аралыкта жаңы курулган 110 кВ Айгүл-Таш- Центральная аба чубалгысына туташтырылган.

Ошондой эле иш-чаранын жүрүшүндө Баткен электр тармактар ишканасына өндүрүштүк мүмкүнчүлүктөрдү жогорулатуу жана авариялык кырдаалдарга ыкчам чара көрүү максатында жалпы 4 даана автоунаа жана атайын техника тапшырылды

Атап айтканда:

&bull; JAC N8 үлгүсүндөгү 3 даана автоунаа,

&bull; JAC N56 үлгүсүндөгү 1 даана автоунаа,

&bull; SHANMON үлгүсүндөгү 1 даана экскаватор.

Аталган техникалар энергетиктердин күнүмдүк ишин жеңилдетип, электр тармактарын тейлөө сапатын жакшыртууга, ошондой эле аймакта калкты үзгүлтүксүз электр энергиясы менен камсыздоого багытталган.

Мындан тышкары министр Т. Ибраев Баткен электр тармактар ишканасынын кызматкерлери менен жолугушуу өткөрдү. Жыйындын жүрүшүндө кызматкерлер тарабынан көтөрүлгөн маселелер, сунуш-пикирлер угулуп, энергетика тармагындагы учурдагы абал, жумуш шарттарын жакшыртуу жана тармакты өнүктүрүү боюнча бир катар маселерер каралды. Министр берилген суроолорго жооп берип, көтөрүлгөн маселелерди тиешелүү тартипте карап чыгуу тапшырмаларын берди.

Аны менен катар Баткен облусунда энергетика тармагын жакшыртууга көрсөткөн колдоосу, калкты жарык жана жылуук менен камсыз кылууда көрсөткөн эмгеги үчүн Кыргыз Республикасынын Президентинин Баткен облусундагы ыйгарым укуктуу өкүлүнүн орун басары А. Ташбалтаев энергетика министри Т.Ибраевге &ldquo;Ыраазычылык кат&rdquo; ыйгарды.

Ачылыш аземине КРнын энергетика министри Т.Ибраев, &ldquo;Кыргызстан улуттук электр тармагы&rdquo; ААКнын башкы директору И.Сыдыгалиев, Президенттин Баткен облусундагы ыйгарым укуктуу өкүлүнүн орун басар А. Таштабалтаев, Баткен шаарынын мэри С.Кулубаев ошондой эле Баткен ЭТИнин энергетиктери жана жергиликтүү тургундар катышты.

Баткен шаарында жаңы 110/35/10 кВ “Суу-Башы” көмөк чордону пайдаланууга берилди

&nbsp;

&nbsp;

2026-жылдын 25-январында Кыргыз Республикасынын энергетика министри Таалайбек Ибраев &laquo;Кыргызкөмүр&raquo; ААКнын &laquo;Балыкчы&raquo; филиалынын көмүр базасынын иши менен таанышты. Иш сапардын жүрүшүндө көмүр базанын директору А.Эсенов министрге Балыкчы жүктөө-түшүрүү пунктунун (ПРП) учурдагы ишмердүүлүгү тууралуу маалымат берди.

Анын айтымында, бүгүнкү күндө ПРПда Бишкек шаарынын ЖЭБи үчүн&nbsp; 26 миң тонна штыб-көмүр жана Бишкек шаарынын көмүр базасын камсыздоого багытталган 2 миң тонна тандалма көмүр кору бар экенин маалымдады.

&nbsp;

Иш сапардын алкагында министр Балыкчы көмүр базасынын автоколоннасынын иши менен таанышты. Учурда автоколоннанын курамында 50 даана HOWO үлгүсүндөгү автопоезд иш алып барууда. Ошондой эле, ПРПда 4 фронталдык жүктөгүч жана 1 экскаватор үзгүлтүксүз иштеп, пункт суткасына 24 сааттык режимде көмүрдү кабыл алуу, сактоо, камдоо жана жүктөп жөнөтүү иштерин аткарууда.

&nbsp;

Министрге маалымдалгандай, 2025-жылдын 12 айында &laquo;Кара-Кече&raquo; көмүр кесиминен &laquo;Кыргызкөмүр&raquo; ишканасынын Балыкчыдагы көмүр базасына жалпысынан 

624 049,25 тонна көмүр жеткирилген. Анын ичинен филиалдын автопоездору тарабынан 130 090,8 тонна көмүр (5 447 каттам) ташылган.

&nbsp;

Ал эми 2026-жылдын январь айында Бишкек ЖЭБине 77 419 тонна көмүр (1 214 вагон) жөнөтүлүп, пландалган 80 миң тонна көрсөткүчүнө жакын аткарылган.

&nbsp;

Министр&nbsp; Балыкчы көмүр базасынын жетекчисине.&nbsp; учурдагы аба ырайы&nbsp; төмөндөп турган маалында калкта көмүр тартыштыгы жаралбашы үчүн, өз убагында тынымсыз көмүр жеткирүү иштерин штатттык режимде жүргүзүп турууну тапшырды.

Энергетика министри Т. Ибраев «Кыргызкөмүр» ААКнын Балыкчы филиалынын иши менен таанышты

&nbsp;

&nbsp;

Кыргыз Республикасынын энергетика министри Таалайбек Ибраев 2026-жылдын 25-январында Ысык-Көл облусуна иш сапары менен барып, энергиянын кайра жаралуучу булактары тармагында иш алып барган компанияларындын тийиштүү жетекчилери менен жолукту. 

&nbsp;

Алгач Тору-Айгыр аймагында Юнигрин компаниясы тарабынан курулуп жаткан күн электр станциясынын иши менен жеринде таанышты. Анда компаниянын техникалык директору Тимурлан Кадинов аткарылып жаткан иштер, алдыдагы пландары тууралуу маалымат берди. 

Анын айтымында учурда куруу иштери кызуу жүрүп жатат. Учурда аткарылган иштер: 

* Участокторду пландаштыруу &ndash; 80%;

* Тосмо орнотуу &ndash; 95%;

* 1-кезектеги таяныч конструкцияларын жеткирүү &ndash; 50%;

* 1-кезектеги таяныч конструкцияларындагы казыктарды бекитүү &ndash; 6%;

&bull;&nbsp; Сел сактагычтарды, анын ичинде агып чыгуучу каналдарды, дренаждык көлмөлөрдү куруу &ndash; 50%;

&bull;&nbsp; 220 кВ чубалгылар үчүн чуңкурларды даярдоо &ndash; 40%; 

&bull;&nbsp; Таянычтарды чогултуу жүрүп жатат. 2026-жылдын 31-августуна чейин 100 МВт күн электр станциясын ишке киргизүү пландалууда. 

&nbsp;

Мындан тышкары энергетика министри Т.Ибраев&nbsp; &quot;РЭЦА&quot; ЖЧКсы тарабынан&nbsp; курулуп жаткан күн электр станциясын текшерди.&nbsp; Компаниянын долбоордук директору Фам Минь Баг,&nbsp; курулуш обьектисинин менеджери Нгуен Минь Туан менен жолугуп, долбоорду ишке ашыруунун учурдагы абалы тууралуу маалымат алды. 

Алардын айтымында 17 МВт күн элек станциясын куруу иштеринин 10 пайызы ишке ашылып бүттү.

&nbsp;

&nbsp;Азыркы учурда жумушчулар үчүн убактылуу турак-жай курулуп бүтүп, көмөкчордондун пайдубалы жана 110кВ электр линиясынын 50 пайызы коюлду. 175 МВт кубаттуулуктагы долбоордун биринчи фазасынын курулушун 2026-жылдын биринчи жарымында аяктоо пландаштырылууда.

&nbsp;

Энергетика министри көмпания жетекчилерине курулуш мөөнөттөрүн так сактоо зарылдыгын баса белгилеп,&nbsp; аткарылып жаткан иштердин сапатына жана темпине көзөмөлдү күчөтүүнү тапшырды.

Энергетика министри күн элект станцияларынын курулуш иштерин текшерди

2026-жылдын 23-январында Кыргыз Республикасынын Министрлер Кабинети менен &laquo;Кыргызстан Риклейм Ко. ЛТД&raquo; ЖЧКсынын ортосунда Ош облусунун Кара-Кулжа районунда жайгашкан Тар дарыясында чакан ГЭСтер каскадын куруу боюнча өз ара түшүнүшүү жөнүндө Меморандумга кол коюлду.

 
Аталган документке Кыргыз Республикасынын энергетика министринин орун басары Алтынбек Рысбеков жана &laquo;Кыргызстан Риклейм Ко. ЛТД&raquo; ЖЧКнын башкы директорунун орун басары Цю Чэньци кол койду.

 
Жетишилген макулдашуулардын алкагында болжол менен 200 МВт кубаттуулугу бар чакан ГЭСтердин каскадын куруу боюнча инвестициялык долбоорду ишке ашыруу пландаштырылууда. Инвестициянын болжолдуу көлөмү 300 млн АКШ долларын түзөт. 
Бул долбоорду ишке ашыруу жаңы генерациялоочу кубаттуулуктарды ишке киргизүүгө, Кыргыз Республикасынын энергетикалык туруктуулугун бекемдөөгө өбөлгө түзөт, ошондой эле өлкөнүн энергетикалык секторунун туруктуу өнүгүүсүн камсыз кылат.

Тар дарыясында чакан ГЭСтердин каскадын куруу долбоору боюнча Меморандумга кол коюлду

2025-жылдын жыйынтыгы боюнча Энергетика министрлигинин коллегиясы болуп өттү

&nbsp;

&nbsp;

Бишкек, Т. Усубалиев атындагы аянт, 2026-жылдын 23-январы &ndash; Кыргыз Республикасынын Министрлер Кабинетинин Төрагасы &ndash; Кыргыз Республикасынын Президентинин Администрациясынын Жетекчиси Адылбек Касымалиев Кыргыз Республикасынын Энергетика министрлигине атайын автотранспорт каражаттарынын ачкычын тапшырды.&nbsp;

Белгилей кетсек, &ldquo;Кыргызстан улуттук электр тармагы&rdquo; ААКнын объекттерин капиталдык куруу, реконструкциялоо, техникалык кайра жабдуу жана модернизациялоо планына ылайык, JAC&ndash;T8 үлгүсүндөгү 17 даана бригадалык автоунаа, SHANMON&ndash;388H үлгүсүндөгү 8 даана экскаватор-жүктөгүч, ошондой эле &ldquo;Энергетика тармагын модернизациялоо жана туруктуу өнүктүрүү&rdquo; долбоорунун алкагында КАМАЗ&mdash;43118 базасындагы 45 метрлик 2 даана авто-көтөргүч жана JAC&ndash;N56 үлгүсүндөгү 10 даана бригадалык автоунаа сатып алынган. 
Жалпы 37 бирдик атайын автотранспорт каражатынын суммасы 145,8 млн сом.&nbsp;

Салтанаттуу аземде сөз сүйлөгөн Министрлер Кабинетинин Төрагасы Адылбек Касымалиев, энергетика тармагын өнүктүрүү &nbsp;мамлекеттин артыкчылыктуу багыттарынын бири экенин айтып, Кыргыз Республикасынын Президенти Садыр Жапаровдун тапшырмасы менен электр энергиясы боюнча координалдуу курулуштар жүргүзүлүп жана ири долбоорлор ишке ашырылып жатканын билдирди.&nbsp;

&ldquo;Кыргызстандын энергетика тармагы жылдан жылга жакшырууда, техникалык жактан да күчтөнүп, гидрокубаттуулуктар жаңыланууда. ГЭСтер модернизацияланып, агрегаттары алмаштырылып, иштөө өмүрү узарууда. Бул сиздердин эмгек. Акыркы жылдары жүздөгөн атайын жана кызматтык техникаларды сатып алып жатабыз. Энергетикадагы жакшы иштер улантылат деп ишенем. Бүгүн да сиздерге жаңы техникаларды тапшырдык. Бул техникалар элибизге, мамлекетке кызмат кылсын&rdquo;, &mdash; деди МинКаб Төрагасы Адылбек Касымалиев.&nbsp;

<div style="border-bottom:solid windowtext 1.0pt; padding:0cm 0cm 1.0pt 0cm">
Кошумчалай кетсек, 2025-жылы энергетика жана көмүр тармагына жалпы 160тан ашуун&nbsp;атайын автотранспорт каражаттары сатып алынган.
</div>

&nbsp;

Министрлер Кабинетинин Төрагасы Адылбек Касымалиев Энергетика министрлигине 40ка жакын атайын автотранспорт каражатынын ачкычын тапшырды

&nbsp;

Кыргыз Республикасынын Энергетика министри Т. Ибраев &nbsp;GPRC, NRP жана KCG компанияларынын Консорциумунун жетекчилиги Константин Пановко жана Александр Онг менен жолугушту.

Жолугушуунун алкагында энергетика министри Таалайбек Ибраев &nbsp;өлкөнүн энергетика системасынын акыркы 2-3 жылдагы өнүгүүгө карата жасалган иштери, долбоорлордун ишке ашырылышы тууралуу айтып берди. 

Аны менен катар министр Консорциумдун жетекчилигине &nbsp;Кыргызстандагы көмүр кендерине жылуулук электр станцияларын куруу мүмкүнчүлүгүн кароону сунуштады.

 
Жыйындын жүрүшүндө Консорциумдун жетекчилиги &nbsp;эл аралык стандарттарга ылайык таза көмүр технологиясын колдонуу менен ар бири 350 МВт жалпы кубаттуулугу 1050 МВт болгон үч ЖЭСти куруу, каржылоо ниети бар экенин билдирди. Алар ушундай эле жылуулук электр станцияларын куруу боюнча тажрыйбасы бар экенин &nbsp;маалымдады. 

Айтымында жаңы технологияларды колдонуу менен көмүрдүн ишенимдүү, таза жана үзгүлтүксүз энергия өндүрө аларын көрсөтүүнү көздөйт. Бул үчүн адистер кендерди жана көмүрдүн сапаттык мүнөздөмөлөрүн, анын ичинде күлдүүлүгүн, нымдуулугун, учуучу заттардын, күкүрттүн жана фосфордун курамын, калориялуулугун изилдеп чыгышы керектигин билдирди.

Министр долбоорду ишке ашыруу үчүн Консорциумдун адистеринин тобун Кыргызстанга зарыл болгон бардык маалыматтарды изилдөө иштерин жүргүзүүгө чакырып, Министрлик тарабынан &nbsp;зарыл болгон колдоолорду көрсөтөөрүн айтып өттү.

&nbsp;

&nbsp;

GPRC, NRP жана KCG компаниялары Кыргызстанга ЖЭС курууга кызыктар

&nbsp;

Кыргыз Республикасынын Энергетика министрлигинин энергетика тармагын өнүктүрүү, 2025&ndash;2026-жылдардын күз-кыш мезгилине даярдыкты күчөтүү жана реформанын алкагында коюлган талаптарды өз убагында аткаруу боюнча тапшырмасына ылайык, &laquo;Кыргызстан улуттук электр тармагы&raquo; ААК 2025-жылы 279 даана трансформаторун орнотту жана 366 даана трансформатордун кубаттуулугун жогорулатты. 
Электр тармактар ишканалары боюнча 10/0,4 кВ трансформаторлорун орнотуу жана кубатын жогорулатуу төмөнкү көлөмдө жүргүзүлдү: 
&bull;&nbsp;&nbsp; &nbsp;Бишкек электр тармактар ишканасы &mdash; 69 даана; 
&bull;&nbsp;&nbsp; &nbsp;Баткен электр тармактар ишканасы &mdash; 95 даана; 
&bull;&nbsp;&nbsp; &nbsp;Жалал-Абад электр тармактар ишканасы &mdash; 113 даана; 
&bull;&nbsp;&nbsp; &nbsp;Ысык-Көл электр тармактар ишканасы &mdash; 61 даана; 
&bull;&nbsp;&nbsp; &nbsp;Нарын электр тармактар ишканасы&mdash; 77 даана; 
&bull;&nbsp;&nbsp; &nbsp;Ош электр тармактар ишканасы &mdash; 117 даана; 
&bull;&nbsp;&nbsp; &nbsp;Талас электр тармактар ишканасы &mdash; 36 даана; 
&bull;&nbsp;&nbsp; &nbsp;Чүй электр тармактар ишканасы &mdash; 77 даана. 
Бул иштер жабдууларды жаңылап, күз кыш мезгилин ийгиликтүү өтүү үчүн аткарылып, энергосистемада болуп жаткан жүктү азайтып, электр энергиясы менен камсыздоонун сапатын жакшыртат. 
&laquo;Кыргызстан УЭТ&raquo; ААКсы модернизациялоо жана системалуу иш-чараларды улантып, Кыргызстандын энергосистемасын замандын талабына шайкеш, туруктуу жана эффективдүү калыптандырууну көздөйт. 
Электр энергиясы менен камсыздоо боюнча сурооңуз болсо биздин күнү-түнү иштөөчү чалуу борборуна кайрылсаңыздар болот: 105, +996 772 001209 +996 556 001209 WhatsApp: +996 702 001209.

«Кыргызстан УЭТ» ААК 2025-жылы 10/0,4 кВ тарамында 645 даана трансформатор орнотуу жана кубаттуулугун жогорулатуу иштерин жүргүздү

&nbsp;

&nbsp;

2026-жылдын 20-январында Кыргыз Республикасынын Энергетика министри Таалайбек Ибраев менен &nbsp;&laquo;Орто Азия Инвестициялык Холдинги&raquo; ААКнын директорлор кеңешинин мүчөсү Гезер Селчук, Башкармалыктын төрагасы ⁠Сур Мухаммет Халук, Башкармалыктын төрагасынын ⁠орун басары Тариель Эрмеев жана &nbsp;компаниянын бир катар &nbsp;өкүлдөрүнүн кезектеги &nbsp;жумушчу жолугушуу болуп өттү. 

Эки тараптуу &nbsp;жолугушуунун жүрүшүндө Казарман ГЭС каскадын куруу долбоорлорунун алдын ала техникалык-экономикалык негиздемесин даярдоо боюнча маселелер талкууланып, презентация көрсөтүлдү.

&nbsp;

Анда &laquo;Орто Азия Инвестициялык Холдинги&raquo; ААКнын өкүлдөрү Энергетика министрлигинин жетекчилигине жана адистерине иштин учурдагы абалы жөнүндө маалымат берип, алдын ала техникалык-экономикалык негиздемени даярдоо баскычында жетишилген негизги ыкмаларды жана натыйжаларды көрсөтүштү. 

 
Тараптар долбоорду ишке ашыруу боюнча мындан аркы кадамдарды, ошондой эле учурдагы инвестициялык макулдашуулардын алкагында координациялоо жана өз ара аракеттенүү маселелерин талкуулашты.

КР Энергетика министри Т.Ибраев бул долбоордун өлкөнүн гидроэнергетикалык потенциалын өнүктүрүү, энергетикалык коопсуздукту чыңдоо, энергетика тармагына чет элдик инвестицияларды тартуу үчүн стратегиялык маанисин баса белгилеп, аталган долбоор өз убагында ишке ашырылы керектигин билдирди. 

&nbsp;

Эске салсак, 2025-жылдын 2-августунда &ldquo;Казарман ГЭС каскадын куруу&rdquo; долбоорлорун ишке ашыруу боюнча Кыргыз Республикасынын Министрлер Кабинети менен &ldquo;Орто Азия Инвестициялык Холдинги&rdquo; ачык акционердик коому ортосунда Инвестициялык келишимдерге кол коюлган.

 
Инвестициялык долбоор ГЭСтерди курууга жана эксплуатациялоого, анын ичинде төмөнкү объекттерде электр энергиясын долбоорлоого, курууга, тейлөөгө жана өндүрүүгө багытталган:

&laquo;Орто Азия Инвестициялык Холдинги&raquo; ААК компаниясы каскаддын 3 ГЭСин курууга кызыктар. Алар:

Ала-Буга ГЭСи - 600 МВт

Кара-Булуң-1 ГЭСи -149 МВт

Кара-Булуң-2 ГЭСи -163 МВ

Жалпы кубаттуулугу -912 МВт.

&nbsp;

2025-жылдын 2-августундагы Инвестициялык келишимге ылайык, инвестициянын болжолдуу көлөмү 3 миллиард АКШ долларын түзөт. Долбоорлорду мамлекеттин финансылык катышуусуз инвестордун өздүк каражаттарынын эсебинен 100% ишке ашыруу каралууда.

<div style="border-bottom:dotted windowtext 3.0pt; padding:0cm 0cm 1.0pt 0cm">
&nbsp;
</div>

Энергетика министрлиги менен «Орто Азия Инвестициялык Холдинги» ААКнын жетекчилигинин  кезектеги жолугушуусу болуп өттү

&nbsp;

Энергетика министрлигинин жүргүзүп жаткан реформаларынын алкагында &ldquo;КУЭТ&rdquo; ААКнын филиалы &mdash; Нарын электр тармактар ишканасы тарабынан 2025-жылы Нарын облусунда ишкананын темир-бетон буюмдарын чыгаруучу цехинде өндүрүлгөн темир-бетон мамылары орнотулуп, алмаштырылды.&nbsp;

Калкты сапаттуу жана туруктуу электр энергиясы менен камсыз кылуу максатын көздөгөн бул иш-аракеттердин жыйынтыгы менен жалпысынан 3233 даана темир - бетон мамылары Нарын облусунун аймактарында орнотулду.&nbsp;

Темир-бетон мамыларын орнотуу жана алмаштыруу иштери капиталдык курулуш планына ылайык төмөнкүдөй жүргүзүлдү: 
&nbsp;1. Ат-Башы РЭТи &mdash; 771 даана; 
&nbsp;2. Ак-Талаа РЭТи &mdash; 249 даана; 
&nbsp;3. Жумгал РЭТи &mdash; 220 даана; 
&nbsp;4. Кочкор РЭТи &mdash; 577 даана; 
&nbsp;5. Нарын РЭТи &mdash; 496 даана; 
&nbsp;6. Тогуз-Торо РЭТи &mdash; 184 даана. 
Мындан тышкары, оңдоп-түзөө иштеринин алкагында 736 даана темир-бетон мамы алмаштырылып, орнотулду.&nbsp;

Ошондой эле 2026-жылы, цех 5316 даана темир-бетон буюмдарын жана мамыларды өндүрүп, райондорго керектүү өлчөмдө бөлүп берүүнү пландоодо. Ал эми ремонттук кампаниянын башталышы менен капиталдык курулуш жана оңдоп-түзөө иш болжомдоруна &nbsp;ылайык облус боюнча 2560 даана темир-бетон &nbsp;мамыларын орнотуу пландалууда.

Эске салсак, 2024- жылы 31- августта Нарын шаарында, 2025-жылдын ноябрь айында Кочкор районунун Чолпон айылында дагы темир-бетон мамыларын өндүрүүчү цех курулуп, ишке берилген. Аталган цехтер ишке берилгени ишкананын ишмердүүлүгүнө керектелүүчү мамылар менен толук камсыздалып, башка жактан сатып алуу муктаждыгы жоюлду.

2025-жылы Нарын облусунда 3233 даана темир-бетон мамылары орнотулду

&nbsp;

Кыргыз Республикасынын Энергетика министрлиги жаңылануучу энергия булактарын өнүктүрүүгө жана өлкөнүн түштүк аймагынын энергетикалык потенциалын чыңдоого багытталган бир катар долбоорлорду ишке ашырууда.

Анын алкагында Ош облусунун Кара-Суу районунда орнотулган кубаттуулугу 27 МВт болгон &laquo;Папан&raquo; чакан гидроэлектр станциясынын курулушу улантылууда.

Учурда төмөнкү иштер аткарылды:

&bull; гидроэлектр станциясынын имараттары курула турган аймакка чейинки узундугу 8 чакырымды түзгөн убактылуу жүрүүчү жолдун курулушу аяктады;

&bull; Папан суу сактагычынын чөйчөгүндө (чашасында) суу алуучу курулманы куруу үчүн жер тилкеси бөлүнүп берилди;

&bull; ГЭСтин имаратын жана 110 кВ чыңалуудагы ачык бөлүштүрүүчү түзүлүштү (ОРУ-110 кВ) камтыган өндүрүштүк түйүндү куруу үчүн жерлерди бөлүү жана трансформациялоо боюнча жол-жоболор жүргүзүлүүдө;

&bull; курулуш мезгилинде электр энергиясын пайдалануу үчүн техникалык шарттар иштелип чыгып, макулдашылды;

&bull; Папан ГЭСинен &laquo;Узловая &ndash; Беш-Мойнок&raquo; 110 кВ аба чубалгысына (ВЛ-110 кВ) чейин аба электр берүү чубалгысын тартуу үчүн таянычтарды орнотууга керектелүүчү жер тилкелерин бөлүү маселелери каралууда.

Мындан тышкары, долбоордук-сметалык документацияны иштеп чыгуу улантылууда, курулуштун алдын ала планы аныкталды, Папан суу сактагычынын аймагына кирүүгө уруксат алынды жана инженердик изилдөөлөр жүргүзүлүүдө.

Эске салсак, Папан ГЭСинин курулушунун капсула салуу аземи 2024-жылдын 5-октябрында болуп өткөн.

Ош облусунда Папан ГЭСинин курулушу уланууда

&nbsp;

&nbsp;Кыргыз Республикасынын Энергетика министрлигинин демилгеси менен энергетика тармагындагы реформанын жана санариптештирүүнүн алкагында Бишкек электр тармактар ишканасы &mdash; &laquo;КУЭТ&raquo; ААКнын филиалы тарабынан АСКУЭ &mdash; электр энергиясын коммерциялык эсепке алуунун автоматташтырылган тутумунун эсептегичтери орнотулууда.

&nbsp;АСКУЭ эсептегичтерин орнотуунун негизги максаты &mdash; электр энергиясын бөлүштүрүүнү натыйжалуу жүргүзүү, көзөмөлдү күчөтүү жана керектөөнү так эсепке алуу.

&nbsp;2025-жылдын башынан бери Бишкек шаарынын райондорунда жалпысынан 28 000 акылдуу эсептегич орнотулду. Анын ичинде:

&bull; Ленин району &mdash; 9 140 даана

&bull; Свердлов району &mdash; 4 659 даана

&bull; Биринчи Май району &mdash; 11 742 даана

&bull; Октябрь району &mdash; 2 374 даана

<img alt="📌" src="https://static.xx.fbcdn.net/images/emoji.php/v9/tac/1/16/1f4cc.png" style="height:16px; width:16px" /> Мындан тышкары, 2026-жылы 42 000 акылдуу эсептегич орнотуу пландалууда.

<img alt="✅" src="https://static.xx.fbcdn.net/images/emoji.php/v9/t33/1/16/2705.png" style="height:16px; width:16px" /> Акылдуу эсептегичтердин артыкчылыктары:

&bull; көрсөткүчтөрдү серверге реалдуу убакыт режиминде автоматтык түрдө өткөрүп берет;

&bull; керектөө белгиленген кубаттуулуктан ашкан учурда электр энергиясын автоматтык түрдө өчүрөт;

&bull; дебитордук карыз болгон учурда электр энергиясын автоматтык түрдө өчүрүп, төлөм жүргүзүлгөндөн кийин кайра күйгүзөт;

&bull; эсептегичке тыштан кийлигишүү аракети аныкталганда дароо кабар берет;

&bull; жеткирилген электр энергиясынын сапатын жогорулатат;

&bull; электр энергиясын уурдоонун коркунучтарын азайтып, контролёр менен керектөөчүнүн түз байланышына болгон муктаждыкты кыскартуу аркылуу адам факторун жокко чыгарат;

&bull; электр жабдууларын ашыкча жүктөөдөн коргойт.

<img alt="📞" src="https://static.xx.fbcdn.net/images/emoji.php/v9/t4d/1/16/1f4de.png" style="height:16px; width:16px" /> Электр энергиясына байланышкан бардык суроолор боюнча колл-борборго кайрылсаңыз болот:

105, 0772 001 209, 0556 001 209 (WhatsApp), 0702 001 209

Бишкек шаарында 2025-жылдын башынан бери 28 000 акылдуу эсептегич орнотулду

Кыргыз Республикасынын Энергетика министрлиги жүргүзүп жаткан реформалардын алкагында 2025-жылы Ысык-Көл облусунда электр энергиясын ишенимдүү жана үзгүлтүксүз жеткирүү багытында жана электр тармагын санариптештирүү иштеринин алкагында 45396 даана акылдуу эсептегич орнотулду.

&nbsp;

Бүгүнкү күндө облус боюнча 123 026 жеке кардардын ичинен 94 299 кардар, башкача айтканда 75,8 пайызы акылдуу эсептегичтер менен камсыз болгон. 
 
Мындан тышкары 90 чакырым 10/0,4 кВ эски алюминий зымдары жаңы, коопсуз жана ишенимдүүлүгү жогору СИП зымдарына алмаштырылды. 
 
1300 даана эскирген жыгач мамылар, темир-бетон мамыларга алмаштырылды. 
 
&nbsp;18 даана 10/0.4 кВ көмөк чордон орнотулуп, аймактын бир катар айыл-кыштактары туруктуу электр менен камсыз болууда. 
 
&nbsp;Ошондой эле, 23 күч трансформаторлорунда кубаттуулукту жогорулатуу иштери жүргүзүлдү. 
 
&nbsp;&nbsp;Анын катарында кардарларга туруктуу жана сапаттуу электр энергиясын берүү максатында Ысык-Көл облусунда 7 даана жаңы заманбап реклоузерлер орнотулду. Реклоузер&ndash; бул 6&ndash;10кВ чейинки бөлүштүрүүчү электр тармактарында колдонулуучу заманбап автоматтык өчүргүч. Ал аба чубалгыларын авариялык токтордон коргойт жана убактылуу бузулуулар болгондо электр энергиясын өз алдынча калыбына келтирет. 
 
&nbsp;Жыргалан өрөөнүндө 35/10 кВ &ldquo;Үч чоку&rdquo; жаңыкөмөк чордонунун курулушу ийгиликтүү аяктап, ишке берилди. Бул аймакта 12.8 чакырым жаңы кабелдик зымдар тартылып, 4 даана 10 кВ көмөк чордондору орнотулду. 
 
Ысык-Көл облусундагы жогорку чыңалуудагы көмөк чордондордун жалпы кубаттуулугу 56.5 МВАга жогорулатылып, электр тармактарынын ишенимдүүлүгү өстү. Тактап айтканда, &laquo;Пржевальск&raquo; көмөк чордонунда 25 МВА трансформатор 40 МВАга алмаштырылды. &laquo;Восточный&raquo; көмөк чордонунда 16 МВА трансформатор 25 МВА га алмаштырылды. &laquo;Покровка&raquo; көмөк чордонунда 10 МВА трансформатор 16 МВА га алмаштырылды. &laquo;Жети-Өгүз&raquo; көмөк чордонунда 10 МВА трансформаторлор 16 МВА трансформаторлоруна алмаштырылды. Ушундай эле иштер&ldquo;Южная-1&rdquo;, &ldquo;Саруу&rdquo;, &laquo;Барскоон&raquo;, &ldquo;Кең-Суу&rdquo; , &laquo;Улахол&raquo; көмөк чордондорунда аткарылды. 
 
&nbsp;Мындан тышкары, коопсуздук жана заманбап стандарттарды камсыздоо максатында &laquo;Ачикеев&raquo;, &laquo;Кең-Суу&raquo;, &laquo;Маяк&raquo;, &laquo;Бошарино&raquo;, &laquo;Энилчек&raquo; көмөк чордондорунда 1989-жылы орнотулган эски май өчүргүчтөр заманбап вакуумдук өчүргүчтөргө алмаштырылды. Жаңы жабдуулар авариялык абалдарды алдын алып, электр чынжырларын жүк астында автоматтык түрдө өчүрүү функциясына ээ. 
 
Бул иштер аймактын энергетикалык инфраструктурасын сапаттуу деңгээлге көтөрүп, калк менен ишканаларга электр энергиясын туруктуу жана коопсуз жеткирүүгө өбөлгө түзөт.

2025-жылы Ысык-Көл облусунда 45396 кардарга акылдуу эсептегич орнотулду

&nbsp;

Синоптиктер тарабынан жарыяланган аба-ырайынын кескин өзгөрүшү, күндүн суукташына байланыштуу энергетиктер энергообъектилердин ишине көзөмөлдү күчөтүүдө. Штаттан тышкаркы кырдаалга авариялык-оңдоо запасы даярдалып, ыкчам жоюу схемасы иштелип чыккан. Оңдоо бригадалары, транспорт жана атайын техника даярдалган. Ыкчам кырдаалга үзгүлтүксүз байкоо жүргүзүлүүдө. Тиешелүү кызматтардын күнү-түнү нөөмөттүк графиги бекитилди.

Абанын төмөн температурасы электр энергияны керектөөнүн өсүшүнө алып келет. Электр энергиясын керектөөнүн ашыкча өсүшү электр тармактар жабдууларына чоң жүктөмдөргө жана штаттык эмес кырдаалдарды болтурбоо үчүн, өзгөчө максималдуу жүктөмдөрдүн убагында керектөөчүлөрдү энергияны үнөмдөөгө жана бир эле учурда бир нече электр энергияны көп талап кылуучу шаймандарды колдонбоого чакырабыз.

Эгерде электр энергиясы менен камсыздоо боюнча суроолор пайда болсо, биздин күнү иштөөчү чалуу борборунун төмөнкү номерлерине кайрылсаңыз болот: 105, оператордун мобилдик номери: 0772 001209, 0556 001209, WhatsApp номер - 0702 001209.

Төмөндө ар бир облус боюнча электр тармактар ишканаларынын номерлеринин калтырабыз. Электр менен камсыздоо боюнча байланыша бериңиздер:

Бишкек электр тармактар ишканасы - (0312) 53-00-84;

Чүй электр тармактар ишканасы - +996 (312) 33-85-03;

Баткен электр тармактар ишканасы - +996 (03622) 5-06-28;

Ош электр тармактар ишканасы - +996 (3222) 5-50-38;

Жалал-Абад электр тармактар ишканасы - +996 (3722) 5-13-50;

Ысык-Көл электр тармактар ишканасы - +996 (3922) 4-24-53;

Нарын электр тармактар ишканасы - +996 (3522) 5-12-73;

Талас электр тармактар ишканасы &ndash; +996 (3422) 5-36-05.

Энергетиктер алдыдагы суукка байланыштуу электр тармактарынын ишин көзөмөлдөөнү күчөтүштү

&nbsp;

Энергетика министрлиги жүргүзүп жаткан реформанын алкагында &laquo;КУЭТ&raquo; ААКнын филиалы &mdash; Талас электр тармактар ишканасы Талас облусунун аймагында электр энергиясын автоматташтырылган эсепке алуу системасын киргизүү боюнча иштерди улантууда.

Бүгүнкү күндө облустун төрт районунда &mdash; Айтматов, Манас, Бакай-Ата жана Талас райондорунда &mdash; пландалган 35 600 даана акылдуу эсептегич толугу менен орнотулуп бүттү. Жалпы акылдуу эсептегичтердин 1 фазалуу акылдуу эсептегичтер 31 280 даана пландалып толук орнотулду. 3 фазалуу 4320 даана жаңы типтүү акылдуу эсептегичтерге алмаштырылды.

<img alt="📍" src="https://static.xx.fbcdn.net/images/emoji.php/v9/t2d/1/16/1f4cd.png" style="height:16px; width:16px" /> Бакай-Ата районунда 8268 даана акылдуу эсептегич орнотулду.

<img alt="📍" src="https://static.xx.fbcdn.net/images/emoji.php/v9/t2d/1/16/1f4cd.png" style="height:16px; width:16px" /> Айтматов районунда

11 032 даана эсептегич орнотулду.

<img alt="📍" src="https://static.xx.fbcdn.net/images/emoji.php/v9/t2d/1/16/1f4cd.png" style="height:16px; width:16px" /> Талас районунда

11 164 даана эсептегич ийгиликтүү орнотулду.

<img alt="📍" src="https://static.xx.fbcdn.net/images/emoji.php/v9/t2d/1/16/1f4cd.png" style="height:16px; width:16px" /> Манас районунда

5 136 даанасы туташтырылды.

Мындан тышкары, 2026-жылга кошумча жаңы 3390 даана 3 фазалуу жаңы типтеги электр эсептегичтери орнотулуп баштайт.

Акылдуу эсептегичтерди орнотуу иштери этап-этабы менен уланууда. Жаңы эсептегичтер электр энергиясын так эсептөөгө, бузулууларды өз убагында аныктоого, жоготууларды кыскартууга жана керектөөчүлөр үчүн төлөм процесстерин жөнөкөйлөтүүгө жардам берет.

<img alt="☎️" src="https://static.xx.fbcdn.net/images/emoji.php/v9/t22/1/16/260e.png" style="height:16px; width:16px" />Эгерде сизде электр энергиясына байланыштуу суроолор болсо күнү-түнү иштөөчү колл-борборго кайрылыңыздар:

Колл-борбору : 105;

0772001209,

0556001209,

WhatsApp 0702001209

Талас облусунда 35 600 даана «акылдуу»эсептегич орнотулду

&nbsp;

&nbsp;

Кыргыз Республикасынын Энергетика министрлигинин энергетика тармагын өнүктүрүү боюнча тапшырмасына ылайык &laquo;Камбар-Ата-2 ГЭСинин экинчи гидроагрегатын пайдаланууга берүү&raquo; боюнча долбоорду ишке ашыруу иштери улантылууда.

Камбар-Ата-2 ГЭС долбоорун ишке ашыруу Кыргыз Республикасынын энергетика тармагын туруктуу өнүктүрүүдө жана улуттук энергосистеманын ишенимдүүлүгүн бекемдөөдө стратегиялык мааниге ээ.

Долбоор Евразиялык турукташтыруу жана өнүктүрүү фондунун каржылык колдоосу менен ишке ашырылууда. Долбоорду ишке ашырууга техникалык коштоо жана инженердик көзөмөл жүргүзүү эл аралык Fichtner GmbH &amp; Co. KG консалтингдик компаниясы тарабынан камсыздалууда.

Квалификациялуу подряддык уюмдарды кеңири тартуу максатында долбоор үч лотко бөлүнгөн. 
Эл аралык тендерлердин жыйынтыгында иштин бардык багыттары боюнча подрядчылар тандалып алынган:

<ul>
	<li>№1 жана №2 лоттор боюнча &mdash; DEC&ndash;SM консорциуму (Кытай Эл Республикасы / Корея Республикасы);</li>
	<li>№3 лот боюнча &mdash; Sinohydro Bureau 16 компаниясы (Кытай Эл Республикасы).</li>
</ul>

Учурда &nbsp;аталган долбоорду ишке ашыруу боюнча төмөнкү иштер аткарылды:

<ul>
	<li>Камбар-Ата-2 ГЭС объектинде бардык подрядчылар жана консультанттардын катышуусунда көчмө координациялык кеңешмелер өткөрүлдү;</li>
	<li>Жабдууларды жайгаштыруу зоналарын, кеңсе жана убактылуу турак жай инфраструктурасын камтыган негизги курулуш аянтчаларын даярдоо жана тегиздөө иштери жүргүзүлдү;</li>
	<li>Подрядчы уюмдардын кеңсе жана турак жай имараттары үчүн пайдубалдарды бетондоо иштери жүргүзүлүп, объектте персоналдын туруктуу иш алып баруусуна шарт түзүлдү;</li>
	<li>Кеңсе жана турак жай имараттарынын металлоконструкцияларын, анын ичинде көтөрүүчү элементтерин жана чатыр конструкцияларын монтаждоо иштери башталды;</li>
	<li>Долбоорлоочу уюмдардын катышуусунда №2 гидроагрегаттын суу өткөргүчү жана №1 гидроагрегаттын компенсатору техникалык жактан кароодон өткөрүлдү;</li>
	<li>Экинчи гидроагрегатты пайдаланууга берүү боюнча негизги курулуш-монтаждоо этабына өтүүнү камсыз кылуучу даярдоо иштери башталды.</li>
</ul>

&laquo;Электр станциялар&raquo; ААК подрядчы уюмдар жана инженердик консультант менен биргеликте долбоордун ишке ашырылышынын жүрүшүнө жана иштердин бекитилген графиктерге ылайык аткарылышына туруктуу көзөмөл жүргүзүүдө.

<div style="border-bottom:solid windowtext 1.0pt; padding:0cm 0cm 1.0pt 0cm">
Долбоор өлкөнүн энергетикалык коопсуздугун жогорулатууга, керектөөчүлөрдү электр энергиясы менен ишенимдүү жана туруктуу камсыздоого, Нарын дарыясынын гидроэнергетикалык потенциалын натыйжалуу пайдаланууга, электр энергиясын өндүрүүнүн көлөмүн көбөйтүүгө жана күз-кыш мезгилиндеги электр энергиясынын тартыштыгын азайтууга багытталган.
</div>

«Камбар-Ата-2 ГЭСинин экинчи гидроагрегатын пайдаланууга берүү» боюнча долбоорду ишке ашыруу иштери улантылууда

&nbsp;

<img alt="🇰🇬" src="https://static.xx.fbcdn.net/images/emoji.php/v9/tae/1/16/1f1f0_1f1ec.png" style="height:16px; width:16px" />Кыргыз Республикасынын Энергетика министрлигинин энергетика тармагын өнүктүрүү, 2025&ndash;2026-жылдардын күз-кыш мезгилине даярдыкты күчөтүү жана реформанын алкагында коюлган талаптарды өз убагында аткаруу боюнча тапшырмасына ылайык, &laquo;Кыргызстан УЭТ&raquo; ААКнын филиалы Чүй электр тармактары ишканасы электр жабдууларынын ишенимдүүлүгүн жогорулатуу максатында, Чүй облусунун аймагында кошумча трансформатордук көмөкчордондорду (ТКЧ) орнотуу иштерин жүргүздү.

Атап айтканда:

- Сокулук районунун Нижний-Чүй айылына &ndash; 1 даана,

- Ак-Ордо жаңы конушуна &ndash; 4 даана ТКЧ,

- Панфилов районунун Орто-Арык айылына &ndash; 1 даана, Панфилов айылына &ndash; 1 даана,

- Кемин районунун Алмалуу айылына &ndash; 1 даана,

- Кант шаарына &ndash; 2 даана,

- Москва районунун Ак-Суу айылына &ndash; 1 даана,

- Аламүдүн районунун Лебединовка айылына &ndash; 1 даана.

Жалпы облус боюнча 12 даана кошумча трансформатордук көмөкчордондор орнотулду.

Бул иштер керектөөчүлөрдү күз-кыш мезгилинде туруктуу жана сапаттуу электр энергиясы менен камсыз кылуу, ошондой эле мүмкүн болгон авариялык абалдардын алдын алуу максатында жүргүзүлүүдө.

Электр энергиясы боюнча кошумча маалымат алуу үчүн күнү-түнү төмөнкү телефондорго кайрылсаңыздар болот:

105 (акысыз чалуу)

1209 (акысыз чалуу)

+996 772 001209

+996 556 001209

<img alt="📲" src="https://static.xx.fbcdn.net/images/emoji.php/v9/td8/1/16/1f4f2.png" style="height:16px; width:16px" /> WhatsApp: +996 702 001209

Чүй облусу боюнча жаңы орнотулган трансформатордук көмөкчордондор

&nbsp;

Кыргыз Республикасынын Энергетика министрлиги калкты үзгүлтүксүз электр энергиясы менен камсыз кылуу максатында реформаларды жүргүзүп, жаңы кубаттуулуктарды курууга өзгөчө көңүл бөлүүдө. Анын алкагында &ldquo;Чакан ГЭС&rdquo; ААК бүгүнкү күндө Орто-Токой ГЭСин куруу иштерин 80 % аяктады. Орто-Токой ГЭСинде курулуш иштери бекитилген графикке ылайык активдүү уланууда.

Алсак,

&bull; узундугу 950 метрди түзгөн деривациялык тоннелдин казуу иштери толугу менен аяктады;

&bull; суу өткөрүүчү тоннелдин темир-бетон каптамасын бетондоо иштери жүргүзүлүүдө;

&bull; тармакталуучу түйүндөгү камеранын дубалдарын жана грунтун даярдоо жана бекемдөө иштери аткарылууда;

&bull; үч чыгуусу бар тоннелдик тармакты монтаждоого даярдык көрүлүүдө:анын ичиндеги бир чыгуусунда 93,6 метр, экинчисинде 74,4 метр металл конструкциялар орнотулуп, ширетилди.

Гидроэлектростанциянын имаратында курулуш иштеринин бир катар этаптары аяктады:

&bull; ГЭС имаратынын курулуш иштери 90 пайызга аяктады;

&bull; төмөнкү бьефтеги суу агызуучу каналдын затворлорун көтөрүүчү механизмдер үчүн колонналарды арматуралоо жана бетондоо иштери толугу менен бүткөрүлдү;

&bull; чатырдын каркасын монтаждоо иштери аяктап, учурда чатыр жабуу иштери жүргүзүлүүдө;

&bull; №№ 1, 2, 3 гидротурбиналардын жана дисктүү затворлордун монтаждоо иштери аяктады.

Эске салсак, Орто-Токой ГЭСинин кубатуулугу 21 МВт. Болжол менен курулуш иштери 2026-жылдын биринчи жарым жылдыгында аяктайт.

Орто-Токой ГЭСинин курулушу 80% бүттү

&nbsp;

Кыргыз Республикасынын Энергетика министрлигинин өлкө боюнча электр тармактарынын ишенимдүүлүгүн жана эффективдүүлүгүн жогорулатууга багытталган реформаларынын алкагында &ldquo;КУЭТ&rdquo; ААКтын филиалы &ndash; Бишкек электр тармактары ишканасы борбордун бөлүштүрүүчү электр тармактарын модернизациялоо боюнча бир катар ири иштерди ийгиликтүү жыйынтыктады.

Реформалардын негизги багыттарынын бири &ndash; эски алюминий зымдарын заманбап өзүн-өзү изоляцияланган СИП-2 зымдарына этап-этабы менен алмаштыруу. Бул иш-чаралар керектөөчүлөрдү туруктуу жана сапаттуу электр энергиясы менен камсыздоого, авариялык өчүрүүлөрдү азайтууга жана эксплуатациянын коопсуздугун жогорулатууга шарт түздү.

2025-жылдын ичинде ишкананын кызматкерлери жалпы узундугу 87 чакырымдан ашык болгон алюминий зымдарын жаңы СИП-2 зымдарына алмаштырышты. Модернизация төмөнкү жаңы конуштарда аткарылды: Тынчтык, Арча-Бешик, Ак-Ордо, Верхний Орок, Жениш, Балбан-Таймаш, Достук, Пригородное, Мраморное, Калыс-Ордо жана Мурас-Ордо.

Жаңы СИП-2 зымдары кардын жабышына, катуу шамалга, муз тоңушуна туруктуу болуп, кыш мезгилинде электр энергиясынын үзгүлтүксүз берилишин камсыздоого өбөлгө түздү. Ошондой эле СИП-2 техникалык жоготууларды азайтууга, оңдоо иштерин жеңилдетүүгө жана айрым иштерди чыңалууда жүргүзүүгө мүмкүнчүлүк берет.

Бул иштердин аткарылышы борбордун электр тармактарын заманбап талаптарга ылайык өркүндөтүүдө маанилүү кадам болуп саналат жана Энергетика министрлигинин тармакты өнүктүрүү боюнча стратегиялык милдеттерине шайкеш келет.

<img alt="☎️" src="https://static.xx.fbcdn.net/images/emoji.php/v9/t22/1/16/260e.png" style="height:16px; width:16px" /> Электр энергиясы боюнча суроолор үчүн күнү-түнү иштеген Колл-борборго кайрылсаңыздар болот: 105, 1209, 0772001209, 0702001209, WhatsApp: 0702001209

Бишкекте 2025-жылы 87 чакырымдан ашык СИП-2 зымы орнотулду

&nbsp;

&nbsp;

Кыргыз Республикасынын Энергетика министрлиги тарабынан коюлган тапшырмага ылайык, калкты үзгүлтүксүз электр энергиясы менен камсыз кылуу максатында 31-декабрь Жаңы жыл майрамында жана январь айындагы эс алуу күндөрү өлкө аймагында энергокомпаниялардын жетекчилиги жана &nbsp;кызматкерлери штаттык режимде иш алып барышат.

&nbsp;

Бүгүндөн тарта бардык райондук электр тармактарында ыкчам чыгуучу бригада жана жетекчиликтен бир адам кошулуп, нөөмөт уюштурулду. 

&nbsp;

Мындан тышкары, кандайдыр бир өчүрүү катталса, авариялык абалды тез арада калыбына келтирүү үчүн, атайын техника жана нөөмөттүк автомашиналар даярдалган, бригада керектүү жабдуулар менен камсыздалган. 

&nbsp;

Эгерде электр энергиясы менен камсыздоо боюнча суроолор пайда болсо, биздин күнү иштөөчү чалуу борборунун төмөнкү номерлерине кайрылсаңыз болот: 1209, 105, оператордун мобилдик номери: 0772 001209, 0556 001209, WhatsApp номер - 0702 001209.

Төмөндө ар бир облус боюнча электр тармактар ишканаларынын жетекчилеринин номерлеринин калтырабыз. Электр менен камсыздоо боюнча байланыша бериңиздер:

Бишкек электр тармактар ишканасынын жетекчиси - Азамат Паизов +996 772 121 720;

Чүй электр тармактар ишканасынын жетекчиси - Доктурбай уулу Жолдошбек +996 555 772 442;

Баткен электр тармактар ишканасынын жетекчиси - Нурлан Мамадалиев +996 770 091 009;

Ош электр тармактар ишканасынын жетекчиси - Тилек Жолдубай уулу +996 703 778 818;

Жалал-Абад электр тармактар ишканасынын жетекчиси - Усенов Сүйүнбек&nbsp; +996 770 570 704;

Ысык-Көл электр тармактар ишканасынын жетекчиси - Болот Шадыканов +996 702 021 816;

Нарын электр тармактар ишканасынын жетекчиси - Тилек Балкыбеков +996 778 318 537;

<div style="border-bottom:solid windowtext 1.0pt; padding:0cm 0cm 1.0pt 0cm">
Талас электр тармактар ишканасынын жетекчиси &ndash; Акылбек Султанов +996 504 330&nbsp;505.
</div>

Энергетиктер 31-декабрь майрам күнү жана январь айындагы эс алуу күндөрү штатык режимде иштешет

Кыргыз Республикасынын Энергетика министрлигинин тармакты өнүктүрүү, алдыдагы 2025&ndash;2026-жылдардагы күз-кыш мезгилине даярдыкты күчөтүү жана реформанын алкагында иштерди өз убагында аткаруу талабына ылайык, Бишкек электр тармактары ишканасы электр жабдууларынын ишенимдүүлүгүн жогорулатуу боюнча комплекстүү иш-чараларды жүргүзүп жатат. Бул иш-чараларга оңдоо, техникалык тейлөө, линияларды куруу жана реконструкциялоо иштери кирет. 
 
Жаңы энергетикалык объект 
 
Быйыл Бишкекте жаңы 110/10 кВ &laquo;Мурас&raquo; аттуу жогорку чыңалуудагы көмөк чордон курулуп, пайдаланууга берилди. Бул көмөк чордон төмөнкү заманбап жабдуулар менен жабдылган: 
* 40 000 кВА кубаттуулуктагы трансформатор; 
* 110 кВ элегаз өчүргүчтөр; 
* 110 кВ ажыраткычтар; 
* 10 кВ тышкы орнотуудагы комплекттик бөлүштүрүү түзүлүшү (КРУН) 
 
2025-жылдын жыйынтыгы боюнча төмөнкүдөй капиталдык оңдоо иштери аткарылды: 
 
&bull; 220-110/35 кВ чыңалуудагы 6 көмөк чордондун жабдуулары; 
&bull; 6&ndash;10/0,4 кВ чыңалуудагы 336 трансформатордук көмөк чордондор(ТП); 
&bull; 220-110/35 кВ чыңалуудагы 26,7 км электр аба чубалгылары (ЭБЛ); 
&bull; 10&ndash;0,4 кВ чыңалуудагы 148 км электр аба чубалгылары. 
 
Ошондой эле, төмөнкүдөй кезектеги оңдоо иштери жүргүзүлдү: 
 
&bull; 220-110/35 кВ чыңалуудагы 47 көмөк чордондун жабдуулары; 
&bull; 6&ndash;10/0,4 кВ чыңалуудагы 1917 трансформатордук көмөк чордондор (ТП); 
&bull; 220-110/35 кВ чыңалуудагы 560 км электр аба чубалгылары; 
&bull; 10&ndash;0,4 кВ чыңалуудагы 2175 км электр аба чубалгылары; 
&bull; 10&ndash;0,4 кВ чыңалуудагы 891 км кабелдик аба чубалгылары. 
 
Реконструкциялоо жана капиталдык курулуш планынын алкагында 12 ай ичинде: 
 
&bull; 2850 &laquo;акылдуу&raquo; эсептегичтер орнотулду; 
&bull; 87 км электр аба чубалгылары СИП-2 зымдар менен алмаштырылды; 
&bull; 31 км кабелдик чубалгылар заманбап жаӊы кабелге алмаштырылды; 
&bull; 32 км электр аба чубалгылары СИП-3 зымдар мене тартылды; 
&bull; 6 км жаӊы кабелдик чубалгылар курулду; 
&bull; 33 трансформаторлордун кубаттуулугу жогорулатылды. 
 
Белгилей кетсек, бул иштер керектөөчүлөрдү күз-кыш мезгилинде туруктуу электр энергиясы менен камсыз кылуу жана мүмкүн болгон авариялык абалдардын алдын алуу максатында жүргүзүлүүдө. 
 
<img alt="📞" src="https://web.telegram.org/a/img-apple-64/1f4de.png" />&nbsp;Электр энергиясы боюнча кошумча маалымат алуу үчүн сиздер күнү-түнү төмөнкү телефондорго кайрылсаңыздар болот: 
 
105 (акысыз чалуу) 
1209 (акы төлөнүү чалуу) 
+996 772 001209 
+996 556 001209 
<img alt="📲" src="https://web.telegram.org/a/img-apple-64/1f4f2.png" />&nbsp;WhatsApp: +996 702 001209

Бишкекте 12 айдын ичинде 1917 трансформатор оңдолду

&nbsp;

&nbsp;

Бүгүн, 2025-жылдын 24-декабрында Т.Абдумомунов атындагы Кыргыз улуттук драма театрында Кыргыз Республикасынын энергетика министри Таалайбек Ибраев жана министрдин биринчи орун басары, &nbsp;&laquo;Кыргызстан улуттук электр тармагы&raquo; ААКнын башкы директору, &laquo;Газпром Кыргызстан&raquo; ЖЧКсынын башкы директорунун орун басары &nbsp;IV &nbsp;Элдик курултайга катышкан делегаттар менен жолугуп, кайрылууларын кабыл алды.

Иш-чаранын жүрүшүндө энергетика тармагына жалпы 78 кайрылуу түштү. Маселелердин дээрлик көбү эскирген &nbsp;аба чубалгыларын алмаштырып берүү, көмөк чордондордун кубаттуулугун жогорулатуу, аймактарды газдаштыруу болсо, кээ бири Чакан ГЭСтерди, күн панелдерин&nbsp; куруу боюнча арыз менен кайрылышты. Энергетика министри ар бир делегаттын маселесин кунт кою менен угуп, &nbsp;айрым кайрылууларды &nbsp;дароо жеринен чечип берди. Ал эми кээ бир олуттуу маселелерди тийиштүү жетекчилерге карап чыгууну тапшырды. 

Муну менен бирге жакшы сөздөрүн айткан делегаттар да жок эмес. Алсак, Т.Кулатов айыл аймагынын өкүлдөрү Энергетика министрлигине III Элдик курултайда &nbsp;өз аймагына көмөк чордон куруп берүү маселеси менен кайрылышкан. Министрлик дароо колго алып, элдин кайрылуусун ишке ашырып, жаңы көмөк чордон куруп берген. Ал эми бүгүн аталган аймактын жергиликтүү тургундары алкыш айтып, &ldquo;Ыраазычылык катын&rdquo; тапшырып кетишти.

Мындан тышкары, делегаттар тармактагы актуалдуу маселелерге токтолуп, аны менен катар энергетиканы өнүктүрүүгө багытталган пикирлерин айтып, министрге өздөрүн кызыктырган суроолорду берип, сунуш-пикирлерин билдиришти.

Жолугушуунун соңунда энергетика тармагын туруктуу өнүктүрүү жана кызматташууну мындан ары да бекемдөө маанилүү экендиги белгиленди. Министр ар бир делегаттын маселеси аткаруусуз калбастыгын жана делегаттар менен биргеликте жасалган аракет өнүгүүгө жетелээрин билдирди. 

Эске салсак, быйыл 2025-жылы төртүнчү Элдик курултай өтүүдө. Ал эки күнгө созулуп, 25-26-декабрь күндөрү КР Президентинин катышуусунда өткөрүлөт.

IV Элдик курултайга келген делегаттарды Энергетика министрлиги кабыл алды

&nbsp;

Кыргыз Республикасынын Президенти Садыр Жапаров бүгүн, 24-декабрда Чүй облусунун Кемин районунда кубаттуулугу 100 мегаватт болгон биринчи күн электр станциясынын салтанаттуу ачылыш аземине катышты.

Иш-чаранын башында конокторго долбоордун кубаттуулугу тууралуу видеоролик көрсөтүлдү. Станция болжол менен 210 миллион кВт&sdot;саат таза электр энергиясын өндүрөт. Көмүр кычкыл газынын чыгындылары 120 миң тоннага кыскарат.

Өз сөзүндө Мамлекет башчысы стратегиялык максат &ndash; альтернативдүү булактардан электр энергиясын өндүрүү экенин баса белгиледи.

Ал энергетика тармагынын маанилүү ролуна токтолду. Өндүрүш, кен иштетүү, тейлөө, айыл чарба жана башка бир катар секторлор толугу менен электр энергиясына таянат.

Президент электр кубатын өндүрүү жаатында аткарылган иштерге өзгөчө көңүл бурду. Анын ичинде Токтогул ГЭСинин төрт агрегатынын баары жаңыртылып, реконструкциядан кийин ГЭСтин кубаттуулугу 1200дөн 1440 мегаваттка чейин жогорулады.

Ошондой эле, быйыл Ысык-Көл, Чүй, Баткен жана Жалал-Абад облустарында бир катар кичи ГЭСтер курулуп, ишке киргизилди. Учурда жаңы гидроэлектростанцияларды куруу боюнча долбоорлоо иштери жүрүп жатат.

Ошону менен катар быйыл эле Чүй, Ысык-Көл, Баткен, Жалал-Абад облустарында бир катар чакан ГЭСтер курулуп ишке киргизилди. Учурда жаңы гидроэлектростанцияларды куруу үчүн даярдык жана долбоорлоо иштери жүрүп жатат.

Агын суулардан электр кубатын өндүрүү менен катар, эки жылдан бери электр кубатын күндөн алуу боюнча пилоттук долбоорлор ишке ашырылууда.

&ldquo;Күн электр станциясынын ачылышы өлкөбүздүн энергетикалык көз карандысыздыгын чыңдоодо жана кайра жаралуучу энергияны өнүктүрүүдө маанилүү этаптын башаты болуп саналарын баса белгилейм. Биз энергиянын кайра жаралуучу булактарын өнүктүрүүнү колго алмайынча, айрыкча, калкты жана экономика субьектилерин толук кандуу электр кубаты менен камсыздоо мүмкүн эместигин түшүндүк&rdquo;, - деди Садыр Жапаров жана бул жааттагы ири инвестициялык долбоорлордун түзүлүп жаткан топтомуна басым жасады.

Ал мамлекеттин инвесторлор үчүн жагымдуу шарттарды түзүү, туруктуу ченемдик-укуктук базаны калыптандыруу, инфратүзүмдү өнүктүрүү жана мамлекет менен бизнестин ортосундагы өз ара кызматташуунун ачык-айкын жана түшүнүктүү механизмдерин камсыз кылуу милдеттерин белгилеп өттү.

&ldquo;Ишкердик жүргүзүүгө уруксат берүүнүн жол-жоболорун мүмкүн болушунча жөнөкөйлөтүү менен бул сектордун алдыга жылышын камсыздап жатабыз. Ошол эле учурда жеке сектор инвестициялардын, заманбап технологиялардын жана башкаруу чечимдеринин негизги булагы болуп саналат.

Биз ишкерлерди инвестор катары гана эмес, энергетикалык долбоорлорду ишке ашырууда жана инновацияларды киргизүүдө стратегиялык өнөктөш катары да карайбыз&rdquo;, - деп белгиледи Президент.

Ал Министрлер Кабинети менен инвесторлордун ортосундагы ырааттуу иш-аракеттердин натыйжасында кубаттуулугу 5 гиговаттан ашык күн жана шамал электр станцияларын куруу боюнча иинвестициялык 12 келишимге кол коюлганын ырастады.

Өлкөдөгү биринчи күн электр станциясы жөнүндө сөз кылып жатып, Садыр Жапаров инвестициянын көлөмү 56 миллион АКШ долларын түзгөнүн белгиледи. Бул долбоор күн энергетикасына салынган инвестициянын көлөмү боюнча эң ири долбоорлордун бири болуп саналат жана чет элдик инвесторлордун бул тармакка болгон кызыгуусунун өсүп жатканын көрсөтүп турат.

&ldquo;Электр энергиясын өндүрүүнүн жылдык көлөмү бир райондун электр кубатына болгон керектөөсүн жабат дегенди түшүндүрөт. Долбоорду ишке ашыруу электр берүүчү инфратүзүмдөргө күч келтирбей, бюджетке салыктык түшүүлөрдү көбөйтүүгө жана жаңы жумуш орундарын түзүүгө мүмкүндүк берет, натыйжада аймактын социалдык-экономикалык өнүгүүсүнө оң таасирин тийгизет&rdquo;, - деди Мамлекет башчысы.

Сөзүнүн аягында Президент Кыргызстанды өнүккөн жана заманбап мамлекетке айландыруу жолунда туруктуу жана таза энергия булактарына өтүүнүн маанисин баса белгилеп, бул масштабдуу долбоорду ишке ашырууга салым кошкон инвесторлорго жана адистерге ыраазычылык билдирди.

Андан соң Президент Садыр Жапаров күн электр станциясынын техникалык жайларын көрүп чыгып, андан кийин социалдык маанилүү темаларды көтөргөн жергиликтүү тургундар менен баарлашты. Алар өз кезегинде аймакка көңүл буруп, колдоо көрсөтүп жана ири долбоорлорду ишке ашырып жаткандыгы үчүн Мамлекет башчысына ыраазычылык билдиришти.

Президент Садыр Жапаров Кеминде кубаттуулугу 100 мегаватт болгон биринчи күн электр станциясын ишке киргизди

&nbsp;

&nbsp;

Кыргыз Республикасынын Энергетика министрлигинин энергетика тармагында жүргүзүп жаткан реформасынын жана мамлекет башчысынын санариптештирүү саясатын ишке ашыруу максатында өлкөдө акылдуу эсептегичтерди орнотуу иштери активдүү жүрдү. &nbsp;Тактап айтканда Республика боюнча &nbsp;2025-жылы рекорддук санда акылдуу эсептегич орнотулду.

Алсак, жыл башында &ldquo;Кыргызстан УЭТ&rdquo; ААК тарабынан жалпы 500 миң даана акылдуу эсептегичти орнотуу мерчемделсе, бүгүнкү күндө план толугу менен аткарылып бүттү. &nbsp;

&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Анын ичинен: 

- Бишкек шаарына &ndash; 28605 даана; 

- Чүй облусуна &ndash; 114884 даана; 

- Талас облусуна &ndash; 36900 даана; 

- Ош облусуна &ndash; 108907 даана;

&nbsp;- Баткен облусуна &ndash; 45912 даана; 

- Жалал-Абад облусуна &ndash; 82903 даана; 

- Ысык-Көл облусуна &ndash; 47929 даана; 

- Нарын облусуна - 33960 даана. 

&nbsp;

Акылдуу эсептегичтерди орнотуунун негизги максаты керектөөчүлөргө электр энергиясын туура бөлүштүрүү, бөлүнгөн электр энергиясын контролдоо, аралыктан тейлөө жана эсепке алуунун натыйжалуулугун жогорулатуу. 

Андан тышкары акылдуу эсептегичтер: 

* реалдуу убакыт режиминде көрсөткүчөрдү серверге автоматтык түрдө берет; 

* электр жабдууларын ашыкча жүктөөдөн сактайт; 

* эсептегичтин иштешине сырттан тоскоолдук кылуу аракеттери жөнүндө автоматтык түрдө билдирет; 

* дебитордук карыз үчүн автоматтык түрдө өчүрүлөт жана төлөм жүргүзүлгөндөн кийин кошулат.

&nbsp;

Маалымат катары: 2022-2025-жылдар аралыгында 734 290 даана эсептөө приборлору АСКУЭге алмаштырылды:

-&nbsp;&nbsp;&nbsp;&nbsp;&nbsp;&nbsp;&nbsp; 2022-жылы: 36&nbsp;905 даана

-&nbsp;&nbsp;&nbsp;&nbsp;&nbsp;&nbsp;&nbsp; 2023-жылы: 55&nbsp;357даана

-&nbsp;&nbsp;&nbsp;&nbsp;&nbsp;&nbsp;&nbsp; 2024-жылы: 131&nbsp;149 даана

-&nbsp;&nbsp;&nbsp;&nbsp;&nbsp;&nbsp;&nbsp; &nbsp;2025-жылы: 510&nbsp;879 даана

&nbsp;

Электр энергиясы менен камсыздоо боюнча суроолоруңуз болсо чалуу-борборуна төмөндөгү номерлерге кайрылыңыз. 105, 1209, 0772 00 1209, 0556 00 1209, 0702 00 1209 (ватсап).

Быйыл рекорддук санда акылдуу эсептегичтер орнотулду

&nbsp;

Дүйшөмбү күнү, 22-декабрда, Кыргыз Республикасынын Энергетика министрлигинде Энергетиктер күнүнө арналган салтанаттуу иш-чара болуп өттү.

Салтанаттуу иш-чарага Кыргыз Республикасынын Жогорку Кеңешинин депутаты Кундузбек Сулайманов, Министрлер Кабинетинин Төрагасынын орун басары &ndash; Суу ресурстары, айыл чарба жана кайра иштетүү өнөр жайы министри Бакыт Төрөбаев, энергетика министри Таалайбек Ибраев жана бир катар мамлекеттик органдардын, энергокомпаниялардын жетекчилери, тармактын ардагерлери жана кызматкерлери катышты.

Иш-чаранын жүрүшүндө Министрлер Кабинетинин Төрагасынын орун басары &ndash; Суу ресурстары, айыл чарба жана кайра иштетүү өнөр жайы министри Бакыт Төрөбаев сөз сүйлөп, энергетиктерди кесиптик майрамы менен куттуктап, ишке ашырылып жаткан ири долбоорлорго токтолду. Аны менен катар ардагерлердин энергетика тармагына өтөгөн эмгегин белгилеп, ыраазычылык билдирди.

Ал эми энергетика министри Таалайбек Ибраев кесиптештерин Энергетиктер күнү менен куттуктап, энергетика тармагындагы акыркы беш жыл ичиндеги ишмердүүлүктүн жыйынтыгын чыгарып, тармакты өнүктүрүүгө олуттуу салым кошкон алдыңкы кызматкерлерге сыйлыктарды тапшырды.

Өз сөзүндө министр Таалайбек Ибраев энергетика тармагынын өлкө үчүн стратегиялык маанисин белгилеп, энергетиктердин эмгегине токтолду:

&laquo;Энергетика тармагында эмгектенип жаткан ар бир адистин иши &mdash; өлкөнүн экономикалык туруктуулугунун жана элдин жашоо шартын жакшыртуунун негизги фактору болуп саналат&raquo;, &mdash; деди министр.

Мындан тышкары, Жогорку Кеңештин өкүлдөрү, КР энергетика жана электротехникалык өнөр жай кызматкерлеринин кеситпик бирлиги, Кыргызстан Аялдар конгресси жана энергетика тармагынын ардагерлер кеңеши энергеткиа тармагынын кызматкерлерин кесиптик майрамы менен куттуктап, эмгеги менен өзгөчөлөнгөн кызматкерлерге Ардак грамоталарды, ведомстволук сыйлыктарды, &ldquo;Каарман&rdquo; төш белгилерин, Алкыш баракчаларын ошондой эле энергетика тармагын өнүктүрүүдөгү өз ара кызматташтык үчүн сыйлыктарды ыйгарышты.

Өз сөздөрүндө расмий өкүлдөр энергетика тармагы өлкөнүн туруктуу өнүгүүсүндөгү стратегиялык маанисин белгилешип, энергетиктердин жоопкерчиликтүү жана талыкпаган эмгегине жогорку баа беришти.

Мындан тышкары иш-чаранын жүрүшүндө акыркы беш жыл аралыгында аткарылган иштер тууралуу кыскача тасма көрсөтүлүп, концерттик программа менен жыйынтыкталды.

Энергетиктер күнүнө карата салтанаттуу иш-чара өткөрүлдү

&nbsp;

&nbsp;

2024-жылдын 20-21-декабрь күндөрү президент Садыр Жапаровдун катышуусунда өткөн III Элдик курултайдын катышуучуларынан Энергетика министрлигине делегаттардан жалпы 59 кайрылуу келип түшкөн. Алар 540-пункт боюнча 23 кайрылуу, 713-пункт боюнча 36 кайрылуу. 

Элдик курултайда көтөрүлгөн маселелердин көпчүлүгү кошумча көмөк чордонун куруу, трансформатордук көмөк чордондун кубаттуулугун жогорулатуу, эскилиги жеткен жыгач мамычаларын темир-бетон мамыларга алмаштыруу, газдаштыруу, чакан ГЭС куруу жана жаңы конуштарды электр энергиясы менен камсыздоого байланыштуу болгон.

Учурда Энергетика министрлиги тарабынан курултайда көтөрүлгөн 8 кайрылуу боюнча тиешелүү иштер толугу менен аткарылып бүттү. Алсак, кубаттуулук жетпей жаткан калк жыш олтурукташкан аймактардагы көмөк чордондордун кубаттуулугу жогорулатылып, кошумча трансформатордук көмөк чордондор орнотулуп, эскилиги жеткен жыгач мамылары темир-бетон мамыларына алмаштырылды.

Ал эми аткаруу иштери узак убакыт талап кылган 41 кайрылуу боюнча учурда иштер аткарылып жатат. 

Мындан тышкары аткарууга мүмкүн болбогон 10 кайрылуу да болгон. Алар айрым аймактарга чакан ГЭС куруу, региондорду газдаштыруу, кубаттуулугу жетиштүү болгон аймакка жаңы көмөк чордон куруу же трансформатордук көмөк чордон орнотуу, абалы жакшы, иштөө мөөнөтү бүтө элек аба чубалгыларын, электр мамыларын алмаштыруу, калк аз жайгашкан же документтери толук бүтпөй, трансформация боло элек жаңы конуштарды электрлештирүү сыяктуу маселелер.

&nbsp;

Энергетика министрлиги тарабынан III Элдик Курултайда көтөрүлгөн кайрылуулар аткарылды

&nbsp;

Кыргыз Республикасынын Энергетика министри Таалайбек Ибраев 2025-жылдын 9-декабрында Түркия Республикасынын Стамбул шаарына болгон &nbsp;иш сапарынын алкагында, Түркия Республикасынын Энергетика жана жаратылыш ресурстары министри Алпарслан Байрактар мырза менен жолукту.

Жолугушуунун алкагында энергетика тармагындагы эки тараптуу кызматташуулар, биргеликте ири долбоорлорду ишке ашыруу жана бир катар маселелер боюнча сүйлөшүүлөр жүргүзүлдү.

Анда Түрк мамлекеттеринин уюмуна мүчө-мамлекеттеринин ортосунда ишке ашыруу мерчемделген &ldquo;Борбордук Азия-Азербайжан жашыл энергетика коридору (Каспий)&rdquo; долбоору, Кыргызыстанда &ldquo;Технологиялар жана жашыл демилгелер боюнча аймактык борборду түзүү&rdquo; демилгеси, кубаттуулугу 1305 МВт, жылдык өндүрүшү 3317 млрд кВт/саат Казарман ГЭС каскады жана кубаттуулугу 1305 МВт, жылдык өндүрүшү 3317 млрд кВт/саатты түзгөн Суусамыр-Көкөмерен ГЭСтер каскадынын долбоорлору талкууланды.

Өз кезегинде Министр Таалайбек Өмүкеевич Ибраев Кыргыз Республикасы энергиянын кайра жаралуучу булактары &ndash; гидроэнергетика, күн, шамал, биоресурстар чөйрөсүндө зор потенциалга ээ экендигин баса белгиледи.

Ошону менен бирге министр Т.Ибраев кыргыз көмүрүнүн сапатынын жогору экенине токтолуп, Түркия мамлекети менен көмүр тармагында кызматташуу боюнча сунушун билдирди. 

Бул сунушка Алпарслан Байрактар мырза чындап эле мындай жогору сапаттагы көмүр запасы Кыргызстанда бар экендигин билбегенин айтып, алдыда ушул маселе боюнча логистика жагынан пайдалуу болсо бул тармакта дагы кызматташууга даяр экендигин билдирди.

Жыйынтыгында тараптар, бири-бирине көрсөткөн колдоосу үчүн ыраазычылык билдирип, мындар ары кызматташууну тереңдетүүгө багыт алышты.

Түркия менен Кыргызстандын энергетика министрлери эки тараптуу  жолугушуу өткөрдү

&nbsp;

<img alt="🔷️" src="https://static.xx.fbcdn.net/images/emoji.php/v9/tf1/1/16/1f537.png" style="height:16px; width:16px" />2025-жылдын 10-декабрында Кыргыз Республикасынын энергетика министри Таалайбек Ибраев Стамбул шаарына иш сапары менен барып, Түрк мамлекеттер уюмуна мүчө-мамлекеттеринин энергетика министрлеринин 5-жыйынына катышты.

<img alt="🔷️" src="https://static.xx.fbcdn.net/images/emoji.php/v9/tf1/1/16/1f537.png" style="height:16px; width:16px" />Жыйынга мүчө жана байкоочу мамлекеттердин министрлери жана жогорку деңгээлдеги өкүлдөрү катышып, энергетика тармагындагы учурдагы окуяларды талкуулап, кызматташуу мүмкүнчүлүктөрү боюнча пикир алмашып жана Түрк Мамлекеттеринин Уюмунун мүчө-мамлекеттеринин энергетика тармагындагы биргелешкен аракеттерин бекемдөө жолдорун изилдешти.

<img alt="🔷️" src="https://static.xx.fbcdn.net/images/emoji.php/v9/tf1/1/16/1f537.png" style="height:16px; width:16px" />Мурунку жолугушуулардын жыйынтыктарына таянуу менен бул жолугушуу энергетикалык саясат маселелери боюнча диалогду кеңейтүү, кызматташтыктын багыттарын диверсификациялоо жана регионубуздун туруктуу жана коопсуз энергетикалык келечегине салым кошо турган долбоорлорду алдыга жылдыруу үчүн баалуу аянтча болуп эсептелди.

<img alt="🔷️" src="https://static.xx.fbcdn.net/images/emoji.php/v9/tf1/1/16/1f537.png" style="height:16px; width:16px" />Аталган жолугушуунун жүрүшүндө Энергетика министри Таалайбек Ибраев сөз сүйлөп, энергетика тармагында кызматташуунун терендетүү үчүн мындай жолугушуулардын болуусу, өлкөлөр аралык кызматашууга жана тармакты өнүктүрүүгө чоң өбөлгө түзөөрүн билдирди.

&ldquo;Кыргыз Республикасы үчүн түрк мамлекеттеринин ортосундагы энергетикалык кызматташтыкка катышуу бүткүл аймактын узак мөөнөттүү өнүгүүсүнүн туруктуулугун бекемдеген стратегиялык артыкчылыктуу багыт болуп саналат.

Бүгүнкү жолугушуу энергетикалык коопсуздук, энергосистемалардын туруктуулугу, жашыл технологияларды киргизүү жана климаттык тобокелдиктерди жоюу маселелери мамлекеттик саясаттын борбордук элементтерине айланган шартта өтүүдө.

2025-жылы Кыргыз Республикасынын Президенти Садыр Нургожоевич Жапаров Бишкек Саммитинде Кыргыз Республикасы Түрк Мамлекеттер Уюмунун ролун жана беделин мындан ары бекемдөө максатында боордош түрк өлкөлөрү менен эң конструктивдүү өз ара аракеттенишерин баса белгилеген.

Анткени түрк дүйнөсүнүн өлкөлөрү кайра жаралуучу энергетика чөйрөсүндө &ndash; гидроэнергетика, күн, шамал, биоресурстар чөйрөсүндө зор потенциалга ээ.

Андыктан Түрк мамлекеттеринин уюмунун өлкөлөрүнүн энергетика министрликтеринин ортосундагы стратегиялык мамилелердин тез жана ырааттуу өнүгүшүн белгилеп кетким келет. Бир туугандык жана достук рухунда энергетикалык өз ара аракеттенүүнүн жана кызматташуунун жаңы перспективалары түзүлүүдө&rdquo; &ndash; деди министр Т.Ө. Ибраев.

Стамбулда ТМУга мүчө-мамлекеттердин энергетика министрлеринин V жыйыны болуп өттү

&nbsp;

Энергетика министрлигинин койгон тапшырмалардын алкагында, кечээ, 8-декабрь &quot;КУЭТ&quot; ААКнын филиалы &mdash; Нарын электр тармактар ишканасынын Ишенимдүүлүк жана коопсуздук техника кызматы (ИКТК) Ак-Талаа райондук электр тармактарынын кызматкерлери үчүн электр жабдууларын тейлөө жана оңдоо учурунда коопсуздук эрежелерин сактоо боюнча окуу өткөрдү.

Иш-чаранын негизги максаты &mdash; өндүрүш учурундагы кырсыктардын алдын алуу, кырсык &nbsp;катталган учурда жасалуучу негизги аракеттерди көрүү.&nbsp;

Окутуунун алкагында төмөнкү багыттар каралды: 
&nbsp;&bull; жогорку жана төмөнкү чыңалуудагы жабдууларда иш алып барууда коопсуздук талаптарын аткаруу; 
&nbsp;&bull; кырдаалды туура баалоо жана тобокелдикти минималдаштыруу; 
&nbsp;&bull; жеке коргонуу каражаттарын туура колдонуу; 
&nbsp;&bull; өндүрүштүк тартипти сактоо жана окуяларды өз учурунда каттоо &nbsp;&nbsp; 
* кырсык болгон учурда биринчи жардам көрсөтүү жана башка иш-аракеттерди туура жасоо.

Мындан тышкары, 2025-жыл ичинде республика боюнча катталган бөөдө кырсыктар тууралуу атайын даярдалган видеороликтер көрсөтүлүп, кетирген каталарга талдоо жүргүзүлдү.

ИКТК адистеринин билдирүүсүнө караганда, мындай окуулар ишкерсандардын ишенимдүү жана коопсуз иш жүргүзүүсүнө чоң салым кошот.

Ак-Талаа районунда коопсуздук эрежелери боюнча окутуу өткөрүлдү

Кыргыз Республикасынын Энергетика министрлигинин реформаларынын алкагында борбордо кабелдик тармактарды реконструкциялоо жана жаңы байланыштарды куруу иштери активдүү жүрүп жатат. Бул &mdash; энергетикалык инфраструктураны жаңылоодо маанилүү кадам. Учурда 10 кмден ашык заманбап кабелдик линиялар тартылды, анын ичинде жүк түшүмү эң жогору болгон Дордой базарынын аймагы да&nbsp;камтылды. 
 
&nbsp;10 кВ кубатындагы линияларды алмаштыруу иштери &laquo;Электроэнергетика секторун модернизациялоо жана туруктуу өнүктүрүү&raquo; долбоорунун алкагында жүргүзүлүүдө. 
 
Бүгүнкү күндө &laquo;Карагачевая&raquo; подстанциясынан ТП №1339га чейинки жаңы кабелдердин курулушу жүрүп жатат. Бул: 
 
&bull; техникалык жоготууларды азайтууга, 
&bull; тармактардын өткөрүмдүүлүгүн жогорулатууга, 
&bull; заманбап энергия эффективдүүлүк талаптарына ылайык 10 кВ жумушчу чыңалуусуна өтүүгө шарт түзөт. 
 
&nbsp;Дордой базарынын аймагында жаңы кабелдик линияларды тартуу өзгөчө маанилүү, анткени бул жерде чоң соода жана кампалык зоналар жайгашкан. Модернизация иштери бул аймактагы керектөөчүлөрдүн электр менен камсыздалышын кыйла туруктуу жана ишенимдүү кылат. 
 
&nbsp;Реконструкция учурунда сшитый полиэтиленден жасалган, жогорку ишенимдүүлүккө ээ заманбап кабелдер колдонулууда. 
 
&nbsp;Долбоордун алкагында 3&times;185 мм&sup2; жана 3&times;240 мм&sup2; кесимдеги кабелдер төшөлүүдө, бул электр камсыздоонун сапатын жана туруктуулугун кыйла арттырат. 
 
&nbsp;Долбоорду Эл аралык өнүктүрүү ассоциациясы (IDA) жана Швейцариянын Экономика боюнча мамлекеттик секретариаты (SECO) каржылоодо. 
Долбоор үч жыл ичинде Бишкектеги 6/10 кВ кубатындагы 80 км кабелдик линияны&nbsp;реконструкциялоону карайт. 
 
&nbsp;Электр менен камсыздоо боюнча кошумча маалымат алуу үчүн төмөнкү номерлер боюнча күнү-түнү кайрылсаңыз болот: 
105 | 1209 
+996 772 001209 
+996 556 001209

Бишкекте 10 километрден ашык жаңы кабелдик линиялар тартылды

&nbsp;

&nbsp;

Кыргыз Республикасынын Президенти Садыр Жапаровдун 3-4 -декабрда Пакистан Ислам Республикасына болгон мамлекеттик сапарынын алкагында

Кыргыз Республикасынын энергетика министри Таалайбек Ибраев менен Пакистан Ислам Республикасынын энергетика министри Сардар Авайс Ахмед Хан Легари менен эки тараптуу жолугушуу болуп өттү.

Жолугушуунун жүрүшүндө тараптар эки өлкө ортосундагы энергетика тармагында кызматташууну тереңдетүү, биргеликте долбоорлорду ишке ашыруу, энергетиа тармагын өнүктүрүү багында бири-бирине колдоо көрсөтүү тууралуу талкуу кылышты. 

 
Мындан тышкары эки өлкөнүн энергетика министрлер төмөнкү багыттар боюнча кызматташуунун келечегин карашты:

&nbsp;

- Заманбап техникалык чечимдерди жана ыкмаларды колдонуу менен &nbsp;ГЭСтерди курууда жана эксплуатациялоодо тажрыйба алмашуу;

-Аймактык энергетикалык туруктуулукту чыңдоого багытталган CASA-1000 долбоорунун алкагында кызматташууну андан ары кеңейтүү;

- Электр энергиясын өз ара берүү: Кыргызстандан жай мезгилинде жана Пакистандан кыш мезгилинде CASA-1000 долбоорунун алкагында жеткирүүлөрдү ишке ашыруу;

- Энергиянын кайра жаралуучу булактарын (ЭКБ) өнүктүрүү жана жашыл энергетика чөйрөсүндө мүмкүн болгон биргелешкен долбоорлорду ишке ашыруу;

-Кыргыз Республикасындагы энергетикалык долбоорлорду ишке ашыруу үчүн Пакистандан квалификациялуу жумушчу күчүн тартуу;

Жыйынтыгында Кыргыз Республикасынын Энергетика министрлиги менен Пакистан Ислам Республикасынын Энергетика министрлигинин ортосундагы энергетика жаатында кызматташуу боюнча өз ара түшүнүшүү жөнүндө Меморандумга кол коюлду. 

&nbsp;

Аталган документке Кыргыз Республикасынын энергетика министри Таалайбек Ибраев &nbsp;менен Пакистан Ислам Республикасынын энергетика министри Сардар Авайс Ахмед Хан Легари кол койду.

Кыргызстан менен Пакистан Ислам Республикаларынын Энергетика министрлигинин ортосунда Меморандумга кол коюлду

&nbsp;

&nbsp;

2025-жылдын 1-декабрында Кыргыз Республикасынын Энергетика министрлигинде Кыргыз Республикасынын Министрлер Кабинети, Sonningdale Limited жана &laquo;РЭЦА&raquo; ЖЧКсынын ортосундагы Инвестициялык макулдашуусуна &nbsp;кошумча Макулдашууга кол коюу аземи болуп өттү.

&nbsp;

Иш-чара Кыргыз Республикасынын Энергетика министри Таалайбек Ибраевдин, инвестордун өкүлдөрүнүн жана &laquo;РЭЦА&raquo;&nbsp; компаниясынын жетекчилигинин катышуусунда өттү.

&nbsp;

Кошумча макулдашууга кол коюу Ысык-Көл районунун Тору-Айгыр айыл аймагынын Кызыл-Өрүк айылында күн электр станциясын куруу жана эксплуатациялоо долбоорун ишке ашыруудагы маанилүү этап болуп калды. Документ - баштапкы инвестициялык макулдашуунун айрым жоболорун, анын ичинде тараптардын жоопкерчилигинин шарттарын, туруктуулуктун кепилдиктерин, мүмкүн болуучу тобокелдиктерди жөнгө салуу тартибин жана колдонуудагы укукту өзгөртүүнү тактоого жана өркүндөтүүгө багытталган.

&nbsp;

Иш-чаранын жүрүшүндө тараптар Кыргыз Республикасынын кайра жаралуучу энергетика тармагын өнүктүрүү, энергетикалык коопсуздукту бекемдөө жана чет өлкөлүк түз инвестицияларды тартуу үчүн анын стратегиялык маанисин баса белгилөө менен долбоорду ийгиликтүү ишке ашырууга өз милдеттенмелерин ырасташты.

&nbsp;

Кошумча макулдашуу ага кол коюлган учурдан тартып күчүнө кирди жана колдонуудагы Инвестициялык макулдашуунун ажырагыс бөлүгү болуп саналат.

&nbsp;

Маалымат катары: Азыркы учурда жумушчулар үчүн убактылуу турак-жай куруу иштери аяктоодо, подстанциянын пайдубалы жана 110 кВ электр берүү линиясы куюлууда, ошондой эле күн панелдери үчүн кронштейндер орнотулууда.

&nbsp;

Күн электр станциясын куруу боюнча долбоорлор ишке ашырылууда

Кыргыз Республикасынын Энергетика министрлиги улуттук энергетика тармагынын ишенимдүүлүгүн жана натыйжалуулугун арттырууга багытталган комплекстүү чараларды ишке ашырууну улантууда. Анын алкагында &laquo;Чакан ГЭС&raquo; ААК Лебединовка гидроэлектростанциясын реконструкциялоо долбоорунун башкы подрядчысын тандоо процессин жыйынтыктады. Учурда конкурстун акыркы баскычы аяктап, баалоо иштери жүргүзүлүп, банкка макулдашуу үчүн жөнөтүлдү. 
Тендердин жеңүүчүсү объектте негизги курулуш-монтаждоо жана техникалык иш-чараларды аткарат. Реконструкциялоо долбоору &laquo;Чакан ГЭС&raquo; ААКнын артыкчылыктуу багыттарынын бири болуп, жабдууларды жаңылоого, өндүрүмдүүлүктү жогорулатууга жана станциянын кызмат мөөнөтүн узартууга багытталган. 
Комплекстүү чаралар гидротехникалык курулмаларды жаңылоону, генератордук жабдууларды капиталдык модернизациялоону, заманбап башкаруу жана автоматташтыруу системаларын киргизүүнү камтыйт. Бул иштер Лебединовка ГЭСинин ишинин натыйжалуулугун жана ишенимдүүлүгүн бир кыйла жогорулатат:

Орнотулган кубаттуулукту 7,6 МВттан 10,0 МВтка чейин көбөйтүү; 
Электр энергиясын жылдык өндүрүүнү 37,2 млн кВт∙с сааттан 53,5 млн кВт∙с саатка чейин жогорулатуу; 
Гидроэлектростанциянын ишенимдүүлүгүн жакшыртуу. 
Эске салсак, 2022-жылдын 14-апрелинде Европа реконструкция жана өнүктүрүү банкы (ЕБРР), Кыргыз Республикасынын Энергетика министрлиги, Кыргыз Республикасынын Финансы министрлиги, Улуттук энергохолдинг жана &laquo;Чакан ГЭС&raquo; ААК ортосунда алдын ала келишимге (Меморандумга) кол коюшкан.

«Лебединовка ГЭСин реконструкциялоо» долбоорунун башкы подрядчысы аныкталды

Кыргыз Республикасынын Энергетика министрлигинин 2025&ndash;2026-жылдардагы күз-кыш мезгилине карата даярдык көрүү жана керектөөчүлөрдү сапаттуу, туруктуу тейлөө боюнча тапшырмасынын негизинде &ldquo;КУЭТ&rdquo; ААКнын филиалы Жалал-Абад электр тармактар ишканасы тарабынан бир катар ири иштер аткарылды. Анын алкагында облус боюнча 8 көмөк чордонунун күч трансформаторлорунун кубаттуулугу жогорулатылды. 
 
Кубаттуулугу жогорулатылган көмөк чордондор: 
 
110/35/10 кВ Базар-Коргон &ndash; Т-1: 16 МВА &rarr; 40 МВА 
 
110/10 кВ Барпы &ndash; Т-1: 10 МВА &rarr; 16 МВА 
 
110/35/6 кВ Шамалды-Сай &ndash; Т -1 10 МВА - 16МВА; Т- 2 15 МВА &rarr; 16 МВА 
 
110/6 кВ Көк-Таш &ndash; 6,3 МВА &rarr; 16 МВА 
 
110/10 кВ Громадина &ndash; Т-2: 6,3 МВА &rarr; 10 МВА 
 
35/10 кВ Комсомол &ndash; 10 МВА &rarr; 16 МВА 
 
35/10 кВ Бекен &ndash; 4 МВА &rarr; 10 МВА 
 
35/10 кВ Дзержинский &ndash; 2,5 МВА &rarr; 4 МВА 
 
 
Бул иштер каскаддык ыкма менен аткарылып, тармактын ишенимдүүлүгүн күчөтүүгө жана калкты туруктуу электр энергиясы менен камсыздоого багытталды. 
 
Кошумча жасалган иштер: 
 
&nbsp;Базар-Коргон району, Сузак району, Кара-Көл жана Майлуу-Суу шаарларында 83 миң акылдуу эсептегич орнотулду. 
 
&nbsp;540 чакырым 6/10&ndash;0,4 кВ аба чубалгылары оңдолуп-түзөлдү жана 557 даана трансформатор оңдоп-түзөөдөн өткөрүлдү. 
 
Бул иштер Жалал-Абад облусундагы керектөөчүлөрдү электр энергиясы менен туруктуу камсыздоону бекемдөөгө багытталган. Акыркы жылдары жаңы турак жайлардын, өндүрүш жана социалдык объектилердин көбөйүшүнө байланыштуу жүктөм өсүп, трансформаторлордун кубаттуулугун жогорулатуу зарыл болуп келген. 
 
Натыйжада Жалал-Абад облусунун электр тармагынын туруктуулугу жогорулап, калкка жана ишканаларга электр энергиясы сапаттуу жана үзгүлтүксүз жеткирилет. 
 
Керектөөчүлөр үчүн байланышы 
 
<img alt="📞" src="https://web.telegram.org/a/img-apple-64/1f4de.png" />&nbsp;105, 1209 
<img alt="📱" src="https://web.telegram.org/a/img-apple-64/1f4f1.png" />&nbsp;0772 00 12 09 
<img alt="📱" src="https://web.telegram.org/a/img-apple-64/1f4f1.png" />&nbsp;0556 00 12 09 
WhatsApp: 0702 00 12 09

Жалал-Абад облусунда 8 көмөк чордондун кубаттуулугу жогорулатылды

&nbsp;

Энергетика министрлигинин тапшырмасы менен Ош электр тармактар ишканасына таандык Көмөк чордондор кызматынын Ош тайпасынын электр слесарлары үчүн жаңы кызматтык имарат курулду.&nbsp;

Имарат Ош шаарынын Жапалак айылында, ДЭУ-21 көчөсүндө, &ldquo;Узловая&rdquo; көмөк чордонунун жанында жайгашкан.

Долбоор Кыргыз Республикасынын Энергетика министрлигине караштуу &ldquo;Кыргызстан улуттук электр тармагы&rdquo; ААК тарабынан каржыланды. Долбоордун жалпы сметалык баасы 7060,76 миң сом. Курулуш иштерин &ldquo;Энергострой ЛТД&rdquo; ЖЧКсы аткарып, жалпы 6193,65 миң сомдук жумуш ишке ашырылды.

Жаңы имарат кызматкерлер үчүн ыңгайлуу жана коопсуз иш шарттарын түзүү максатында курулду.

Долбоордун негизги максаттары: 
&nbsp;&nbsp; &nbsp;1.&nbsp;&nbsp; &nbsp;Ыңгайлуу иш шарттарын түзүү: имарат кызматкерлердин иштөөсү жана эс алуусу үчүн керектүү шарттар менен камсыздалат. 
&nbsp;&nbsp; &nbsp;2.&nbsp;&nbsp; &nbsp;Коопсуздукту камсыз кылуу: заманбап материалдар колдонулуп, имараттын бекем жана узак мөөнөттүү болушу каралган. 
&nbsp;&nbsp; &nbsp;3.&nbsp;&nbsp; &nbsp;Иштин натыйжалуулугун жогорулатуу: ыңгайлуу имарат кызматкерлердин иш сапатына оң таасир берет.

Имараттын негизги мүнөздөмөлөрү: 
&nbsp;&nbsp; &nbsp;&bull;&nbsp;&nbsp; &nbsp;Курулуш аянты &mdash; 52,49 м&sup2;. 
&nbsp;&nbsp; &nbsp;&bull;&nbsp;&nbsp; &nbsp;Тайпанын башчысынын жана устатынын бөлмөлөрү, санитардык бөлмө, кийинүүчү бөлмөлөр болот. 
&nbsp;&nbsp; &nbsp;&bull;&nbsp;&nbsp; &nbsp;Энергияны үнөмдөөчү жана экологиялык жактан коопсуз материалдар колдонулат. 
&nbsp;&nbsp; &nbsp;&bull;&nbsp;&nbsp; &nbsp;Имарат коопсуздуктун заманбап стандарттарына толук ылайык келет.

Бул имараттын курулушу кызматкерлерге коопсуз жана ыңгайлуу иш шарттарын түзүп, милдеттерин сапаттуу аткаруусун жакшыртат. Имараттын курулуш иштери дээрлик аяктап, жакынкы күндөрү расмий түрдө пайдаланууга берилет

220/110/10 кВ “Узловая” көмөк чордонунда электр-куроочуларга имарат курулду

Алматы шаарында Казакстан Республикасынын энергетика министри Ерлан Аккенженовдун төрагалыгы алдында Кыргызстан, Казакстан жана Өзбекстандын суу-энергетикалык ведомстволорунун жетекчилеринин жыйыны өттү. Бул тууралуу Энергетика министрлигинин басма сөз кызматынан билдиришти.

Жолугушууга Казакстандын суу ресурстары жана ирригация министри Нуржан Нуржигитов, Кыргызстандын энергетика министри Таалайбек Ибраев, Өзбекстандын энергетика министри Журабек Мирзамахмудов, Өзбекстандын суу чарба министри Шавкат Хамраев жана Кыргызстандын суу ресурстары, айыл чарба жана кайра иштетүү өнөр жайы министринин орун басары Алмаз Жээналиев катышты.

Тараптар суу-энергетикалык кызматташуунун мындан аркы параметрлерин макулдашты. Токтогул суу сактагычындагы азыркы кыйын абалды эске алуу менен, өлкөлөр бири-бирин өз ара электр энергиясы менен колдоого жана келерки жылы вегетация мезгилине даярдыкты биргеликте координациялоону макулдашты.

Казакстан менен Өзбекстан күз-кыш мезгилинде Кыргызстанга электр энергиясын берүү даярдыгын тастыкташты. Бул Кыргызстанга кышында суунун сарпталышын азайтып, Токтогул суу сактагычында көбүрөөк көлөмдө суу топтоого шарт түзөт. Топтолгон суу 2026-жылдагы вегетация учурунда Казакстан менен Өзбекстанга берилип, алардын түштүк аймактарындагы сугаруу иштерин туруктуу жүргүзүүгө мүмкүнчүлүк түзөт.

Ошондой эле региондо энергия керектөөнү азайтуу жана энергияны үнөмдөө боюнча биргелешкен чаралар кабыл алынды. Тараптар сүйлөшүүлөрдүн жыйынтыгы боордоштук мамилеге негизделгенин жана Борбор Азиянын энергетикалык коопсуздугун чыңдоого багытталганын баса белгилешти. Өзбекстан электр энергиясынын транзити жана системаны тең салмактоо үчүн техникалык шарттарды камсыздоого даяр экенин билдирди.

Жыйынтыгында 2026-жылдагы кышкы электр энергиясын жеткирүү жана вегетация мезгили үчүн суу топтоо боюнча милдеттемелерди бекиткен үч тараптуу протоколга кол коюлду.

Кыргызстан, Казакстан жана Өзбекстан суу-энергетикалык кызматташуу боюнча макулдашты

Ысык-Көл облусунда электр тармагын санариптештирүү иштери жигердүү жүрүүдө. Энергетика министрлиги бул багыттагы иштердин жүрүшүн тынымсыз көзөмөлдөп келет. Жыл башынан бери бул аймакта 44 121 даана акылдуу эсептегич орнотулду. 
 
Иш чара энергетика тармагын модернизациялоо жана электр энергиясын бөлүштүрүү менен эсепке алуунун натыйжалуулугун жогорулатуу максатында жүргүзүлүп жатат. 
 
&ldquo;КУЭТ&rdquo; ААКнын Ысык-Көл электр тармактар ишканасы акылдуу эсептегичтерди орнотуу боюнча 2025-жылдын башынан бери төмөнкүдөй натыйжаларга жетишти: 
 
Жети-Өгүз РЭТ &ndash; 11895 даана 
Балыкчы РЭТ &ndash; 6664даана 
Ак-Суу РЭТ &ndash; 8710 даана 
Чолпон-Ата РЭТ &ndash; 7509 даана 
Тоң РЭТ &ndash; 6718 даана 
Каракол РЭТ- 2625 даана. 
Жалпысынан 2025-жылдын соңуна чейин 46400 акылдуу эсептегич орнотуу пландалып, учурда 95 пайызга аткарылды. 
 
Бүгүнкү күндө &ldquo;КУЭТ&rdquo; ААКнын филиалы Ысык-Көл электр тармактары ишканасы&nbsp; 137728 кардарды электр жарыгы менен камсыз кылат. Анын ичинен&nbsp;&nbsp;&nbsp; 99426&nbsp; кардар акылдуу эсептегич колдонот.&nbsp;&nbsp; 
 
Акылдуу эсептегичтерди орнотуу менен абоненттерди тынчсыздандырбай эсептегичтин маалыматтарын аралыктан алуу,&nbsp;&nbsp; аралыктан өчүрүү жана күйгүзүү мүмкүнчүлүгүн камсыз кылат. 
 
<img alt="📞" src="https://web.telegram.org/a/img-apple-64/1f4de.png" />&nbsp;Электр энергиясына байланыштуу суроолор үчүн: 
105; 1209 
<img alt="📱" src="https://web.telegram.org/a/img-apple-64/1f4f1.png" />&nbsp;+996 772 001209; +996 556 001209 
<img alt="📲" src="https://web.telegram.org/a/img-apple-64/1f4f2.png" />&nbsp;WhatsApp: +996 702 001209

Ысык-Көлдө облусунда акылдуу эсептегичтерди орнотуу иштери 95 пайызга аткарылды

&nbsp;

Кыргыз Республикасынын Энергетика министрлигинин калкты сапаттуу жана туруктуу электр энергиясы менен камсыз кылууга багытталган тапшырмасынын алкагында &ldquo;Кыргызстан УЭТ&rdquo; ААКнын филиалы Баткен электр тармактар ишканасы 2025-2026-жылдардагы күз-кыш мезгилине карата оңдоп-түзөө жана эски жабдууларды жаңылоо иштерин толугу менен аткарды.

Баткен электр тармктар ишканасынын жогорку чыңалуудагы аба тармактар кызматынын 220/110/35 кВ аба чубалгыларында быйылкы жылга пландалган жумуштар толук аткарылды. 7200 даана эскирген изолятор толугу менен жаңысына алмаштырылып, быйылкы жылда 7513 даана жаңы айнек изоляторлор койулду. Жыл башынан бери жогорку чыңалуудагы аба тармактар кызматында 1264,75 км жогорку чыңалуудагы аба чубалгылары кезектеги оңдоп-түзөөдөн ал эми 134,6 км аба чубалгылар капиталдык оңдоодон өткөрүлдү. Селден коргоо максатында 3 апора боюнча бардык иштер толугу менен аткарылды.

Баткен электр тармактар ишканасынын 220/110/35/ кВ жогорку чыңалуудагы көмөк чордондор кызматы 10 айга пландалган жумуштарды толугу менен аткарды. 45 даана жогорку чыңалуудагы көмөк чордон кезектеги оңдоп тузөөдөн, 6 даана көмөк чордон капиталдык оңдоп түзөөдөн өткөрүлдү.

Аны менен катар 2025-жылдын капиталдык курулуш жана реконструкциялоо иштеринин алкагында облус аймагына 6 даана жогорку чыңалуудагы көмөк чордондун кубаттуулугу жогорулатылып, жаңы жабдуулар орнотулду.

Алар:

1. Лейлек районундагы 110/35/10 кВ &laquo;Самат&raquo; көмөк чордону 16 000 кВАдан 40 000 кВАга

2. Баткен шаарынын Кызыл-Жол кварталындагы 35/10 кВ &ldquo;Животноводческая&rdquo; көмөк чордону 10 000 кВАдан 16 000 кВАга

3. Лейлек районунун Раззаков шаарындагы 35/10 кВ &ldquo;Исфана&rdquo; көмөк чордон

6 300 кВАдан 10 000 кВАга

4. Кадамжай районунун Үч-Коргон айылындагы 35/10 кВ &ldquo;Уч-Коргон&rdquo; көмөк чордон 4 000 кВАдан 6 300 кВАга

5. Кадамжай районунун Күлдү айылындагы 35/10 кВ &ldquo;Кульдинская&rdquo; көмөк чордон

2 500 кВАдан 4 000 кВАга жогорулатылды

6. Кадамжай районундагы 35/10 кВ &ldquo;Орозбеков&rdquo; көмөк чордону 4000 кВАга дагы 2500 кВА кошулду.

Ошондой эле облус боюнча

- 316 даана 10/0,4 кВ трансформатор капиталдык оңдоодон;

- 1512 даана 10/0,4 кВ трансформатор техникалык тейлөөдөн өткөрүлдү.

- 650 км 10-0,4 кВ аба чубалгы капиталдык оңдоодон

- 1251 км 10-0,4 кВ аба чубалгы техникалык тейлөөдөн өткөрүлдү.

Мындан тышкары реконструкциялоо иштеринин алкагында облус аймагында эскирген алюминий зымдарды заманбап СИП &mdash; өзүн-өзү көтөрүүчү изоляцияланган зымдарга алмаштыруу иштери жүргүзүлдү. . Жалпысынан 2025-жылы Баткен облусу боюнча 43,45 чакырым алюминий зымдарын СИПке алмаштыруу пландалса, учурда анын 31,34 чакырымы толук аткарылып бүткөрүлдү.

Ошондой эле, иштин сапатын арттыруу жана электр түйүндөрүнүн ишенимдүүлүгүн жогорулатуу максатында 1568 жыгач мамы темир-бетон мамыларга алмаштырылды.

2025-жылга карата облус боюнча жалпы 43 685 даана акылдуу эсептегич орнотуу пландалган болсо, бүгүнкү күндө планга киргизилген (АСКУЭ) электр эсептегичтер баары орнотулуп бүттү. Тактап айтканда облустун Баткен району жана Баткен шаары толугу менен жана Кызыл-Кыя шаары акылдуу эсептегичтер менен камсыздалды.

Капиталдык курулуш боюнча иштер:

Бүгүнкү күндө Лейлек РЭТнин Өзгөрүш участогунун кызматкерлери үчүн административдик имараттын курулушу жүрүп жатат.

Баткен шаарындагы 110/35/10 кВ &ldquo;Суу-Башы&rdquo; көмөк чордонунун курулушу да толук аяктап ачылуу аллдында турат.

Баткен шаарындагы Жаңы-Достук айылынын курулушу аяктап, айылга толугу менен электр энергиясы берилип,көчөлөр жарыктандырылды.

Баткен РЭТ тарабынан &quot;Кара-Булак&quot; 35/10 кВ көмөк чордонунан &quot;Овцекомплекс&quot; багыты боюнча жаңы 10 кВ аба чубалгы тартылды.

Анын алкагында:

* 114 даана электр мамычасы орнотулду;

* 4 чакырым узундуктагы жогорку чыңалуудагы аба чубалгы тартылды.

* Кубаттуулугу 400 кВА болгон 4 даана жаңы көмөк чордону орнотулду;

* 217 даана жаңы электр мамычасы коюлду;

* 9,3 чакырым узундуктагы 0,4 кВ СИП-2 тибиндеги аба чубалгылары тартылды.

Ар бир турак үйгө электр эсептегичтер орнотулду.

Ошондой эле Лейлек районунун Максат айылында курулган жаңы конушту электр энергиясы менен камсыз кылуу иштери да аяктады.

&bull; 20 даана темир-бетон электр мамылары орнотулду.

&bull; 0,1 чакырым 6 кВ аба чубалгылары тартылып,

&bull; 570м узундуктагы СИП-2 тибиндеги аба чубалгылары орнотулду.

&bull; 10/0,4 кВ - 160 кВА кубаттуулуктагы көмөкчү чордон орнотулду.

Жаңы конуштагы 16 турак үйгө электр эсептегичтер орнотулду. Айылдын түнкү коопсуздугун камсыздоо жана көчөлөрдү жарыктандыруу максатында 0,7 чакырым аба чубалгысы тартылып, 18 даана прожектор орнотулду.

Аны менен катар Лейлектин Раззаков айылындагы жаңы конуш да толугу менен электр энергиясы менен камсыз болду. Жаңы конушка:

&bull; 18 даана электр мамысы орнотулуп,

&bull; узундугу 0,7 км болгон 10 кВ аба чубалгысы тартылды.

&bull; Кубаттуулугу 250 кВА болгон ГКТП тибиндеги көмөк чордон орнотулду.

&bull; 85 даана электр мамысы орнотулуп,

&bull; узундугу 22050 м болгон СИП-2 аба чубалгысы тартылды.

60 даана электр эсептегичтер орнотулуп, айылдагы бардык үйлөргө электр энергиясы жеткирилди. Ошондой эле, 65 даана прожектор орнотулуп, узундугу 2,0 км болгон аба чубалгысы аркылуу түнкү жарыктандыруу системасы ишке киргизилди.

Бул иштердин аркасында Баткен облусунун шаар жана аймактары электр энергиясы менен туруктуу камсыздалып, керектөөчүлөргө сапаттуу жана үзгүлтүксүз кызмат көрсөтүү мүмкүнчүлүгү артат. Энергетикалык инфраструктураны жаңылоо жана бекемдөө боюнча мындай иштер кыш мезгилинде жүктөмдүн көбөйүшүнө карабастан, электр жабдууларынын ишенимдүүлүгүн камсыз кылууга өбөлгө түзөт.

Жалпылап айтканда, &ldquo;КУЭТ&rdquo; ААКнын филиалы &ndash; Баткен электр тармактар ишканасы 2025-2026-жылдардагы күз-кыш мезгилине карата даярдык жумуштарын өз мөөнөтүндө жана толук көлөмдө аткарды.

Эгерде сизде электр энергиясына байланыштуу суроолор болсо, күнү-түнү иштөөчү колл-борборго кайрылыңыздар:

Колл-борбору : 105; 1209;

0221 33-36-02- Баткен РЭТ

0772 46-04-01- Сүлүктү РЭТ

0221 55-54-78 -Лейлек РЭТ

0221 55-54-68 -Кадамжай РЭТ

0773 94-07-07- Кызыл-Кыя РЭТ

Баткен электр тармактар ишканасы күз-кыш мезгилине даярдыкты толугу менен аткарды

&nbsp;

Бүгүн, 2025-жылдын 18-ноябрында Кыргыз Республикасынын энергетика министри Таалайбек Ибраев Жалал-Абад облусуна иш сапары менен барып, реконструкциядан өткөрүлгөн Токтогул ГЭСинин төртүнчү гидроагрегатын, Үч-Коргон ГЭСинин экинчи гидроагрегатын ишке киргизди.

Токтогул ГЭСинин төртүнчү гидроагрегатын реконструкциялоо иштери ийгиликтүү 100% аткарылып бүттү. Бул энергетика тармагындагы тарыхий окуя.

Ошондо 1200 МВттык ГЭСтин кубаттуулугу модернизациядан кийин 1440 МВтка көбөйдү &mdash; станцияга жалпысынан 240 МВт кошулду. ГЭСти модернизациялоонун негизги максаты анын кубаттуулугун жогорулатуу эле. Бул максат жигердүү ишке ашты.

Маалыматка ылайык, 1975-жылы эксплуатацияга берилген ГЭСтин биринчи гидроагрегаты биринчи жолу 1975-жылдын 5-январында ишке берилген. 49 жылдан кийин анын модернизациясы 2024-жылдын мартында башталып, 2024-жылдын ноябрында аяктаган. Натыйжада кубаттуулугу +60 МВтка жогорулады (300дөн 360ка)!

Ошол эле 1975-жылдын 6-январында экинчи гидроагрегат ишке берилген. 48 жылдан кийин анын модернизациясы 2023-жылдын мартында башталып, 2023-жылдын ноябрында аяктаган. Кубаттуулугу +60 МВт жогорулады (300дөн 360ка)!

Ал эми үчүнчү гидроагрегат 1977-жылдын февраль айында ишке берилген. 48 жылдан кийин анын модернизациясы 2025-жылдын мартында башталып, 2025-жылдын ноябрында аяктаган. Кубаттуулугу +60 МВт жогорулады (300дөн 360ка)!

Төртүнчү гидроагрегат дагы 1977-жылдын март айында ишке берилген. 44 жылдан кийин анын модернизациясы 2021-жылдын мартында башталып, 2022-жылдын ноябрында аяктаган. Кубаттуулугу +60 МВт жогорулады (300дөн 360ка)!

Үч-Коргон ГЭС: Ал эми өлкөдөгү гидроэнергетикалык объектилерди модернизациялоо жана реабилитациялоо программасынын алкагында Үч-Коргон гидроэлектростанциясында экинчи гидроагрегатынын реконструкция иши ийгиликтүү аяктады.

Эске салсак, Үч-Коргон ГЭСинде реконструкция иштери 2024-жылы башталып, биринчи гидроагрегат толугу менен алмашылып, 9 МВт кубаттуулук кошулган. Азыркы учурда экинчигидроагрегат жаңыланып жанып бүтүп, ага дагы 9 МВт кубаттуулук кошулду. Учурда ГЭСтин калган эки гидроагрегатын 2026-жылы реконструкциядан өткөрүү пландалууда. Жалпы төрт гидроагрегат алмашылгандан кийин ГЭСтин жалпы кубаттуулугуна 36 МВт кошулат.

Маалымат катары: 1961-жылы эксплуатацияга берилген ГЭСтин биринчи №1 гидроагрегаты биринчи жолу 1961-жылдын 30-декабрында ишке берилген. 64 жылдан кийин анын модернизация иштери 2026-жылдын декабрь айында толук бүтүшү пландалууда. №1 гидроагрегаттын азыркы учурдагы кубаттуулугу 45 МВтты түзөт!

1962-жылы эксплуатацияга берилген ГЭСтин экинчи №2 гидроагрегаты биринчи жолу 1962-жылдын 3-июнунда ишке берилген. 63 жылдан кийин анын модернизация иштери 2026-жылдын ноябрь айында толук бүтүшү пландалууда. №2 гидроагрегаттын азыркы учурдагы 45 МВтты түзөт!

Ал эми үчүнчү гидроагрегат 1962-жылдын сентябрында ишке берилген. 63 жылдан кийин анын модернизациясы 2025-жылдын мартында башталып, 2025-жылдын ноябрында аяктаган. Кубаттуулугу +9 МВтка жогорулады (45тен 54гө чейин)!

Төртүнчү гидроагрегат дагы 1962-жылдын 5-ноябрында ишке берилген. 62 жылдан кийин анын модернизациясы 2024-жылдын мартында башталып, 2024-жылдын ноябрында аяктаган. Кубаттуулугу +9 МВтка жогорулады (45тен 54гө чейин)!

Бүгүнкү күндө 180 мегаваттык ГЭСтин кубаттуулугу модернизациядан кийин 198 мегаваттка жогорулады. Тагыраак айтканда, модернизациядан кийин кошумча дагы 18 МВт кошулду.

Иш-чарага төмөнкү жетекчилер катышты:

Текебаев Тилек Кыдырмаевич &mdash; Кыргыз Республикасынын Президентиннін Жалал-Абад облусундагы ыйгарым укуктуу өкүлү,

Ибраев Таалайбек Омукеевич &mdash; Кыргыз Республикасынын Энергетика министри,

Садыров Алпбек Адылович &mdash; &laquo;Электр станциялары&raquo; ААКнын башкы директору,

Саховский Сергей Александрович &mdash; Токтогул ГЭСин реконструкциялоо долбоорунун жетекчиси.

Токтогул ГЭСнин төртүнчү гидроагрегаты, Үч-Коргон ГЭСинин экинчи гидроагрегаты ишке кирди

<div style="border-bottom:solid windowtext 1.0pt; padding:0cm 0cm 1.0pt 0cm">
 
 
Кыргыз Республикасынын энергетика министри Таалайбек Ибраев Нарын облусуна болгон иш сапардын жүрүшүндө &laquo;Кыргызкөмүр&raquo; ААКна караштуу Кара-Кече жана Ак-Улак көмүр кендеринин аткарып жаткан иш-аракеттерин жеринде текшерди. 
 
Министрдин иш сапарынны негизги максаты - социалдык тармактардагы &ldquo;Көмүр жетишсиз болуп жатат&rdquo; деген маалыматтарды тактоо үчүн жеринде көрүү болгон. 
 
Кара-Кече кениндеги калкка көмүр жеткирүү, казуу иштери тууралуу &laquo;Кыргызкөмүр&raquo; ачык акционердик коомунун жетекчилиги маалымат берди. 
 
Маалыматка ылайык, учурда Кара-Кече кесиминен 2025- жылдын башынан бери 978 584 тонна көмүр даярдалып, калкка жана Бишкек ЖЭБине жеткирилди. Жалпы 255 техника иш алып барууда. Жалпысынан Республиканын аймагында 132 отун кампа ачылып, баасы региондун алыстыгы жана логистикалык чыгымдарына жараша 3290 сомдон 6800 сомго чейин көмүр сатылууда. Эки көмүр иргөөчү 2 станок иштөөдө. 
 
Мындан тышкары министр Ак-Улак көмүр кенине барды. Ал жактан казылган көмүрлөрдүн 30 пайызы ЖЭБге ташылууда. Тийиштүү жетекчилеринин берген маалыматына караганда казылган көмүрдү калкка, социалдык обьектилерге да алып жатышат. Учурда көмүрдү иргөөчү станок орнотулууда. Ал ишке ашырылган кийин, майда көмүр ЖЭБге, кесек көмүр калкка ташылат. 
 
Министр көмүр кендердин ишин көрүп чыкандан кийин, тийиштүү жетекчилеге калкка көмүр ташуу иштерин үзгүлтүксүз жүргүзүүнү, айыдоочуларды күнү-түнү кезек менен иштетүүнү, калкты арзан көмүр менен камсыз кылуу иштерин штаттык режимде жүргүзүүнү тапшырды.
</div>

Энергетика министри көмүр кендеринин ишин текшерди

&nbsp;

Бүгүн, 2025-жылдын 14-ноябрында Кыргыз Республикасынын энергетика министри Таалайбек Ибраев Нарын облусуна иш сапары менен барып, бир катар обьектилерди текшерип, айрымдарынын ачылыш аземине катышты.

Алгач Ат-Башы райондук электр тармактарынын жаңы административдик имаратынын ачылыш аземине катышты.

Өткөн жылы энергетика министри Ат-Башы районуна иш сапары менен келип, Ат-Башы районун тейлеген 65 кызматкердин эскилиги жеткен имаратын көрүп, кызматкерлерге шарты бар заманбап имарат куруу тапшырмасын койгон.

Коюлган тапшырмага ылайык, имаратты куруу иштери 2025-жылы май айында башталып, алты ай аралыгында толук бүткөрүлдү.

Жалпы аянты 360 м&sup2; түзгөн бул имарат эки кабаттуу, 70 кызматкерге ылайыкталып курулган. Объекттин сметалык баасы 25 млн 326 миң сомду түзүп, &quot;Кыргызстан улуттук электр тармагы&quot; ААК тарабынан каржыланды.Ал эми курулуш иштерин түзүлгөн келишимге ылайык &ldquo;Стрим Групп&rdquo; ЖЧК тарабынан ишке ашырылды.

Жаңы имарат кызматкерлердин жумуш шарттарын жакшыртып, калкты ыңгайлуу шартта тейлөөгө мүмкүнчүлүк берет. Анткени административдик, сатуу жана диспетчердик бөлүмдөр бирдиктүү имаратта жайгашкан. Долбоордун курамында кошумча 273 м&sup2; аянттагы гараж жана чарбалык имарат да каралган.

Маалымат катары, Буга чейинки Ат-Башы РЭТинин эски имараты 1978-жылы курулуп, эскилиги жеткендиктен жана оңдоого чоң каражат талап кылынгандыктан, ордуна жаңы имарат куруу чечими кабыл алынган.

Ачылыш аземде министр Таалайбек Ибраев кесиптештрин жаңы кеңсеси менен куттуктап жатып,

Жаңы объектилердин ишке берилиши &mdash; аймактын энергетикалык инфраструктурасын чыңдоого, калкты сапаттуу тейлөөгө, ошондой эле энергетика кызматкерлери үчүн заманбап шарттарды түзүүгө чоң салым кошоорун баса белиледи.

&quot; Урматтуу Ат-Башы районунун тургундары! Бүгүн энергетика тармагында жүргүзүлүп жаткан реформанын жана тармакты өнүктүрүүгө багытталган пландардын ишке ашырылышынын бирине күбө болуп турабыз. Нарын облусу тоолуу район болгондуктан калкты электр жарык жана жылуулук менен камсыз кылууда өзгөчө көңүл бөлүүбүз зарыл. Ал үчүн эң биринчи энергетиктерде шарт болушу керек. Буга чейин келип, кесиптештеримдин шарты жок имаратта олтурганын көрүп, анан кантип калкты электр энергия менен камсыз кылат деп өкүндүм эле. Бүгүн мына сүйүнүп турабыз. Жаңы имраттардын курулушу калкты сапаттуу электр энергиясы менен тейлөөгө чоң салым кошот. Кесиптештериме айтаарым, мурункуга салыштырмалуу энергетика тармагында жетиштүү жабдуулар, керектүү техникалар бар.Андыктан биздин милдет калкты кыш мезгилинен үшүтпөй алып чыгуу экенин унутпагыла. Жоопкерчилик менен иш алып барууңуздарды талап кылам. Дагы бир ирээт Ат-Башы элин жана энергетиктерди жаңы административдик имараттуу болушу менен куттуктайм&quot;,-деди министр Т. Ибраев.

Мындан тышкары, министр 2025-жылдын 23-октябрында жаңы пайдаланууга берилген Нарын райондук электр тармагынын имаратына барып, кызматкерлерге түзүлгөн шарттар менен таанышып, Нарын облусу боюнча электр энергиясын керектөө боюнча ыкчам диспетчердик бөлүмдөн маалымат алды. Андан соң кызматкерлер менен жолугушуу өткөрдү.

Аталган иш-чарага КРнын энергетика министри Т.Ибраев, &quot;Кыргызстан улуттук электр тармагы&quot; ААКнын башкы директору И.Сыдыгалиев, Ат-Башы айыл өкмөтүнүн башчысы Руслан Докоев, акимдин орун басары Максат Кадыркулов, жергиликтүү тургундар жана энергетиктер катышты.

Ат-Башы райондук электр тармактарынын жаңы имараты пайдаланууга берилди

&nbsp;

Кыргыз Республикасынын энергетика министри Таалайбек Ибраев Нарын облусуна болгон иш сапарынын алкагында Кочкор районунун Чолпон айылында темир-бетон жасоочу цехти ишке киргизди.

Жаңы ишке киргизилген цехтин жалпы аянты 844,5 м&sup2;. Жалы сметалык баасы 42 млн 793 миң сом түзүп, &quot;Кыргызстан улуттук электр тармагы&quot; ААК тарабынан каржыланды.

Ал эми курулуш иштерин &ldquo;Ширин Бизнес Групп&rdquo; ЖЧК ишке ашырды.

Бул өндүрүш ишканасынын ишке берилиши менен аймактын электр тармактарын чыңдоо үчүн жылына 5500 даана СВ-95, СВ-105 жана СВ-110 үлгүсүндөгү темир-бетон мамыларын, ал эми суткасына 24 даана мамы чыгарууну пландаштырууда. Муну менен катар 8 жумушчу орун түзүлөт. Цехтен өндүлүгөн буюмдар Кочкор районунун энергетика тармагын жаңылоо үчүн колдонулат. Ошондой эле Нарын облусунун аймагындагы капиталдык курулуш объектилерин сапаттуу жана жеткиликтүү баада камсыз кылууга өбөлгө түзөт.

Министрдин айтымында Кочкордогу темир-бетон буюмдарын жасоочу цех &mdash; өндүрүштү жеринде уюштуруп, аймактын инфраструктурасын чыңдоодо чоң роль ойнойт.

&quot;Энергетика министрлигинин калкты үзгүлтүксүз электр энергиясы менен камсыз кылуу үчүн, акыркы жылдары жасаган бир катар алгылыктуу иштери бар. Энергетика тармагын жаңылоого багытталган реформанын алкагында жаңы обьектилерди курдук, техникаларды алдык, көмөк чордон курдук, акылдуу эсептегичтерди, жаңы трансформаторлорду орноттук. Аны менен катар мына бүгүнкүдөй темир-бетон буюмдарын чыгарган цехтерди куруп жатабыз. Мындай цехтер бизге аябай керек. Өзүбүздүн эскирген мамычаларды жаңыга алмаштырууда биз башка жактан сатып албайбыз. Өзүбүз өндүрүп, колдоно беребиз. Өзүбүздөн ашса, өндүрүштү башкага сатса, РЭТке кошумча каражат болуп калат. Ал эми биз энергетиктер өз максатыбызды унутпай, калкты жылуулук жана жарык менен камсыз кылалы. Жаңы объектиңер кут болсун!&quot;- деди министр Т.Ибраев.

Иш-чаранын жүрүшүндө министрге &quot;Кочкор районун ардактуу атуулу&quot;, &ldquo;Кара-Суу айылынын ардактуу атуулу&rdquo; наамдары ыйгарылды.

Цехтин ачылыш аземине КРнын энергетика министри Т.Ибраев, &quot;Кыргызстан улуттук электр тармагы&quot; ААКнын башкы директору И.Сыдыгалиев, Кочкор райондук администрациясынын башчысынын биринчи орун басары Эркин Чекирбаев, Кара-Суу айыл аймагынын башчысы Алайбек Карбозов жана энергетиктер катышты.

Кочкор районунда темир-бетон буюмдарын жасоочу цех ачылды

&nbsp;

Кечээ, 2025-жылдын 14-ноябры, Кыргыз Республикасынын Энергетика министри Таалайбек Ибраев жана &ldquo;Кыргызстан улуттук электр тармагы&rdquo; ААКнын башкы директору Ильгиз Сыдыгалиев Нарын облусуна болгон иш сапарынын алкагында Жумгал райондук электр тармактарынын жаңы административдик имаратынын ачылыш аземине катышты.

Министр Таалайбек Ибраев өз куттуктоо сөзүндө мындай деди:

&ldquo;Жумгал сыяктуу тоолуу райондордо энергетика тармагы &mdash; турмуштун негизи. Бул жаңы имарат &mdash; биздин кызматкерлерге болгон камкордуктун жана аймактардагы инфраструктураны өнүктүрүүгө болгон ырааттуу саясаттын жыйынтыгы. Энергетикалык кызмат көрсөтүүнүн сапаты түздөн-түз кызматкерлердин шартынан көз каранды, ошондуктан мындай курулуштардын мааниси чоң.&rdquo;

Эки кабаттуу, жалпы аянты 360 м&sup2; түзгөн имараттын сметалык баасы 21 млн 215 миң сом. Имарат 65 кызматкерге ылайыкталып, заманбап талаптарга толугу менен жооп бергидей курулду. Курулуш иштерин ЖЧК &ldquo;Ширин Бизнес Групп&rdquo; жүргүзгөн, ал эми &ldquo;Кыргызстан улуттук электр тармагы&rdquo; ААКсы тарабынан каржылоо иштери жүргүзүлдү.

Эски имарат 1972-жылы курулуп, райондун борборунан алыс жайгашкандыктан, калкты тейлөөдө бир топ кыйынчылыктарды жаратып келген. Жаңы имарат болсо Чаек айылынын борбордук бөлүгүндө курулуп, калкка кызмат көрсөтүүнүн сапатын жогорулатат.

Курулуш иштери үстүбүздөгү жылдын май айында башталып, бүгүнкү күндө толук бүткөрүлүп, пайдаланууга берилди.

Долбоордо кошумча 140 м&sup2; гараж жана чарбалык имарат да камтылган.

Бул имараттын ишке берилиши район калкы үчүн сапаттуу тейлөөгө жана энергетика кызматкерлеринин иш шарттарын жакшыртууга чоң өбөлгө болот.

Мындан тышкары, салтанаттуу ачылыш аземдин жүрүшүндө Жумгал районунун акими, Энергетика министри Таалайбек Ибраевге райондун өнүгүүсүнө кошкон салымы үчүн &ldquo;Жумгал районунун ардактуу атуулу&rdquo; төш белгисин ыйгарды.

Имараттын ачылышына КРнын энергетика министри Т.Ибраев, &ldquo;КУЭТ&rdquo; ААКнын башкы директору И.Сыдыгалиев, Жумгал райондук администрациясынын башчысы-аким Адылбек Набиев, Нарын электр тармактарынын жетекчилери жана энергетиктер катышты.

Жумгал районунда жаңы административдик имарат пайдаланууга берилди

&nbsp;

Кыргыз Республикасынын энергеика министри Таалайбек Ибраев Жалал-Абад облусуна иш сапары менен барып, Токтогул ГЭСнин төртүнчү гидроагрегатынын, Үч-Коргон ГЭСинин экинчи гидроагрегатынын реконструкциялоо иштеринин аякташы жана Кара-Көл ГЭСинин учурдагы иш абалы менен таанышты.

Токтогул ГЭСнин төртүнчү гидроагрегатын реконструкциялоо иштери 100% аткарылып бүттү. Учурда тестирлөө жумуштары башталды.

Аткарылып жаткан иш-чаралардын негизги максаты &mdash; станциянын кызмат мөөнөтүн узартуу, орнотулган кубаттуулугун 1200 МВттан 1440 МВтка чейин көбөйтүү, ошондой эле заманбап автоматташтырылган башкаруу системасын киргизүү болуп саналат.

Ал эми өлкөдөгү гидроэнергетикалык объектилерди модернизациялоо жана реабилитациялоо программасынын алкагында Үч-Коргон гидроэлектростанциясында экинчи гидроагрегатынын реконструкция иши ийгиликтүү аяктады. Учурда тестирлөө иштери жүргүзүлүүдө.

Эске салсак, Үч-Коргон ГЭСинде реконструкция иштери 2024-жылы башталып, биринчи гидроагрегат толугу менен алмашылып, 9 МВт кубаттуулук кошулган. Азыркы учурда экинчигидроагрегат жаңыланып жанып бүтүп, ага дагы 9 МВТ кубаттуулук кошулду. Учурда ГЭСтин калган эки гидроагрегатын 2026-жылы реконструкциядан өткөрүү пландалууда. Жалпы төрт гидроагрегат алмашылгандан кийин ГЭСтин жалпы кубаттуулугуна 36 МВт кошулат.

Токтогул жана Үч-Коргон ГЭСтеринин гидроагрегаттарын тестирлөө жумуштары аяктагандан кийин толугу менен ишке киргизүү иш-чарасы өткөрүлөт.

Мындан тышкары энергетика министри жакында ишке киргизилген жалпы кубаттуулугу 18 МВт болгон Кара-Көл ГЭСинин учурдагы иштөө абалын жеринде көрүп чыкты. ГЭС учурда штатттык режимде иштеп жатат.

Токтогул ГЭСнин төртүнчү гидроагрегатынын, Үч-Коргон ГЭСинин экинчи гидроагрегатынын реконструкциялоо иштери аяктап, тестирлөө жумуштары башталды

&nbsp;

Кыргыз Республикасынын Энергетика министрлиги өлкөнүн энергетика системасынын ишенимдүүлүгүн жогорулатууга жана күз-кыш мезгилин ийгиликтүү өткөрүү үчүн бир катар комплекстүү иш-чараларды жүргүзүүдө. Бул милдеттерди ишке ашыруу максатында &laquo;Чакан ГЭС&raquo; ААК комплекстүү иштерди жүргүзүп, бүгүнкү күндө күз-кыш мезгилине 100 % даяр.&nbsp; 
&laquo;Чакан ГЭС&raquo; ААК 2025-жылга жалпысынан 4 гидроагрегатты капиталдык оңдоп-түзөөдөн өткөрүүнү мерчемдеген, алар: 
1. Быстровка ГЭСтин №1 гидроагрегаты; 
2. 6-ГЭСтин №1 гидроагрегаты; 
3. Кичи ГЭСтин №1 гидроагрегаты; 
4. 5-ГЭСтин №1 гидроагрегаты. 
Бүгүнкү күнгө 4 гидроагрегат тең толук капиталдык оңдоодон өтүп, ишке берилди.&nbsp; 
Мындан тышкары, &nbsp;&laquo;Чакан ГЭС&raquo; ААКнын адистери гидроэлектростанциялардын негизги жана көмөкчү жабдууларын пландык оңдоодон өткөрүп, модернизациялоо иштерин так жана өз маалында аткарышты.&nbsp; 
Тактап айтканда, ГЭС-2деги Т-1 В-35 кВ, ГЭС-5теги Т-1 В-35 кВ, &nbsp;ГЭС-3төгү &laquo;Карагачёвая-1&raquo;, &laquo;Карагачёвая-2&raquo;, 35 кВ чыңалуусундагы аба чубалгыларында эски майлуу өчүргүчтөр заманбап вакуумдук өчүргүчтөргө алмаштырылды. Вакуумдук өчүргүчтөр ишенимдүүлүгү менен айырмаланып, үзгүлтүксүз тейлөөнү талап кылбайт. Бул иш-чара жабдуулардын коопсуздугун жогорулатып, эксплуатациялык чыгымдарды азайтууга жана авариялык кырдаалдардын алдын алууга шарт түзөт. 
Мындан тышкары, ГЭС-2де 3000 кВА кубаттуулуктагы Т-1 жана 3200 кВА кубаттуулуктагы Т-2 күч трансформаторлору 6300 кВА кубаттуулугундагы күч трансформаторлорго алмаштырылды.&nbsp; 
Муну менен бирге &laquo;Чакан ГЭС&raquo; ААК электромобилди кубаттоочу станцияларды куруу иштерин улантууда. Учурда 6 кубаттоочу станция орнотулду: 2 станция Бишкек шаарынын Сувоврова, 113 дарегинде жана 4 станция Кемин районунун &ldquo;Нур&rdquo; шаардык конушунун аймагында жайгашкан.&nbsp; 
&laquo;Чакан ГЭС&raquo; ААК күз-кыш мезгилине даярдыкты бекитилген графикке ылайык жургүзүп, гидроэлектростанциялардын ишенимдүү жана туруктуу иштөөсү үчүн бардык шартты түзүүдө.

«Чакан ГЭС» ААК күз-кыш мезгилине 100 % даяр

2025-жылдын 8-ноябрында Кыргыз Республикасынын энергетика министри Таалайбек Ибраев Жалал-Абад электр тармактар ишканасына караштуу Майлуу-Суу район электр тармактарынын жаңы имаратынын ачылыш аземине катышты. 
 
Аталган иш-чарада министр Т.Ибраев сөз сүйлөп, энергетиктерге түзүлгөн шарт, керектөөчүлөрдү сапаттуу тейлөөгө өбөлгө түзөөрүн баса белгиледи. 
 
&quot;Бүгүн Майлуу-Суунун энергетиктери үчүн кубанаарлык күн. Себеби, буга чейин туруктуу иш алып барууга орду жок, бөтөн бирөөнүн кеңсесинде олтуруп, калкты электр энергиясы менен камсыз кылып келишсе, бүгүндөн тарта өздөрүнүн жаңы имараты бар. Калкты жарык менен үзгүлтүксүз камсыз кылуу үчүн, эң биринчи энергетиктерде жетиштүү шарт болушу керек. Биз колдон келишинче эскирген тармакты жаңылап, шарт түзүп берүүгө аракет кылуудабыз. Бул имраттын курулушу дагы, энергетика тармагындагы реформанын ишке ашырылынын бир бөлүгү. Канчалык энергетиктердин шарты жакшырса, керектөөчүлөрдү тейлөөнүн сапаты ошончолук жогорулайт. Алдыда кыла турган милдеттерибиз көп. Энергетиктер эл үчүн кызмат кыла беребиз. Урматтуу кесиптештер жаңы имарат кут болсун!&quot; - деди министр Т.Ибраев. 
 
Буга чейин Майлуу-Суу РЭТинин өздөрүнө таандык имараты болбогондуктан, 1995-жылдан бери энергетиктер элге кызмат кылууну токтотпостон, ошол аймактагы эски бала-бакчада иш алып барып келишкен. 
 
2024 - жылы жергиликтүү бийлик тарабынан Майлуу-Суу РЭТи үчүн 3000 чарчы жер тилкеси бөлүнүп берилген. Ошол жерге 2025-жылы 8 айдын ичинде энергетиктер жаңы имаратты куруп, эми ишмердүүлүгүн заманбап кеңседе улантмакчы. 
 
Жаңы салынган имарат эки кабаттан туруп, 45 жумушчу орунга ылайыкташылган. Мындан тышкары электр жабдыктарды сактоочу жана оңдоочу эки бокс курулду. Жалпы сметалык баасы 22 450 000 сомду түзүп, &quot;Кыргызстан улуттук электр тармактар&quot; ААК тарабынан каржыланды. Ал эми куруу иштери &quot;Юниверсал Активити&quot; ЖЧКсы тарабынан ишке ашырылды. 
 
Ал эми буга чейин энергетиктер олтуруп иш алып барган бала-бакча Майлуу - Суу шаардык мэрияга өткөрүлүп берилди. 
 
Маалыматка ылайык, Майлуу-Суу район электр тармагы 8000 керектөөчүнү жана Майлуу-Суу электр лампа зоводун үзгүлтүксүз электр энергиясы менен камсыздап келет. Аталган ишканада 42 кызматкер эмгектенет. 
 
Жаңы имараттын ачылыш аземине КРнын энергетика министри Т.Ибраев, &quot;КУЭТ&quot; ААКнын башка директору И.Сыдыгалиев, Майлуу-Суу шаарынын мэри А.Жумаев жана жергиликтүү тургундар, энергетиктер катышты. 
 
Аземине соңунда өз жумушуна берилгендик менен так аткарган жумушчулардын эмгектенип байланып, Ардак грамоталар тапшырылды. Ошону менен бирге Майлуу-Суу РЭТинин кызматкерлеринин жумушун жеңилдетүү максатында 2 даана автоунаа тапшырылды.

Майлуу-Суу район электр тармактарынын жаңы имараты пайдаланууга берилди

&nbsp;

 
КР Энергетика министрлигинин демилгеси менен жүргүзүлүп жаткан модернизациялык иштердин алкагында, энергетика тармагын өнүктүрүү жана кызматкерлер үчүн ыңгайлуу шарт түзүү максатында &laquo;КУЭТ&raquo; ААКнын филиалы &ndash; Баткен электр тармактары ишканасы 2025-жылы бир катар курулуш долбоорлорун ишке ашырууда. Алардын бири Баткен электр тармактар ишканасынын Лейлек райондук электр тармагынын Өзгөрүш участогунун имаратынын курулушу. Учурда курулуш иштери кызуу жүрүүдө.

Бул объект кызматкерлердин иш шарттарын жакшыртуу, электр тармактарынын ишенимдүүлүгүн жогорулатуу жана калкты үзгүлтүксүз электр энергиясы менен камсыз кылуу максатында курулууда.

 
Курулуш иштери &ldquo;Фирма Строител&rdquo; ЖЧКсы тарабынан аткарылууда. Имарат 2025-жылдын декабрь айынын аягына чейин пайдаланууга берүү пландалууда.

 
Генплан боюнча жалпы жер тилкесинин аянты 2204 м&sup2; болсо, анын ичинен имараттын аянты 68,8 м&sup2; Мында эс алуу бөлмөсү, шаймандарды сактоочу жай, санитардык-гигиеналык түйүндөр жана оперативдүү жыйындар үчүн бөлмөлөр камтылган. &nbsp;Аны менен катар кампа, автоунаа токтотуучу жай да каралаган.

 
Бул долбоордун ишке ашырылышы коопсуз жана ыңгайлуу иш шарттарын түзүп, кызматкерлердин эс алуусу жана иштөөсү үчүн зарыл болгон бардык шарттар менен жабдылат. Бул аракет кыматкерлердин &nbsp;эмгек өндүрүмдүүлүгүнө оң таасирин тийгизип, &nbsp;тапшырылган милдеттерди сапаттуу аткарууга өбөлгө түзөт.

Эгерде сизде электр энергиясына байланыштуу 
суроолор болсо, күнү-түнү иштөөчү колл-борборго 
кайрылыңыздар: 
Колл-борбору: 105; 1209; 
0221 33-36-02- Баткен РЭТ 
0772 46-04-01- Сулукту РЭТ 
0221 55-54-78 -Лейлек РЭТ 
0221 55-54-68 -Кадамжай РЭТ 
0773 94-07-07- Кызыл-Кыя РЭТ

Лейлек райондук электр тармагынын Өзгөрүш участогуна жаңы имарат курулууда

&nbsp;

Кыргыз Республикасынын Энергетика министри Таалайбек Ибраев Ысык-Көл облусуна жумушчу сапары менен барып, Кызыл-Өрүк айылындагы күн электр станциясынын курулушунун жүрүшү менен таанышты.

&quot;РЭЦА&quot; ЖЧКсынын директору Фам Минь Банг долбоордун ишке ашырылышы тууралуу кеңири маалымат берип, иш бекитилген графикке ылайык жүргүзүлүп жатканын билдирди.

Азыркы учурда жумушчулар үчүн убактылуу турак-жай куруу иштери аяктоодо, подстанциянын пайдубалы жана 110 кВ электр берүү линиясы куюлууда, ошондой эле күн панелдери үчүн кронштейндер орнотулууда.

Энергетика министри курулуш мөөнөттөрүн так сактоо зарылдыгын баса белгилеп, &quot;РЭЦА&quot; компаниясынын директоруна аткарылып жаткан иштердин сапатына жана темпине көзөмөлдү күчөтүүнү тапшырды.

150 МВтка чейин кубаттуулуктагы долбоордун биринчи фазасын аяктоо 2026-жылдын биринчи жарымына пландаштырылган.

Энергетика министри Ысык-Көл облусундагы күн электр станциясынын курулушун текшерди

&nbsp;

2025-жылдын 4&ndash;5-ноябрында Стамбул шаарында (Түркия) Кыргыз Республикасынын Энергетика министрлиги министрдин орун басары Алтынбек Рысбековдун жетекчилиги астында Камбар-Ата-1 ГЭСинин Айлана-чөйрө жана социалдык тармактарына болгон таасирди баалоо (АЧСТБ) долбоору боюнча эл аралык консультацияларды өткөрдү. Кыргыз Республикасынын делегациясынын курамына ошондой эле табигый ресурстар, экология жана техникалык көзөмөл министринин орун басары Асель Раимкулова жана тышкы иштер министринин орун басары Темирбек Эркинов кирди.

Консультацияларга төмөнкү жетекчилер башында турган расмий делегациялар катышты: энергетика министринин орун басары Манучехр Сафарзода (Тажикстан), энергетика министрлигинин электр энергиясын өндүрүү бөлүмүнүн начальниги Умархужа Нигмонов (Өзбекстан) жана онлайн-форматта &ndash; энергетика министрлигинин электр энергиясын өнүктүрүү департаментинин директору Асылжан Мусин (Казакстан). Ошондой эле улуттук жарандык коомдун, илимий-изилдөө институттарынын, эксперттик коомчулуктун, аймактык жана эл аралык коомдук уюмдардын 50дөн ашык өкүлү онлайн катышышты.

Иш-чаранын максаты &mdash; эл аралык кызыкдар тараптарды, анын ичинде коңшу өлкөлөрдөгүлөрдү, АЧСТБ долбоорунун жыйынтыктары жана сунуштары менен маалымдоо, Камбар-Ата-1 ГЭСин куруу долбоорун ишке ашыруунун мүмкүн болгон экологиялык жана социалдык кесепеттерин, коркунучтарды алдын алуу жана жумшартуу чараларын талкуулоо, ошондой эле кызыкдар тараптардан сунуш-пикирлерди жана комментарийлерди чогултуу. Консультациялар эл аралык экологиялык жана социалдык мыкты практика талаптарына ылайык ачык-айкындыкты жана ачык диалогду камсыздоого багытталган.

Маалыматтын жеткилүүлүгү. Алдын ала таанышуу жана пикир калтыруу үчүн 2025-жылдын август айынан тартып долбоордун расмий сайтында &mdash; <a href="https://kambarata1.org/" style="color:#0563c1; text-decoration:underline">https://kambarata1.org</a> &mdash; төмөнкү материалдар жарыяланган:

<ul>
	<li>Айлана-чөйрө жана социалдык тармактарына болгон таасирди баалоо (АЧСТБ) долбоору;</li>
	<li>Экологиялык жана социалдык башкаруу пландары&nbsp; &mdash; АЧСТБ курамында;</li>
	<li>Жашоо каражаттарын калыбына келтирүү жана көчүрүү боюнча алкактык план;</li>
	<li>Кызыктар тараптар менен өз ара аракеттенүү планы жана даттанууларды кароо механизми;</li>
	<li>Эмгек ресурстарын башкаруу жол-жоболору;</li>
	<li>Топтолуучу таасирди баалоо долбоору &mdash; АЧСТБ курамында.</li>
</ul>

Консультациянын жүрүшү. Катышуучулардын арасында Камбар-Ата-1 ГЭСи боюнча экологиялык жана социалдык маселелер боюнча эл аралык эксперттик панелдин төрагасы Марк Кинг, ошондой эле Камбар-Ата-1 ГЭСи боюнча плотиналардын коопсуздугу боюнча эл аралык эксперттик панелдин төрайымы Лилиана Спасич-Грил болду. Ошондой эле социалдык өнүктүрүү, жайыттарды башкаруу, маданий мурастарды коргоо, биологиялык ар түрдүүлүк, экологиялык коргоо, гендердик маселелер жана кумулятивдик таасир боюнча бир катар эксперттер катышты.

Долбоордук команда жана техникалык эксперттер долбоордун негизги компоненттерин, күтүлгөн экологиялык жана социалдык таасирлерди, ошондой эле аларды минималдаштыруу жана жумшартуу чараларын сунушташты. Талкуу интерактивдүү форматта улантылды, анда өкмөттүк түзүмдөрдүн, жарандык коомдун, илимий-эксперттик коомчулуктун өкүлдөрү тактоочу суроолорду берип, өз сунуштарын айта алды. Айрыкча биологиялык ар түрдүүлүктү сактоо, калк үчүн социалдык-экономикалык кесепеттер, жээк зонасындагы жамааттардын коопсуздугу жана долбоордун кийинки этаптарында кызыкдар тараптардын катышуу механизмдери маселелерине өзгөчө көңүл бурулду.

Мындан аркы кадамдар. Эл аралык консультациялардын жүрүшүндө түшкөн бардык сунуштар жана комментарийлер катталды жана АЧСТБ долбоорлорун жаңыртуу учурунда этияттык менен талданат. Мындан тышкары, Камбар-Ата-1 ГЭСи долбоорунун региондук маанисин эске алуу менен Кыргыз Республикасынын Энергетика министрлиги АЧСТБ долбоору боюнча комментарийлерди жана сунуштарды кабыл алуу мөөнөтүн 2025-жылдын 5-декабрына чейин узартуу чечимин кабыл алды.

Ачыктык жана катышуу принциптерине берилгендик. Буга чейин, 2025-жылдын 6&ndash;10-октябрында, Кыргыз Республикасынын Энергетика министрлиги долбоор аймагындагы беш айыл аймак үчүн &mdash; Атай жана Каргалык (Тогуз-Торо району), Сары-Камыш, Иманалиев жана Толук (Токтогул району) &mdash; жергиликтүү консультациялардын экинчи раундун өткөзгөн. Иш-чараларга болжол менен 300гө чукул адам катышкан.

2025-жылдын 15-октябрында Бишкек шаарында 150гө жакын кызыкдар тараптын катышуусунда улуттук консультациялардын экинчи раунду болуп өттү.

Кыргыз Республикасынын Энергетика министрлиги Камбар-Ата-1 ГЭСи долбоорун ишке ашырууда ачыктык, инклюзивдүүлүк жана айкындуулук принциптерине берилгендигин тастыктайт жана бардык кызыкдар тараптар менен конструктивдүү өз ара аракеттенүүнү улантууну ниеттенет.

Кыргыз Республикасынын Энергетика министрлиги Камбар-Ата-1 ГЭСинин АЧСТБ долбоору боюнча эл аралык консультацияларды өткөрдү

Кыргыз Республикасынын Энергетика министрлиги тарабынан жүргүзүлүп жаткан реформалардын алкагында, &laquo;КУЭТ&raquo; ААКнын филиалы &mdash; Талас электр тармактар ишканасынын Көмөк чордон кызматы тарабынан 2025-жылга карата пландалган негизги оңдоо жана жаңыртуу иштери толугу менен 100 % аяктады. 
 
&nbsp;Атап айтканда, 35 кВ жана андан жогору чыңалуудагы көмөк чордондордо жалпы 30 даана электр жабдык капиталдык оңдоодон, ал эми 1 608 даана жабдык техникалык тейлөөдөн өттү. 
&nbsp;Капиталдык курулуш (КС) кызматы аркылуу 35/10 кВ &ldquo;Беш-Таш&rdquo;, &ldquo;Бейшеке&rdquo;, жана &ldquo;Конезавод&rdquo;көмөк чордондорунда ОДКЗ-35 үлгүсүндөгү эски жабдыктар заманбап ваакумдук блочтуу өчүргүчтөргө (выключатель блочного типа) алмаштырылды. 
 
&nbsp;Ошондой эле, 500/220/10 кВ &laquo;Төлөбердиева&raquo; көмөк чордонунда релейдик коргоо панелдерин модернизациялоо иштери уланууда. Бул жумуштар авариялык кырдаалдардын алдын алуу жана электр энергиясынын ишенимдүүлүгүн жогорулатуу максатында аткарылууда. 
 
Талас электр тармактар ишканасы алдыда да электр жабдууларын жаңыртуу, коопсуздук талаптарын сактоо жана үзгүлтүксүз энергия камсыздоону камсыз кылуу багытында иштерин уланта берет. 
 
Энергия маселелери боюнча суроолор жаралса, күнү-түнү иштеген колл-борборлорго кайрылыңыздар: 
105 (акысыз); 1209 (акылуу); 
0772 001209 | 0556 001209 | WhatsApp: 0702 001209 
*****

Таласта көмөк чордондорду ондоп - тузоо иштери 100%га аяктады

2025-жылдын 9 айдын жыйынтыгы боюнча Энергетика министрлигинин коллегиясы болуп өттү

&nbsp;

Кыргыз Республикасынын Энергетика министрлиги Ош шаарынын Кең-Сай массивинде жайгашкан &ldquo;Кең-Сай&rdquo; көмөк чордонун пайдаланууга берди. Аталган көмөк чордон планда көрсөтүлгөн мөөнөтүнөн мурда бүткөрүлдү.

Ачылыш аземге энергетика министри Таалайбек Ибраев жана Ош шаарынын мэри Жеңишбек Токторбаев, &ldquo;Кыргызстан улуттук электр тармагы&rdquo; ААКнын башкы директору И.Сыдыгалиев жана жергиликтүү тургундар катышышты.

Көмөк чордонду куруу иштери &ldquo;Кыргызстан улуттук электр тармагы&rdquo; ААК тарабынан ишке ашырылып, жалпы 18 500,0 миң сом сарпталды.

Жаңы 110/10 кВ &laquo;Кең-Сай&raquo; көмөк чордону ишке кирүүсү менен Кең-Сай жаңы конушун, Гулбаар, Кеңеш жана Жапалак айылдарын электр энергиясы менен үзгүлтүксүз камсыздайт.

Мындан тышкары Ош шаарынын 3000 түтүнүн, ал эми Араван районунун 1124 гектар жер аянтындагы 6877 адамга бөлүнгөн жер тилкесин электр энергиясы менен камсыз кылат.

Ошондой эле, 110/6 кВ &ldquo;Учар&rdquo; жана 35/10 кВ &ldquo;Гулбаар&rdquo; көмөк чордондорун ашыкча жүктөмдөн арылтат. Кен-Сай турак-жай конушун өнүктүрүү максатында курулуп, 1824 га жер тилкесиндеги социалдык, өнөр жай, коомдук жана жеке менчик үйлөрдү сапаттуу электр энергиясы менен камсыздайт.

Көмөк чордон 230 метр аралыкта жаңы курулган 110 кВ аба чубалгысы аркылуу &laquo;Узловая-Мангыт&raquo; аба чубалгысына туташтырылган.

Ага жаңы орнотулган электр жабдуулар:

&bull;Кубаттуулугу 6,3 МВА болгон трансформатор

&bull;110 кВ элегаздык өчүргүч жана ажыраткыч

&bull;24 даана 10 кВ (КРУН) бөлүштүрүүчү чөнөктөр

&bull;18 бөлүктүк вакуумдук өчүргүчтөр (ишке берилген 5 даана: 3 керектөөчүлөргө, 1 ТСН, 1 ТН-10кВ)

&bull;Ыкчам башкаруу пунктуна орнотулган: релелик коргоо жана автоматташтыруу шкафтары, трансформаторду башкаруу жана коргоо шкафтары, чыналуу трансформатор шкафы, оперативдик токту бөлүштүрүүчү шкаф, батареялык шкафтар, электр эсептегич жана өздүк керектөөчү шкаф.

Ош электр тармактарынын энергетиктери тарабынан бардык электр жабдуулары текшерилип, сыноо-тесттерден өткөн жана стандарттык нормада ишке киргизүүгө даяр.

&bull;10 кВ аба чубалгысынан узундугу: 15,5 км

&bull;0,4 кВ аба чубалгысынан узундугу: 3,5 км

Эске салсак, энергетика министри Таалайбек Ибраевдин Ош облусуна болгон июль айындагы иш сапарынын алкагында Ош шаарынын мэри Жеңишбек Токторбаев менен биргеликте жараксыз абалда турган көмөк чордондун абалы менен жеринен таанышып, Ош электр тармактары ишканасына жыл аягына чейин толук ишке берүүнү тапшырма берген. Бүгүнкү күндө курулуш иштери аяктап, пайдаланууга берилди.

Аталган көмөк чордон Ош шаарынын өнүгүүсүнө өбөлгө түзөт. Жаңы керектөөчүлөрдү улуттук электр тармактарына кошууга мүмкүндүк берет. Ири, орто жана чакан ишканалардын өнүгүүсүнө шарт түзөт. Ошондой эле шаар тургундарынын жашоо сапатын жакшыртууга жана аймактагы инфраструктураны өнүктүрүүгө чоң салым кошот.

Оштогу 110/10 кВ “Кең-Сай” көмөк чордону ишке киргизилди

Ысык-Көл облусунда электр тармагын санариптештирүү иштери жигердүү жүрүүдө. Жыл башынан бери бул аймакта 36 272 даана акылдуу эсептегич орнотулду. 
 
Иш чара энергетика тармагын модернизациялоо жана электр энергиясын бөлүштүрүү менен эсепке алуунун натыйжалуулугун жогорулатуу максатында жүргүзүлүп жатат. Энергетика министрлиги бул багыттагы иштердин жүрүшүн тынымсыз көзөмөлдөп келет. 
 
&ldquo;КУЭТ&rdquo; ААКнын Ысык-Көл электр тармактар ишканасы акылдуу эсептегичтерди орнотуу боюнча 2025-жылдын башынан бери төмөнкүдөй натыйжаларга жетишти: 
 
Жети-Өгүз РЭТ &ndash; 10 224 даана 
Балыкчы РЭТ &ndash; 5 797 даана 
Ак-Суу РЭТ &ndash; 7 399 даана 
Чолпон-Ата РЭТ &ndash; 6 693 даана 
Тоң РЭТ &ndash; 6 010 даана 
Каракол РЭТ- 744 даана. 
 
Жалпысынан 2025-жылдын соңуна чейин 55 923 акылдуу эсептегич орнотуу пландалган. 
 
Акылдуу эсептегичтердин артыкчылыктары: 
Электр энергиясынын көрсөткүчтөрүн реалдуу убакыт режиминде серверге автоматтык түрдө жөнөтөт; 
Электр жабдууларын ашыкча жүктөөдөн коргойт; 
Эсептегичке сырттан кийлигишүү аракеттери тууралуу автоматтык билдирүү жиберет; 
Дебитордук карыз болгон учурда автоматтык түрдө өчүрүлүп, төлөм жүргүзүлгөндөн кийин кайра кошулат; 
Коррупциялык тобокелдиктерди азайтууга өбөлгө түзөт. 
 
Бул иштердин натыйжасында Ысык-Көл облусундагы электр энергиясын пайдалануу ачык, так жана коопсуз болуп, керектөөчүлөр үчүн кызмат көрсөтүүнүн сапаты жогорулайт. 
 
<img alt="📞" src="https://web.telegram.org/a/img-apple-64/1f4de.png" />&nbsp;Электр энергиясына байланыштуу суроолор үчүн: 
105; 1209 
<img alt="📱" src="https://web.telegram.org/a/img-apple-64/1f4f1.png" />&nbsp;+996 772 001209; +996 556 001209 
<img alt="📲" src="https://web.telegram.org/a/img-apple-64/1f4f2.png" />&nbsp;WhatsApp: +996 702 001209

Ысык-Көлдө 36 миңден ашык акылдуу эсептегич орнотулду

&nbsp;

Кытай Эл Республикасынын Сучжоу шаарында өткөн Эл аралык форумдун алкагында Кыргыз Республикасынын Энергетика министрлиги менен &laquo;States Technology Co., Limited&raquo; жана &laquo;Сан Энерджи Ко&raquo; компаниялары ортосунда Кыргызстанга 250 МВттык күн электр станциясын куруу боюнча Инвестициялык келишимге кол коюлду.

Документке КРнын энергетика министри Т.Ибраев жана инвестор катары &laquo;States Technology Co., Limited&raquo; компаниясынын президенти Лю Фернандо Оскар жана подрядчы катары &laquo;Сан Энерджи Ко&raquo; компаниясынын башкы директору Лью Ионгжие кол койду.

Кол коюлган келишимдин негизги максаты - Баткен облусунун Ак-Турпак айыл аймагына жалпы 669,3 гектар жерге 250 МВттык күн электр станциясын куруу болуп саналат. Аталган станцияны куруу иштери 2025-жылы баштоо жана 2027 - жылы ишке киргизүү пландалган. Бул долбоор ишке ашырылса Ак-Турпак аймагынын тургундарын электр энергиясы менен камсыз кылууга мүмкүнчүлүк түзүлөт. Күн электр станциясы ишке киргенден кийин андан өндүрүлгөн электр энергияны &quot;КУЭТ&quot; ААК сатып алат.

Мындан тышкары, энергетика министри Таалайбек Ибраевдин жетекчилиги алдында Энергетика министрлигине караштуу &laquo;Кыргызстан улуттук электр тармактары&raquo; ААКнын башкы директору И.Сыдыгалиев, &laquo;Курулуп жаткан электр станциялар дирекциясынын&raquo; башкы директору Р.Касымов жана кытайлык POWER CONSTRUCTION CORPORATION OF CHINA (POWER CHINA) компаниясы менен кызматташуу боюнча Меморандумга кол койду.

Аталган документтин негизги максаты - каржылоо үчүн эл аралык инвесторлорду жана финансылык институттарды чакыруу, кызматташууну тереңдетүү, долбоорлорду биргеликте ишке ашырууга багытталган. Ошондой эле акысыз негизде электр тармагын изилдөө жана перспективалык план түзүү, энергетик менеджер жана инженер адистерди окутуу, Токтогул суу сактагычындагы калкып туруучу күн электр станцияларын куруунун мүмкүнчүлүктөрүн изилдөө болуп саналат.

Маалымат катары: POWERCHINA гидроэнергетика, электр энергетикасы, энергиянын жаңы булактары, энергетикалык тармактар жана инфраструктура секторлорунда пландаштырууну, иликтөөнү, долбоорлоону, курууну жана эксплуатациялоону камтыган комплекстүү кызматтарды көрсөтүүчү энергетикалык объекттерди куруу боюнча өзгөчө кытайлык жана эл аралык алдыңкы ири компания болуп саналат.

Энергетика министрлиги менен кытайлык эки компаниянын ортосунда Инвестициялык келишимге жана Меморандумга кол коюлду

&nbsp;

Кыргыз Республикасынын Энергетика министрлиги кызыкдар тараптарды Камбар-Ата-1 &nbsp;ГЭСинин долбоорунун Айлана-чөйрөгө жана социалдык чөйрөгө таасирди баалоо боюнча документтер топтомунун (АЧСТБ) долбоору боюнча эл аралык деңгээлдеги коомдук консультацияларга катышууга чакырат. Консультациялар Кыргыз Республикасында 2025-жылдын октябрь айында өткөн улуттук жана жергиликтүү деңгээлдеги консультациялардын экинчи айлампасынын уландысы болуп саналат.

Укуктук негиз жана документтерди даярдоо. Консультациялар &laquo;Айылана-чөйрөнү коргоо жөнүндө&raquo; Кыргыз Республикасынын Мыйзамынын 46-беренесине (1999-жылдын 16-июну №53), Кыргыз Республикасында айлана-чөйрөгө тийгизилчү таасирди баалоону жүргүзүү тартиби жөнүндө Жобону бекитүү тууралуу Кыргыз Республикасынын Өкмөтүнүн 2015-жылдын 13-февралындагы №60 токтомуна, тиешелүү эл аралык конвенцияларына (анын ичинде Орхус конвенциясына) жана Дүйнөлүк банктын экологиялык-социалдык принциптерине ылайык жүргүзүлөт. АЧСТБ документтер топтомунун долбоору эл аралык SMEC компаниясы тарабынан даярдалган.

Катышуу форматы &mdash; бардык кызыкдар тараптар үчүн ачык. Мамлекеттик органдардын, жарандык коомдун, академиялык жана эксперттик чөйрөнүн, жалпыга маалымдоо каражаттары, бизнестин өкүлдөрү жана кызыкдар жарандар катыша алышат. Алдын ала каттоодон өткөндөр үчүн өз каражаттарынын эсебинен жеке катышуу жана онлайн кошулуу каралган.

Өткөрүү мөөнөтү жана жери. Консультациялар 2025-жылдын 4&ndash;5-ноябрында Түркия Республикасынын Стамбул шаарында өтөт, катталган катышуучулар үчүн онлайн кошулуу мүмкүнчүлүгү камсыздалат.

Каттоо жана байланыш. Катышууну тастыктоо жана форматты тандоо үчүн Кыргыз Республикасынын Энергетика министрлигинин алдындагы Камбар-Ата-1 ГЭСинин долбоорун башкаруу бөлүмүнүн расмий электрондук дарегине электрондук кат жөнөтүүңүздөрдү өтүнөбүз: <a href="mailto:pmo.kambarata@gmail.com" style="color:#467886; text-decoration:underline">pmo.kambarata@gmail.com</a>. Катталгандарга онлайн кошулуу үчүн шилтеме жөнөтүлөт же консультациялар өтө турган жайдын дареги берилет. Катышууну 2025-жылдын 3-ноябры, Бишкек убактысы боюнча саат 17:00гө чейин тастыктоого болот.

Коомдук талкуу үчүн документтер 2025-жылдын 21-августунан тартып кыргыз, орус жана англис тилдеринде долбоордун расмий сайтына жайгаштырылган: kambarata1.org

Материалдар долбоордук мүнөздө болуп, коомдук консультацияларды өткөрүү максатында жарыяланган; алар Кыргыз Республикасынын Министрлер Кабинетинин акыркы позициясын чагылдырбайт. Түшкөн бардык комментарийлер документтештирилип, кароодон өтүп, АЧСТБ жана Кумулятивдик таасирди баалоо документтерин тактоодо эске алынат.

Камбар-Ата-1 ГЭСинин долбоорунун маанилүүлүгүнө байланыштуу Кыргыз Республикасынын Энергетика министрлиги АЧСТБ долбоору боюнча комментарийлерди жана сунуштарды кабыл алуу мөөнөтүн 2025-жылдын 5-декабрына чейин узартуу чечимин кабыл алды.

Материалдар боюнча жазуу жүзүндөгү комментарийлер жана сунуштар <a href="mailto:pmo.kambarata@gmail.com" style="color:#467886; text-decoration:underline">pmo.kambarata@gmail.com</a> дарегине же төмөнкү дарекке кабыл алынат: Бишкек ш., Жибек-Жолу проспекти, 326, 115-бөлмө.

Байланыштар: 
Кыргыз Республикасынын Энергетика министрлигинин алдындагы Камбар-Ата-1 ГЭСинин долбоорун башкаруу бөлүмү: 
<a href="mailto:pmo.kambarata@gmail.com" style="color:#467886; text-decoration:underline">pmo.kambarata@gmail.com</a> 
Тел.: +996 990 191 845 (WhatsApp)

&nbsp;

БИЛДИРҮҮ  Эл аралык деңгээлдеги коомдук консультациялар — Камбар-Ата-1 ГЭСинин АЧСТБ долбоору боюнча

&nbsp;

&nbsp;

2025-жылдын 21-27-октябрга чейин Кыргыз Республикасынын энергетика министри Таалайбек Ибраев Кытай Эл Республикасына иш сапары менен барып, Сучжоу шаарында кытайдын &laquo;10-Эл аралык жашыл энергетикалык&raquo; форумуна катышты. 

&nbsp;

Аталган форумдун алкагында министр Т.Ибраев сөз сүйлөп, электр энергиясына болгон муктаждыктын жылдан жылга өсүшү, энергетика экономиканын өнүгүшүнүн негизги булагы, Кыргызстандын электр энергиясынын потенциялы, эки өлкөнүн энергетика тармагындагы кызматташтыгы тууралуу айтып өттү.&nbsp; 

&nbsp;

&ldquo; Кыргыз энергетикасы бүгүнкү күндө Борбордук Азия регионундагы жашыл энергетиканын флагманы болуп саналарын белгилеп кетким келет. Республика ири дарыялардын башатында жайгашкан. Таза энергиянын 90% га жакыны ири ГЭСтерде өндүрүлөт. Жашыл технологияларга өтүүнү камсыз кылуу максатында акыркы эки жылдан бери Республикада жашыл генерацияны ишке киргизүү боюнча масштабдуу иштер жүргүзүлүүдө. Кытайлык өнөктөштөр &nbsp;1100 МВт күн электр станцияларын жана 300 МВт шамал станциясын куруу боюнча долбоорлорду ишке ашырууда. Кытайлык компаниялар иштеп жаткан ГЭСтерди, анын ичинде Токтогул, Үч-Коргон жана Ат-Башы ГЭСтерин модернизациялоо боюнча ири долбоорлорду ишке ашырууда көп жылдык тажрыйбасы бар. Алардын арасында дүйнөгө таанымал Чайна Роуд энд Бридж Корпорейшн (China Road and Bridge Corporation), TBEA, Донг Фан (Dongfang Electric) и СНЕК (CNEEC) сыяктуу ири компаниялар бар. Биз эл аралык өнөктөштөрдү, донорлорду жана каржы институттарын биздин өлкөдө жашыл энергетика долбоорлорун биргелешип ишке ашырууда биз менен өнөктөш болууга чакырабыз&rdquo;,-деди министр Т.Ибраев. 

&nbsp;

Мындан тышкары Кытай Эл Республикасынын Улуттук энергетикалык башкармалыгынын башкы директору Ван Хунчжи, Мамлекеттик энергетика башкармалыгынын башкы экономисти Лу Цзюньлин жана &quot;Эл аралык энергиянын кайра жарлуучу булактары&quot; агеттигинин өкүлдөрү&nbsp; менен КРнын энергетика министри Т.Ибраев, &ldquo;КУЭТ&rdquo; ААК, &ldquo;ЭС&rdquo; ААК, &ldquo;Кыргызкөмүр&rdquo; ААКнын жетекчилеринин&nbsp; эки тараптуу жолугушуусу болуп өттү. Анда тараптар эки өлкөнүн энергетика жана көмүр тармагында кызматташуусун тереңдетүү, биргеликте долбоорлорду ишке ашыруу, Кыргызстанга инвесторлорду чакыруу тууралуу сүйлөшүүлөрдү жүргүзүштү. 

&nbsp;

Анда министр Т.Ибраев 500 кВ &ldquo;Кемин-Торугат&rdquo;, 200 кВ &laquo;Барскоон-Бедел&raquo; электр линияларын куруу, Энергиянын кайра жаралуучу булактарын өнүктүрүү тармагында долбоорлорду биргеликте ишке ашыруу сунуштарын киргизди. Аны менен катар кыргызстандык энергетиктерди окутуу маселелери каралды. 

&nbsp;

<div style="border-bottom:solid windowtext 1.0pt; padding:0cm 0cm 1.0pt 0cm">
Жыйынтыгында Кытай Эл Республикасынын энергетика министри Кыргызстан менен кызматташууга даяр экенин жана алдыдагы көтөрүлгөн долбоорлорду кытайлык жеке компаниялар менен биргеликте ишке ашырууда колдоо көрсөтөөрүн билдирди. Жолугушуудан кийин министрлер энергетикалык форумда уюштурулган көргөзмө менен таанышты. 
</div>

Кыргызстан менен Кытай Эл Республикасынын энергетика министрлеринин жолугушуусу болуп өттү

&nbsp;

Бүгүн, 2025-жылдын 23-октябрында

Кыргыз Республикасынын Министрлер кабинетинин төрагасынын орун басары, УКМК төрагасы Камчыбек Ташиев, Энергетика министринин орун басары Эмилбек&nbsp; Ысманов, &ldquo;КУЭТ&rdquo; ААКнын капиталдык курулуш жана инвестициялар боюнча башкы директорунун орун басары Искандер Адиев Нарын облусуна иш сапары менен келип, Нарын райондук электр тармагынын жаңы административдик имаратынын ачылыш аземине катышышты.

&nbsp;

Жаңы имараттын ишке берилиши аймактын энергетикалык инфраструктурасын чыңдоого, калкты сапаттуу тейлөөгө жана энергетика кызматкерлери үчүн заманбап шарттарды түзүүгө олуттуу салым кошот. Бул курулуш &ldquo;КУЭТ&rdquo; ААКнын өздүк каражатынан жүзөгө ашырылды.

&nbsp;

Жаңы административдик имарат &mdash; 3 кабаттуу, жалпы аянты 919,66 чарчы метр, сметалык наркы 55 миллион 250 миң сомду түзөт. Курулуш иштери үстүбүздөгү жылдын май айында башталып, бүгүн толугу менен аяктап, пайдаланууга берилди.

&nbsp;

Маалымат үчүн: Мурунку имарат 1975-жылы курулуп, ишке берилген. Убакыттын өтүшү менен ал кызматкерлердин жана калктын талаптарына жооп бербей калгандыктан, Тянь-Шань жана Нарын райондук электр тармактарын оптимизациялоонун алкагында жаңы имарат куруу зарылчылыгы пайда болгон. Бул имараттын курулушу 100гө жакын кызматкердин иш шарттарын жакшыртып, жарандарды заманбап, ыңгайлуу шартта тейлөөгө кеңири мүмкүнчүлүк жаратты.

&nbsp;

Бул &mdash; Нарын облусунун энергетика тармагындагы чоң жетишкендик жана энергетиктер үчүн олуттуу колдоо болуп саналат.

&nbsp;

Министрлер кабинетинин төрагасынын орун басары, УКМК төрагасы, Камчыбек Ташиев:

&nbsp;

&ldquo;Бардык РЭСтер эскилиги жеткен, буга чейин каралган эмес. Эми бир эле Нарында эмес Республика боюнча райондук электр тармактарын жаңылоо керек, эми азыр мүмкүнчүлүк бар, жакшы шарттарды түзүү керек&rdquo;.

&nbsp;

Энергетика министрлиги реформанын алкагында 31- август Эгемендүүлүк күнүнө карата 11 объектини ишке киргизген, дагы жыл аягына чейин 10го жакын объектини ишке берүү пландалууда.

Нарын облусунда жаңы административдик имарат ишке берилди

Кыргыз Республикасынын энергетика министринин орун басары Назгүл Усенова кйара жаралуучу энергия булактары боюнча адистер жана ага тиешелүү адистештирилген кызматкерлер менен биргеликте &ldquo;Чакан ГЭС&rdquo; ААКнын бир катар энергетикалык объектилерине:&nbsp; 
&bull;&nbsp;&nbsp; &nbsp;&ldquo;Чакан ГЭС&rdquo; ААКнын аймагындагы электр кубаттоочу станцияга; 
&bull;&nbsp;&nbsp; &nbsp;ГЭС-5тин суткалык жөнгө салуу бассейнинде жайгашкан калкып туруучу күн электр станциясына; 
&bull;&nbsp;&nbsp; &nbsp;Быстровска ГЭСинин аймагындагы электр кубаттоочу станцияга; 
&bull;&nbsp;&nbsp; &nbsp;Быстровска ГЭСине барып көрүштү.&nbsp; 
Иш сапардын алкагында Энергетика министрлигинен келген делегация Орто-Токой гидроэлектростанциясынын курулуш аянтчасына да барды. &laquo;Чакан ГЭС&raquo; ААКнын башкы директорунун биринчи орун басары Таалайбек Мамбеталиев курулуш иштери тууралуу кеңири маалымат берип, долбоор бекитилген графикке ылайык жүрүп жатканын белгиледи. Ошондой эле курулуштун сапатына, коопсуздук чараларына жана ресурстарды үнөмдүү пайдаланууга өзгөчө көңүл бурулуп жатканын айтты. 
Назгүл Үсөнова салттуу жана жаңылануучу энергетиканы бирдей өнүктүрүү өлкөнүн негизги багыттарынын бири экенин белгилеп, заманбап технологияларды колдонуу жана табигый ресурстарды туруктуу пайдалануу &ndash; энергетика тармагындагы мамлекеттик саясаттын башкы багыты экенин баса белгиледи. 
Эске салсак, Орто-Токой ГЭСинин (ГЭС) курулушу компаниянын приоритеттүү долбоорлорунун бири болуп саналат жана өлкөнүн гидроэнергетикалык потенциалын өнүктүрүү үчүн чоң мааниге ээ. Бардык иштер бекитилген график боюнча жүрүп, &laquo;Чакан ГЭС&raquo; ААК жетекчилигинин туруктуу көзөмөлүндө. Станциянын пландалган кубаттуулугу &mdash; 21 МВт.

Энергетика министринин орун басары Орто-Токой ГЭСинин курулушунун жүрүшү менен таанышты

&nbsp;

&nbsp;

Кыргыз Республикасынын Энергетика министрлиги Камбар-Ата-1 ГЭСинин курчап турган Айлана-чөйрө жана социалдык тармактарына болгон таасирди баалоо (АЧСТБ) долбоору боюнча улуттук консультациянын экинчи раундун өткөрдү. Иш-чара Бишкек шаарындагы Орозбеков, 87 дарегинде жайгашка &nbsp;Park Hotel мейманканасынын жыйындар залында уюштурулуп, 110 дон ашык катышуучуну бетме-бет форматта, ошондой эле 35 ке жакын адамдын онлайн режиминде катышуусуна шарт түзүлдү.

&nbsp;

Консультацияга Энергетика министрлигинин, &laquo;Камбар-Ата-1 ГЭС&raquo; долбоорун алып баруучу бөлүмүнүн жетекчилери, мамлекеттик түзүмдөрдүн адистери, жергиликтүү бийлик органдардын кызматкерлери, улуттук жана эл аралык коомдук уюмдардын адистери, илимий жана изилдөө мекемелеринин, Улуттук Илимдер Академиясы өкүлдөрү, ошондой эле плотиналардын коопсуздугу боюнча эксперттер, социалдык өнүктүрүү, жайыттарды башкаруу, маданий мурастарды коргоо, айлана-чөйрөнү коргоо, биологиялык ар түрдүүлүк жана гендердик маселелер боюнча эксперттер катышышты.

&nbsp;

Улуттук деңгээлдеги консультациянын негизги максаты - АЧСТБ долбоорунун жыйынтыктары жана сунуштары жөнүндө коомчулукка маалымдоо, долбоорду ишке ашыруунун мүмкүн болгон экологиялык жана социалдык кесепеттерин жана аларды болтурбоо жана жумшартуу боюнча тиешелүү чараларды талкуулоо, кызыктар тараптардан сунуштарды, сын-пикирлерди жана суроолорду чогултуу, ошондой эле эл аралык экологиялык жана социалдык практикага ылайык долбоорду даярдоонун бардык этаптарында ачык-айкындуулукту жана ачык диалогду камсыз кылуу болду. 

&nbsp;

Консультациянын алдында коомдук кароолор жана комментарийлер үчүн төмөнкү долбоордук документтер 2025-жылдын августунан тартып долбоордун расмий сайтында (https://kambarata1.org) жайгаштырылган:

- Айлана-чөйрө жана социалдык тармактарына болгон таасирди баалоо (АЧСТБ) долбоору;

- Экологиялык жана социалдык башкаруу пландары- АЧСТБ &nbsp;курамында;

- Жашоо каражаттарын калыбына келтирүү жана көчүрүү боюнча алкактык план;

- Кызыктар тараптар менен өз ара аракеттенүү планы жана даттанууларды кароо механизми;

- Эмгек ресурстарын башкаруу жол-жоболору;

- Топтолуучу таасирди баалоо долбоору- АЧСТБ курамында;

Консультациянын жүрүшүндө долбоордун командасы жана техникалык эксперттер долбоордун негизги компоненттерин, күтүлүп жаткан экологиялык жана социалдык таасирлерди жана сунуш кылынган пикирлерди көрсөтүштү.

Катышуучулар сейсмикалык туруктуулук, биологиялык ар түрдүүлүктү сактоо, суу ресурстарын башкаруу, калктын ден соолугу жана коопсуздугу, жашоо каражаттарын калыбына келтирүү, маданий мурастарды коргоо, жергиликтүү жамааттар үчүн жумуш орундарын түзүү жана башка темаларды камтыган маселелердин кеңири чөйрөсүн активдүү талкуулашты. Коомчулук менен үзгүлтүксүз иштешүүнүн жана даттануу механизмдеринин натыйжалуу иштешинин маанилүүлүгү баса белгиленди.

Камбар-Ата ГЭС-1 долбоорун даярдоо алкагындагы консультациянын баардык этаптарындагыдай эле, баардык келип түшкөн сын-пикирлер жана сунуштар кийинки жаңыртууда кылдат талданат.

Буга чейин, 2025-жылдын 6-октябрынан 10-октябрына чейин Энергетика министрлиги долбоордун аймагында жайгашкан төрт айылдык муниципалитеттин (Атай айыл аймагы (Тогуз-Торо району), Сары-Камыш, Иманалиев жана Толук айыл аймактары (Токтогул району)) тургундары менен бир катар консультацияларды өткөргөн. Бул жолугушууларга ошол аймакта жашаган 300гө жакын адам катышып, жайыттарды башкаруу, мал жаюу жолдору, инфраструктура муктаждыктары жана жашоо каражаттарын калыбына келтирүү маселелери талкууланды.

Коңшу өлкөлөрдүн (<a name="_Hlk211525825">Кыргызстан, Казакстан, Таджикстан, Өзбекстан</a>) деңгээлиндеги консультациялар 2025-жылдын ноябрь айында, Стамбул шаарында &nbsp;улуттук, аймактык жана эл аралык кызыктар тараптардын катышуусу менен өтөт.

Энергетика министрлиги Камбар-Ата ГЭС-1 долбоорун ишке ашыруу боюнча ачык-айкын процесске болгон умтулуусун ырастайт жана кызыктар тараптардын өз ара аракеттенүү планына ылайык бардык тараптар менен кызматташууну улантат.

&nbsp;

&nbsp;

&nbsp;

&nbsp;

&nbsp;

Энергетика министрлиги Камбар-Ата-1 ГЭСинин АЧСТБ долбоору боюнча улуттук консультациянын экинчи раундун өткөрдү

&nbsp;

&nbsp;

Кыргыз Республикасынын Энергетика министрлиги Камбар-Ата-1 ГЭСинин курчап турган Айлана-чөйрө жана социалдык тармактарына болгон таасирди баалоо (АЧСТБ) долбоору боюнча улуттук консультациянын экинчи раундун өткөрдү. Иш-чара Бишкек шаарындагы Орозбеков, 87 дарегинде жайгашка &nbsp;Park Hotel мейманканасынын жыйындар залында уюштурулуп, 110 дон ашык катышуучуну бетме-бет форматта, ошондой эле 35 ке жакын адамдын онлайн режиминде катышуусуна шарт түзүлдү.

&nbsp;

Консультацияга Энергетика министрлигинин, &laquo;Камбар-Ата-1 ГЭС&raquo; долбоорун алып баруучу бөлүмүнүн жетекчилери, мамлекеттик түзүмдөрдүн адистери, жергиликтүү бийлик органдардын кызматкерлери, улуттук жана эл аралык коомдук уюмдардын адистери, илимий жана изилдөө мекемелеринин, Улуттук Илимдер Академиясы өкүлдөрү, ошондой эле плотиналардын коопсуздугу боюнча эксперттер, социалдык өнүктүрүү, жайыттарды башкаруу, маданий мурастарды коргоо, айлана-чөйрөнү коргоо, биологиялык ар түрдүүлүк жана гендердик маселелер боюнча эксперттер катышышты.

&nbsp;

Улуттук деңгээлдеги консультациянын негизги максаты - АЧСТБ долбоорунун жыйынтыктары жана сунуштары жөнүндө коомчулукка маалымдоо, долбоорду ишке ашыруунун мүмкүн болгон экологиялык жана социалдык кесепеттерин жана аларды болтурбоо жана жумшартуу боюнча тиешелүү чараларды талкуулоо, кызыктар тараптардан сунуштарды, сын-пикирлерди жана суроолорду чогултуу, ошондой эле эл аралык экологиялык жана социалдык практикага ылайык долбоорду даярдоонун бардык этаптарында ачык-айкындуулукту жана ачык диалогду камсыз кылуу болду. 

&nbsp;

Консультациянын алдында коомдук кароолор жана комментарийлер үчүн төмөнкү долбоордук документтер 2025-жылдын августунан тартып долбоордун расмий сайтында (https://kambarata1.org) жайгаштырылган:

- Айлана-чөйрө жана социалдык тармактарына болгон таасирди баалоо (АЧСТБ) долбоору;

- Экологиялык жана социалдык башкаруу пландары- АЧСТБ &nbsp;курамында;

- Жашоо каражаттарын калыбына келтирүү жана көчүрүү боюнча алкактык план;

- Кызыктар тараптар менен өз ара аракеттенүү планы жана даттанууларды кароо механизми;

- Эмгек ресурстарын башкаруу жол-жоболору;

- Топтолуучу таасирди баалоо долбоору- АЧСТБ курамында;

Консультациянын жүрүшүндө долбоордун командасы жана техникалык эксперттер долбоордун негизги компоненттерин, күтүлүп жаткан экологиялык жана социалдык таасирлерди жана сунуш кылынган пикирлерди көрсөтүштү.

Катышуучулар сейсмикалык туруктуулук, биологиялык ар түрдүүлүктү сактоо, суу ресурстарын башкаруу, калктын ден соолугу жана коопсуздугу, жашоо каражаттарын калыбына келтирүү, маданий мурастарды коргоо, жергиликтүү жамааттар үчүн жумуш орундарын түзүү жана башка темаларды камтыган маселелердин кеңири чөйрөсүн активдүү талкуулашты. Коомчулук менен үзгүлтүксүз иштешүүнүн жана даттануу механизмдеринин натыйжалуу иштешинин маанилүүлүгү баса белгиленди.

Камбар-Ата ГЭС-1 долбоорун даярдоо алкагындагы консультациянын баардык этаптарындагыдай эле, баардык келип түшкөн сын-пикирлер жана сунуштар кийинки жаңыртууда кылдат талданат.

Буга чейин, 2025-жылдын 6-октябрынан 10-октябрына чейин Энергетика министрлиги долбоордун аймагында жайгашкан төрт айылдык муниципалитеттин (Атай айыл аймагы (Тогуз-Торо району), Сары-Камыш, Иманалиев жана Толук айыл аймактары (Токтогул району)) тургундары менен бир катар консультацияларды өткөргөн. Бул жолугушууларга ошол аймакта жашаган 300гө жакын адам катышып, жайыттарды башкаруу, мал жаюу жолдору, инфраструктура муктаждыктары жана жашоо каражаттарын калыбына келтирүү маселелери талкууланды.

Коңшу өлкөлөрдүн (Кыргызстан, Казакстан, Таджикстан, Өзбекстан) деңгээлиндеги консультациялар 2025-жылдын ноябрь айында, Стамбул шаарында &nbsp;улуттук, аймактык жана эл аралык кызыктар тараптардын катышуусу менен өтөт.

Энергетика министрлиги Камбар-Ата ГЭС-1 долбоорун ишке ашыруу боюнча ачык-айкын процесске болгон умтулуусун ырастайт жана кызыктар тараптардын өз ара аракеттенүү планына ылайык бардык тараптар менен кызматташууну улантат.

&nbsp;

&nbsp;

&nbsp;

&nbsp;

&nbsp;

&nbsp;

Кыргыз Республикасынын Энергетика министрлиги &nbsp;Ош шаарынын Кең-Сай массивинде жайгашкан Кең-Сай көмөк чордонун &nbsp;жакынкы аралыкта пайдаланууга берүүнү пландоодо. Бүгүнкү күндө аталган көмөк чордонду куруу иштери 95%га бүттү.&nbsp;

Ош электр тармактары ишканасы &nbsp;тарабынан көмөк чордондогу жараксыз техникалык жабдыктар &nbsp;алынып салынып, 6300 кВА кубаттуулуктагы трансформатор орнотулду.&nbsp;

Буга чейин, энергетика министри Таалайбек Ибраевдин Ош облусуна болгон иш сапарынын алкагында Ош шаарынын мэри Жеңишбек Токторбаев менен биргеликте аталган көмөк чордондун абалы менен жеринен таанышкан.&nbsp; 
&ldquo;Кең-Сай&rdquo; көмөк чордону Ош шаардык мэриясы тарабынан бир топ жыл мурун курулуп баштап, белгисиз себептерден улам курулуш иштери толук аяктабай, токтоп калган. 
Мындан улам министр чечим кабыл алып, курулушту жандандыруу жана ишке киргизүү боюнча Ош электр тармактары ишканасына &nbsp;тийиштүү тапшырмаларды берген.

Учурда көмөк чордондун курулушу аяктоо алдында турат. Ал толук ишке кирсе, Кең-Сай массивинин жана ага жакын жайгашкан аймактардын электр энергиясы менен үзгүлтүксүз камсыз болушуна өбөлгө түзүлөт.&nbsp;

Бул болсо шаар тургундарынын жашоо сапатын жакшыртууга жана аймактагы инфраструктураны өнүктүрүүгө чоң салым кошот.

Кең-Сай көмөк чордону октябрь айынын аягында ишке берилет

&nbsp;

2025-жылдын 14-октябрында Дүйнөлүк банктын жылдык жыйындарынын алкагында Кыргыз Республикасынын энергетика министри Таалайбек Ибраев жана финансы министри Алмаз Бакетаев Европа жана Борбор Азия боюнча вице-президент Антонелла Бассани баштаган Дүйнөлүк банктын жетекчилиги менен жолугушуу өткөрүштү.

Жолугушуунун жүрүшүндө эки тараптуу кызматташуу маселелеринин кеңири спектри талкууланып, негизги көңүл Камбар-Ата-1 ГЭСинин долбоорун ишке ашырууга багытталды.

Энергетика министри Дүйнөлүк банктын жетекчилигине долбоордун учурдагы абалы тууралуу маалымат берип, иштер мөөнөтүнөн мурда жүргүзүлүп жатканын баса белгиледи. Ошондой эле аймактык кызматташтык жолго коюлгандыгын, учурда долбоорду ишке ашыруу зонасында жергиликтүү тургундар менен жолугушуу өткөнүн баса белгидеди.

Министр Т.Ибраев 2025-жылдын ноябрь айында Стамбул шаарында коңшу өлкөлөрдүн (Казакстан, Өзбекстан, Тажикстан, Кыргызстан) өкүлдөрү менен Айлана-чөйрөгө жана социалдык таасирге баа берүү боюнча талкуулоо пландалып жатканын билдирди.

Мындан тышкары ал Камбар-Ата-1 ГЭСти куруу үчүн донордук комитеттин мүчөлөрү менен Брюссель шаарында жолугушуу өткөрүлгөнүн маалымдады. Ошондой эле Европа инвестициялык банкы менен 500 млн. АКШ долларга, Европа реконcтрукциялоо жана өнүктүрүү банкы менен 500 млн АКШ долларга чейин долбоорду каржылоо макулдашылганын айтып өттү.

Жыйынтыгында министр Таалайбек Ибраев Дүйнөлүк банкка Кыргыз Республикасынын энергетика тармагын өнүктүрүүдө көрсөткөн туруктуу колдоосу жана натыйжалуу өнөктөштүгү үчүн ыраазычылык билдирди.

Энергетика министри Т.Ибраев Дүйнөлүк банктын вице-президенти Антонелла Бассани менен жолугушту

&nbsp;

Камбарата-1 ГЭСинин долбоору боюнча жергиликтүү кызыкдар тараптар менен коомдук талкуулардын экинчи айлампасы 2025-жылдын 6&ndash;10-октябры аралыгында долбоор аймагына кирген төрт айыл аймактарында өткөрүлдү. Алардын катарына Атай айыл аймагы (Тогуз-Торо району), ошондой эле Сары-Камыш, Иманалиев жана Толук айыл аймактары (Токтогул району) кирди. Талкууларга жалпысынан 300гө жакын тургун катышты.

Кыргыз Республикасынын Энергетика министрлиги тарабынан уюштурулган коомдук талкууларга Камбарата-1 ГЭСинин курулушунун жүрүшүндө түздөн-түз таасирге дуушар болушу мүмкүн болгон жергиликтүү жашоочулар &mdash; дыйкандар, малчылар, коомдук лидерлер жана айымдар &mdash; катышты. Мындан тышкары, иш-чараларга Энергетика министирлигинин, Камбарата-1 ГЭСинин долбоорун башкаруу бөлүмүнүн, жергиликтүү өз алдынча башкаруу органдарынын өкүлдөрү жана социалдык өнүгүү, жайыттарды башкаруу, экология, биотүрдүүлүк жана гендердик маселелер боюнча адистер катышышты. Бардык катышуучулар Айлана-чөйрө жана социалдык тармактарына болгон таасирди баалоо (АЧСТБ) документтеринин долбоорун жана таасирди жумшартуу чараларын инклюзивдүү жана ар тараптуу талкуулоого өзгөчө көнүл бурушту.

Талкуулар негизинен жергиликтүү маанилүү маселелерге багытталды. Айрыкча суу сактагычты толтуруунун натыйжасында жайыт аянттарынын бир бөлүгүнүн жоголушу, айрым мал айдоо жолдорунун бузулушу жана жашоо каражаттарын калыбына келтирүүнүн так жана натыйжалуу чаралары зарылдыгы белгиленди. Катышуучулар ошондой эле долбоорду куруу учурунда жумушка орношуу мүмкүнчүлүктөрү боюнча маалымат сурап, жергиликтүү калкты жумушка тартууга артыкчылык берүүнүн жана талаптардын ачык-айкын болушун белгилешти. Коомдук талкуулардын алкагында жергиликтүү тургундар жолдорду, мектептерди жана саламаттык сактоо объектилерин жакшыртуу зарылдыгын да баса белгилешти.

Айымдар бардык төрт коомдук талкууда активдүү катышышып, өзүнчө сессиялар да өткөрүлдү. Бул сессиялар айымдарга өзгөчө тынчсызданууларын билдирүүгө мүмкүнчүлүк берди &mdash; жайыттардын жоголушу үй-бүлөнүн кирешесине кандай таасир этери жана долбоордун алкагында кесиптик даярдоого жана жумушка орношууга тең мүмкүнчүлүк берүүнүн маанилүүлүгү талкууланды.

Катышуучуларга долбоордун даттанууларды кароо механизми тууралуу маалымат берилди. Бул механизм аркылуу кайрылуу, сунуштарды же арыздарды ар кандай каналдар аркылуу билдирүүгө болот: WhatsApp топтору, Энергетика министрлигинин расмий сайты, Камбарата-1 ГЭСинин долбоорунун сайты (<a href="http://www.kambarata1.org/" style="color:#467886; text-decoration:underline">www.kambarata1.org</a>), ошондой эле купуя түрдө кайрылуулар үчүн өзүнчө канал каралган. Ошондой эле долбоор бекитилгенден кийин жергиликтүү калк менен диалог улантылары жана кызыкдар тараптар менен аракеттешүү планына ылайык кошумча коомдук жолугушуулар өткөрүлөрү маалымдалды.

Бул талкуулар учурунда алынган бардык пикирлер жана сунуштар кылдат документтештирилип, АЧСТБ жана Жалпы таасирди баалоо документтерин финалдык вариантын иштеп чыгуу убагында эске алынат.

Энергетика министрлиги Камбарата-1 ГЭСинин долбоору боюнча жергиликтүү кызыкдар тараптар менен коомдук талкуулардын экинчи айлампасын өткөрдү

&nbsp;

<img alt="🇰🇬" src="https://static.xx.fbcdn.net/images/emoji.php/v9/tae/1/16/1f1f0_1f1ec.png" style="height:16px; width:16px" /> Кыргыз Республикасынын Энергетика министрлиги энергокомпанияларга жана мекемелерге алдыдагы 2025-2026-жылдардагы күз-кыш мезгилине карата даярдык иштерин сапаттуу жана өз убагында жүргүзүү талабын койгон. Ага ылайык учурда энергетика тармагында жабдууларды жаңылоо, модернизациялоо жана оңдоп-түзөө иштери активдүү жүрүп жатат.

<img alt="✅" src="https://static.xx.fbcdn.net/images/emoji.php/v9/t33/1/16/2705.png" style="height:16px; width:16px" /> Алсак, Чүй облусунда жайгашкан өлкөдөгү эң ири 4 көмөкичордондун бири 500/220/35 кВ &ldquo;Кемин&rdquo; көмөк чордонунда оңдоп-түзөө иштери 95 пайызга аяктады.

<img alt="🔷" src="https://static.xx.fbcdn.net/images/emoji.php/v9/tf1/1/16/1f537.png" style="height:16px; width:16px" /> Чүй электр тармактар ишканасы тарабынан июнь айында 500/220/35 кВ &laquo;Кемин&raquo; көмөк чордонундагы 1-автотрансформаторду кезектеги оңдоодон өткөрүлсө, октябрь айында 2-автотрансформаторду, 500 кВ реакторду бөлүкчөлөрү менен оңдоодон өткөрүлдү.

<img alt="👉" src="https://static.xx.fbcdn.net/images/emoji.php/v9/t51/1/16/1f449.png" style="height:16px; width:16px" /> Мындан тышкары 220 кВ тарабынан 12 даана уяча бөлүкчөлөрү менен техникалык тейлөөдөн өткөрүлдү.

<img alt="✅" src="https://static.xx.fbcdn.net/images/emoji.php/v9/t33/1/16/2705.png" style="height:16px; width:16px" /> &quot;Кемин&quot; көмөк чордонундагы калган оңдоп-түзөө иштери 1-ноябрга чейин толугу менен аяктайт.

<img alt="👉" src="https://static.xx.fbcdn.net/images/emoji.php/v9/t51/1/16/1f449.png" style="height:16px; width:16px" /> Бул иштер келе жаткан күз-кыш мезгилин ийгиликтүү өтүү үчүн жасалууда жана керектөөчүлөрдү тейлөө сапатын жакшыртат. <img alt="🛠️" src="https://static.xx.fbcdn.net/images/emoji.php/v9/tb9/1/16/1f6e0.png" style="height:16px; width:16px" /> Электр жабдууларын оңдоп-түзөө убагында эртең менен саат 09-00дөн кечки саат 17-00гө электр энергиясы үзгүлтүккө учурайт. Оңдоп-түзөө иштери кайсы аймакта, качан болору тууралуу маалымат Чүй электр тармактар ишканасынын официалдуу сайтына <a href="https://l.facebook.com/l.php?u=http%3A%2F%2Fchupes.nesk.kg%2Fru%2F%3Ffbclid%3DIwZXh0bgNhZW0CMTAAYnJpZBExR1V1Sm5uVlN4QmZPS2tVSAEeKm63eZRKTjri7gN6trBFebdizUNWBwcbtSNtPUiDfapjC_cgTw_sIDHqF6c_aem_pc7uw5zQeuMHd38xGXq7oQ&amp;h=AT1nEDv6AEFVLTKaipXhlXhPtAYrXTXWFAjfEmJQKAfeakGIO0DT7CX_1-5aWhPi29Xs9LKMSU1Lf9jYKPDYtO2XeedBQsB0_VRY5nW-5WCbkVnlRvoUFnItWs8bwCAzgtCbAK9JNty4O3mu&amp;__tn__=-UK-R&amp;c[0]=AT2rEQUEUJ4tGttxxekq9dV4RUzuWD_p78GWkmSSpZo8RLCkzWu9m1dTLK8TdfKhD0_ZQDG39J58kW9oGaIl2pECftntqf965gAf0AEmN58Bw0Mlshopq2V_JOG1N-y30kJLGyUmtPGkf5ToUgpByJh254yShA7Ls9spPPxzbHSaS7uXuzPIf4RNH2UA3vo37s7jf7Sho3s0mFh8og2dF_1A" rel="nofollow noreferrer" tabindex="0" target="_blank">http://chupes.nesk.kg/ru/</a> жана Facebook, Instagram социалдык тармактарындагы баракчаларына жайгаштырылат. Ошондой эле &ldquo;Мой свет&rdquo; мобилдик тиркемеси аркылуу да билдирүүлөр келет.

<img alt="⚡" src="https://static.xx.fbcdn.net/images/emoji.php/v9/t5d/1/16/26a1.png" style="height:16px; width:16px" /> Электр энергиясы боюнча суроолоруңуз болсо, биздин күнү-түнү иштөөчү чалуу борборуна105, 1209, 0772001209, 0556001209, 0702001209, (ватсап) номерлерине кайрылсаңыз болот.

<img alt="✅" src="https://static.xx.fbcdn.net/images/emoji.php/v9/t33/1/16/2705.png" style="height:16px; width:16px" /> Маалымат үчүн: 500/220/35 кВ &laquo;Кемин&raquo; көмөк чордону 2015-жылы &laquo;Датка-Кемин&raquo; 500 кВ электр берүү чубалгысы жана &laquo;Кемин&raquo; 500 кВ көмөк чордонун куруу долбоорунун алкагында курулуп, ишке берилген. Бул долбоордун максаты - Кыргызстанды энергетикалык көз карандысыздыгын камсыз кылуу жана Жалал-Абад облусундагы ГЭСтерден өндүрүлгөн электр энергиясын түндүккө жеткирүү.

<img alt="✅" src="https://static.xx.fbcdn.net/images/emoji.php/v9/t33/1/16/2705.png" style="height:16px; width:16px" /> Чүй электр тармактар ишканасы керектөөчүлөрдөн электр энергиясын үнөмдүү жана сарамжалдуу пайдаланууга чакырат. Үнөмдүү пайдалануу үй-бүлөлүк бюджетке пайдалуу жана энергетиктерди колдоо!

500/220/35 кВ “Кемин” көмөк чордону 95 пайыз кышка даяр

&nbsp;

&nbsp;

2025-жылдын 9-10-октябрында Кыргыз Республикасынын энергетика министри Таалайбек Ибраев Бельгиянын Брюссель шаарына барып, &quot;Global Gateway&quot; форумуна катышты. 

&nbsp;

Форумдун алкагында министр Т.Ибраев Эл аралык каржы уюмдар, Казакстандын энергетика министри Е.Аккенженов жана Өзбекстандын энергетика министри Ж.Мирзамахмудов &nbsp;менен жолугушуу өткөрүп, &laquo;Камбар-Ата-1 ГЭС&raquo; долбоорун ишке ашыруусун талкуулашты. Бул жолугушууда Европа биримдиги кылым долбоору &laquo;Камбар-Ата-1 ГЭСин&raquo; ишке ашырышын жана курулушун колдоорун билдирди. &nbsp;Мындан улам ЕБ долбоорду&nbsp; каржылоо үчүн Кыргызстан, Өзбекстан, Казакстанга жалпы 2,4 миллиард доллар бөлүүгө макулдугун билдирип, үч мамлекет менен эки тараптуу документке кол койду. 

Анын ичинен Европа биримдиги Кыргызстанга 1 миллиард доллар бөлүүгө даярдыгын билдирген кийин, эки Меморандумга кол коюлду. Алар:

1.&nbsp;&nbsp;&nbsp;&nbsp;&nbsp; Кыргыз Республикасыныны Энергетика министрлиги менен Европа инвестициялык банктын ортосунда &laquo;Камбар-Ата-1 ГЭС&raquo; долбоорун каржылоо тууралуу өз ара түшүнүшүү жөнүндө Меморандумга кол коюлду.&nbsp; 

Аталган документке энергетика министри Т.О.Ибраев жана Европа инвестициялык банкынын башкы директору <a name="_Hlk211000461">Эндрю Мак Довелл </a>кол койду. 

Сүйлөшүүлөрдүн алкагында долбоорду 500 млн АКШ долларга чейин каржылоо маселеси макулдашылды. 

&nbsp;

2.&nbsp;&nbsp;&nbsp;&nbsp;&nbsp; ЕРӨБнын президенти <a name="_Hlk211000484">Одиль Рено-Бассо</a>нун катышуусунда Кыргыз Республикасыныны Энергетика министрлиги менен Европа реконcтрукциялоо жана өнүктүрүү банктын ортосунда &laquo;Камбар-Ата-1 ГЭС&raquo; долбоорун каржылоо тууралуу өз ара түшүнүшүү жөнүндө Меморандумга кол коюлду.&nbsp; 

Меморандумга энергетика министри Т.О.Ибраев жана Европа реконcтрукциялоо жана өнүктүрүү банкынын регионалдык директору <a name="_Hlk211000510">Хусейн Озхан </a>кол койду.&nbsp; Анда долбоорду 500 млн АКШ долларга чейин каржылоо макулдашылды. 

&nbsp;

<div style="border-bottom:solid windowtext 1.0pt; padding:0cm 0cm 1.0pt 0cm">
Маалымат катары: &quot;Global Gateway&quot; форумуна ар өлкөнүн жогорку даражагы өкүлдөрү, бизнес-чөйрө жана эл аралык каржы уюмдары катышты. Форумун негизги максаты эл аралык экономикалык кызматташууну өнүктүрүүгө багытталган.
</div>

«Камбар-Ата-1 ГЭС» долбоору "Global Gateway" форумунун алкагында талкууланды

Кыргыз Республикасынын Энергетика министрлиги жүргүзүп жаткан реформалардын алкагында, &quot;Кыргызстан улуттук электр тармагы&quot; ААКтын филиалы Ысык-Көл электр тармагы ишканасынын Жети-Өгүз РЭТи керектөөчүлөрдү туруктуу жана ишенимдүү электр энергиясы менен камсыздоону жакшыртуу максатында ири иштерди аткарууда. 
 
Жети-Өгүз&nbsp; району боюнча 2025-жылдын башынан бери төмөнкү иштер ишке ашырылды: 
 
&nbsp;242 даана трансформатор жана 387 чакырым аба чубалгылары техникалык тейлөөдөн өттү; 
 
&nbsp;34 трансформатор менен 39 чакырым электр зымдары капиталдык оңдоого алынган; 
 
&nbsp;Коопсуз жана туруктуу электр энергиясын камсыз кылуу максатында 4,5&nbsp; чакырым алюминий зымдар заманбап СИП зымдарга алмаштырылган, октябрь айынын аягына чейин дагы 5,5 чакырым СИП зымдары тартылат; 
 
&nbsp;Эскилиги жеткен 335&nbsp; жыгач мамы жаңы темир-бетон мамыларга алмаштырылды; 
 
&nbsp;Аба чубалгыларынын&nbsp; коопсуз иштешин камсыздоо үчүн 130 чакырым трасса боюнча бутактарды кыю жана бактарды тазалоо иштери жүргүзүлдү; 
 
Жаңы инфраструктураларды түзүү боюнча дагы бир катар иштер аткарылууда: 2025-жыл ичинде 3 жаңы көмөк чордону орнотуу каралган. Учурда алардын экөөсү ийгиликтүү орнотулуп, ишке берилип, бирөөсү&nbsp; октябрь айынын аягына чейин орнотулат. Ошондой эле 4 көмөк чордондо кубаттуулукту жогорулатуу иштери жүргүзүлдү. 
 
&nbsp;Мындан тышкары, акылдуу эсептегичтерди орнотуу иштери кызуу жүрүүдө: 18 000 даананын ичинен&nbsp; 9000 - орнотулуп, жыл аягана чейин толук бүтүрүү пландалууда. 
 
Бул иштердин баары электр тармагын жаңылоого, жоготууларды азайтууга жана керектөөчүлөргө көрсөтүлүүчү кызматтын сапатын жогорулатууга багытталган. 
 
Маалымат үчүн: 
Бүгүнкү күндө Жети-Өгүз РЭТи 23497 абонентке кызмат көрсөтүп, жалпы 1407,5&nbsp; чакырым электр зымдарын жана&nbsp; 622 трансформатордук көмөк чордондорду тейлейт. 
 
Техникалык иштер жүргүзүлүп жаткан учурда айрым аймактарда убактылуу электр энергиясы өчүрүлүшү мүмкүн экендигин эскертебиз. 
Толук маалымат алуу үчүн Ысык-Көл электр тармактар ишканасынын расмий сайтына жана &laquo;Мой свет&raquo; мобилдик тиркемесине кайрылыңыздар. 
 
&nbsp;Суроолор боюнча төмөнкү байланыш номерлери күнү-түнү жеткиликтүү: 
&nbsp;105, 1209, 0772 001 209, 0702 001 209, 0556 001 209.

Жети-Өгүз районунда 387 чакырым аба чубалгылары техникалык тейлөөдөн өттү

404

Тандалган тилде макала жок. Артка которулунуз.

Актуалдуу

Жалал-Абад облусунда 555 трансформатор оңдоодон өтүп, 14 жаңы трансформатор орнотулат

Ысык-Көлдө ири энергетикалык аба чубалгылар жаңыланат

Энергетикалык көз карандысыздык жана модернизация: 2026-жылдын негизги долбоорлору

Үч-Коргон ГЭСинде реконструкцияланып жаткан №1 жана №2 гидроагрегаттарды реконструкциялоо иштери улантылууда

Нарын облусунда 110/35/10 кВ «Кур-Терек» көмөк чордонунун курулушу башталды